20 لوك مختلفين للبس البوت في الشتا
1- لوك كاجوال مع البوت الانكل البيج:
من أكتر الستيلات المريحة هو لوك الانكل بوت البيج “ankle boot” يعني طوله لحد الكاحل ولو معاه سويتر وجاكت أو سويتر بس وبنطلون جينز مريح في الحركة وينفع قوي في الويكند والأجازات.2- الكاب أو البلوفر الفضفاض مع البوت عالي الرقبة:
البوت العالي لحد الركبة أو الهالف بوت مع البلوفر الفضفاض أو الكاب..لوك كلاسيك وشيك وهادي.
3- الفستان أو الجيبة الضيقة مع الأنكل بوت الجلد:
لوك جرئ لو عندك مناسبة أو خروجة مميزة, البوت الجلد بطول الأنكل بأي لون مع جيبة أو فستان وعليه من فوق جاكيت بلون البوت.
4- البوت بالفرو مع الليجنج والكارديجان:
البوت الهالف المزين بالفرو بيكبر حجم الساق عشان كده بيفضل إننا نلبس معاه بنطولن ضيق أو ليجنج عشان نتجبنب إننا نعمل لوك ضخم للجزء اللي تحت من جسمنا, وممكن معاه سكارف وكارديجان طويل بيدي لوك مريح ومرح.
5- البوت الجلد عالي الرقبة مع السويتر:
ستايل كاجوال لكل وقت, البوت الجلد عالي الرقبة لحد الركبة بكعب صغير ويكون فوق البنطلون وعليه سويتر بسيط وممكن لو حابة تلبسي معاه الطقية .. اهم حاجة تنسقي الألوان.
6- البوت القطيفة عالي الرقبة مع الجيبة والبالطو:
لوك جذاب كلاسيك في شتا 2016 لخروجة مميزة, البوت القطيفة العالي فوق الركبة وعليه جيبة وبالطو طويل يكون اطول من البوت ومن نفس اللون.
7- البوت الأنكل مع البنطلون الكلاسيك:
لوك عملي ينفع للشغل, البوت الأنكل بلون البيج معاه البنطلون الكلاسيك القصير بلون نبيتي أو كحلي وعليه سويتر وممكن تزودي سكارف.
8- انكل بوت مزخرف مع الكارديجان:
لوك كاجوال بالفستان الواسع وعليه الكارديجان ومعاهم البوت الأنكل المزخرف وممكن تزودي سكارف.
9- البوت الجلد عالي الرقبة مع البليزر:
البوت الجلد عالي الرقبة لتحت الركبة مع البنطلون الضيق والبليزر للوك كلاسيك.
10- البنطلون واسع الرجل مع البوت والبليزر:
طبعا اللوك ده عمره مابيبطل, البنطلون واسع الرجل وتحته البوت بكعب عالي وعليه قميص وبليزر, لوك كلاسك ينفع للشغل والكليه.
11- الأسود للوك غامض كلاسيك وجذاب:
جربي البلوفر برقبة أسود معاه بنطلون ضيق أسود وبوت برقبة عالية تحت أو فوق الركبة وعليه بالطو طويل اسود. لوك مختلف كلاسيكي وغامض.
12- البوت البني الجلد عالي الرقبة:
لوك كاجوال للبوت البني برقبة عاليه لحد الركبة, مع بلوفر كحلي أو نبيتي أو اصفر ومعاه بنطلون جينز ازرق.
13- لوك كلاسيك بالانكل بوت:
انكل بوت اسود مع بنطلون اسود وبليزر واسع وساعة للوك كلاسيك للشغل.
14- الفستان السويتر مع البوت القطيفة:
اتكلمنا قبل كده عن الفستان السويتر وإزاي ممكن نلبسه , شوفي لوك ليه مع البوت القطيفة عالي الرقبة مع شراب خفيف للوك أنثوي جذب.
15- لوك كاجوال للبوت الأنكل البني:
بنطلون جينز مع جاكيت بني جلد وبوت أنكل بني جلد.
16- البوت بالفرو مع الليجنج والبلوفر الفضفاض:
البوت الفرو الدافي وعليه البلوفر الواسع الفضفاض مع لم الشعر ديل حصان. للوك كاجوال مريح.
17- بوت بني قطيفة عالي الرقبة للوك كلاسيكي:
فستان قصير مع بوت بني قطيفة عالي الرقبة لحد الركبة للوك للمناسبات كلاسيكي.
18- بوت بني أنكل مزخرف مع لمسة ألوان:
لوك مبهج بالبوت المزخرف البني ومعاه بلوفر اخضر أو احمر أو فشية وعليه بليزر بيج للوك كلاسكيكي للشغل أو الجامعة.
19- البوت القماش مع الجلد:
البالطو الطويل للوك كلاسيك معاه بوت جلد من تحت وقماش من فوق علي ليجنج أو بنطلون ضيق.
20- بوت بني قطيفة فوق الركبة:
مش شرط إننا نلبس البوت الجلد مع الجاكت الجلد, يعني ممكن كمان نلبس البوت القطيفة مع الجاكت جلد, بوت عالي الركبة فوق الركبة ومعاه بنطلون جينز ضيق وجاكت جلد, بس نحرص إننا نلبس بلوفر أو بلوزة بلون هادي تحت الجاكت.