20 لوك مختلفين للبس البوت في الشتا

بقلمسارة جمال فيموضة وأزياء visibility16770
20 طريقة شيك ومختلفة إزاي تلبسي الجزمة البوت في الشتا .. اكيد من ال 20 طريقة دول هتلاقي منهم اللي يناسب ذوقك وستايلك… البوت بيبقي الستايل المفضل لبنات كتير في فصل الخريف والشتا, وفيه منه أشكال كتيرة جدا ( الفلات, فوق الركبة, الكعب, هالف بوت, أنكل بوت) وستايلاته فيه منه الكاجوال والكلاسيك والستايل العملي للشغل أو الكلية… يلا نتفرج علي ال 20 لوك وقوليلنا إنتي حبتي أنهي ستايل فهم…

1- لوك كاجوال مع البوت الانكل البيج:

من أكتر الستيلات المريحة هو لوك الانكل بوت البيج “ankle boot” يعني طوله لحد الكاحل ولو معاه سويتر وجاكت أو سويتر بس وبنطلون جينز مريح في الحركة وينفع قوي في الويكند والأجازات.
لوك كاجوال مع البوت الهالف البيج
لوك كاجوال مع البوت الهالف البيج

2- الكاب أو البلوفر الفضفاض مع البوت عالي الرقبة:

البوت العالي لحد الركبة أو الهالف بوت مع البلوفر الفضفاض أو الكاب..لوك كلاسيك وشيك وهادي.

الكاب أو البلوفر الفضفاض مع البوت عالي الرقبة
الكاب أو البلوفر الفضفاض مع البوت عالي الرقبة

3- الفستان أو الجيبة الضيقة مع الأنكل بوت الجلد:

لوك جرئ لو عندك مناسبة أو خروجة مميزة, البوت الجلد بطول الأنكل بأي لون مع جيبة أو فستان وعليه من فوق جاكيت بلون البوت.

الفستان أو الجيبة الضيقة مع الهالف بوت الجلد:
الفستان أو الجيبة الضيقة مع الهالف بوت الجلد:

4- البوت بالفرو مع الليجنج والكارديجان:

البوت الهالف المزين بالفرو بيكبر حجم الساق عشان كده بيفضل إننا نلبس معاه بنطولن ضيق أو ليجنج عشان نتجبنب إننا نعمل لوك ضخم للجزء اللي تحت من جسمنا, وممكن معاه سكارف وكارديجان طويل بيدي لوك مريح ومرح.

البوت بالفرو مع الليجنج أو البنطلون الضيق
البوت بالفرو مع الليجنج أو البنطلون الضيق

5- البوت الجلد عالي الرقبة مع السويتر:

ستايل كاجوال لكل وقت, البوت الجلد عالي الرقبة لحد الركبة بكعب صغير ويكون فوق البنطلون وعليه سويتر بسيط وممكن لو حابة تلبسي معاه الطقية .. اهم حاجة تنسقي الألوان.

البوت الجلد عالي الرقبة مع السويتر
البوت الجلد عالي الرقبة مع السويتر

6- البوت القطيفة عالي الرقبة مع الجيبة والبالطو:

لوك جذاب كلاسيك في شتا 2016 لخروجة مميزة, البوت القطيفة العالي فوق الركبة وعليه جيبة وبالطو طويل يكون اطول من البوت ومن نفس اللون.

الفستان أو الجيبة الضيقة مع الهالف بوت الجلد:
البوت القطيفة عالي الرقبة مع الجيبة والبالطو

7- البوت الأنكل مع البنطلون الكلاسيك:

لوك عملي ينفع للشغل, البوت الأنكل بلون البيج معاه البنطلون الكلاسيك القصير بلون نبيتي أو كحلي وعليه سويتر وممكن تزودي سكارف.

البوت الهالف مع البنطلون الكلاسيك
البوت الهالف مع البنطلون الكلاسيك

8- انكل بوت مزخرف مع الكارديجان:

لوك كاجوال بالفستان الواسع وعليه الكارديجان ومعاهم البوت الأنكل المزخرف وممكن تزودي سكارف.

 انكل بوت مزخرف مع الكارديجان
انكل بوت مزخرف مع الكارديجان

9- البوت الجلد عالي الرقبة مع البليزر:

البوت الجلد عالي الرقبة لتحت الركبة مع البنطلون الضيق والبليزر للوك كلاسيك.

البوت الجلد عالي الرقبة مع البلازر
البوت الجلد عالي الرقبة مع البلازر

10- البنطلون واسع الرجل مع البوت والبليزر:

طبعا اللوك ده عمره مابيبطل, البنطلون واسع الرجل وتحته البوت بكعب عالي وعليه قميص وبليزر, لوك كلاسك ينفع للشغل والكليه.

 البنطلون واسع الرجل مع البوت والبلازر
البنطلون واسع الرجل مع البوت والبلازر

11- الأسود للوك غامض كلاسيك وجذاب:

جربي البلوفر برقبة أسود معاه بنطلون ضيق أسود وبوت برقبة عالية تحت أو فوق الركبة وعليه بالطو طويل اسود. لوك مختلف كلاسيكي وغامض.

 الأسود للوك غامض كلاسيك وجذاب
الأسود للوك غامض كلاسيك وجذاب

12- البوت البني الجلد عالي الرقبة:

لوك كاجوال للبوت البني برقبة عاليه لحد الركبة, مع بلوفر كحلي أو نبيتي أو اصفر ومعاه بنطلون جينز ازرق.

البوت البني الجلد عالي الرقبة
البوت البني الجلد عالي الرقبة

13- لوك كلاسيك بالانكل بوت:

انكل بوت اسود مع بنطلون اسود وبليزر واسع وساعة للوك كلاسيك للشغل.

 لوك كلاسيك بالانكل بوت
لوك كلاسيك بالانكل بوت

14- الفستان السويتر مع البوت القطيفة:

اتكلمنا قبل كده عن الفستان السويتر وإزاي ممكن نلبسه , شوفي لوك ليه مع البوت القطيفة عالي الرقبة مع شراب خفيف للوك أنثوي جذب.

الفستان السويتر مع البوت القطيفة
الفستان السويتر مع البوت القطيفة

15- لوك كاجوال للبوت الأنكل البني:

بنطلون جينز مع جاكيت بني جلد وبوت أنكل بني جلد.

لوك كاجوال للبوت الأنكل البني
لوك كاجوال للبوت الأنكل البني

16- البوت بالفرو مع الليجنج والبلوفر الفضفاض:

البوت الفرو الدافي وعليه البلوفر الواسع الفضفاض مع لم الشعر ديل حصان. للوك كاجوال مريح.

 البوت بالفرو مع الليجنج والبلوفر الفضفاض
البوت بالفرو مع الليجنج والبلوفر الفضفاض

17- بوت بني قطيفة عالي الرقبة للوك كلاسيكي:

فستان قصير مع بوت بني قطيفة عالي الرقبة لحد الركبة للوك للمناسبات كلاسيكي.

 بوت بني قطيفة عالي الرقبة للوك كلاسيكي
بوت بني قطيفة عالي الرقبة للوك كلاسيكي

18- بوت بني أنكل مزخرف مع لمسة ألوان:

لوك مبهج بالبوت المزخرف البني ومعاه بلوفر اخضر أو احمر أو فشية وعليه بليزر بيج للوك كلاسكيكي للشغل أو الجامعة.

بوت بني أنكل مزخرف مع لمسة ألوان
بوت بني أنكل مزخرف مع لمسة ألوان

19- البوت القماش مع الجلد:

البالطو الطويل للوك كلاسيك معاه بوت جلد من تحت وقماش من فوق علي ليجنج أو بنطلون ضيق.

البوت القماش مع الجلد
البوت القماش مع الجلد

20- بوت بني قطيفة فوق الركبة:

مش شرط إننا نلبس البوت الجلد مع الجاكت الجلد, يعني ممكن كمان نلبس البوت القطيفة مع الجاكت جلد, بوت عالي الركبة فوق الركبة ومعاه بنطلون جينز ضيق وجاكت جلد, بس نحرص إننا نلبس بلوفر أو بلوزة بلون هادي تحت الجاكت.

بوت بني قطيفة فوق الركبة
بوت بني قطيفة فوق الركبة