اعرفى اكثر عن البشرة الحساسة و احسن مكياج ليها
البشرة الحساسة بتحتاج عناية زيادة و ان احنا ناخد وقت فى البحث والتَّدقيق عن المستحضرات اللي فيها تغذيتها، برغم حساسيتها وعيوبها الا ان العناية بها مش موضوع صعب و ممكن نعرف ازاى نهتم بيها بسهولة . تعالوا نعرف اكثر عن نصايح البشرة الحساسة و احسن انواع مكياج ليها …
نصائح للعناية بالبشرة الحساسة :
1 – لازم تهتمى بتنظيف وشك طول الوقت عشان بشرتك ميحصلهاش تهيج و احمرار بسبب الالتربة فى الجو و عشان تتجنبى مشكلة التشققات و الحبوب .
2 – احصلى على عدد ساعات مناسب و كافى من النوم لان النوم مفيد جدا لبشرتنا و بيكون هو الوقت اللى الجلد بيجدد نفسه فيه و بيفرز مواد مهمة لتحسين الجلد .
3 – احرصى على تناول اكل فيه فيتامين سى كثير زى الليمون و البرتقال و كمان فيتامين اى لانه مليان بالحمضيات المفيدة و مضادات الاكسدة اللى بتحمى بشرتك و تغذيها .
4 – حاولى تبعدى عن الشمس على قد ما تقدرى و لستخدمى واقى من اشعة الشمس و اتاكدى انك ترطبى وشك كثير خصوصا فى الاماكن اللى ممكن يظهر فيها تجاعيد زى تحت العين و حوالين الفم .
5 – احرصى على حسن اختيار المنتجات اللى بتستعمليها على جلدك و انها ميكونش فيها حاجة تزودلك الحساسية و فى الموضوع ده حاولى تستشيرى طبيبك الخاص .
6 – حاولى متحطيش مكياج كثر لان بيكون فيه مواد كيميائية ممكن تزود من حساسية بشرتك و حافظى على ان جلدك يكون بيتنفس و نظيف
7 – لو فى عندك حكة او حبوب بلاش تلمسى وشك كتير لان ده بيزود الحساسية و الالتهاب و الاحسن تعالجيهم و تبعدى ايديكى عنهم تماما.
نصائح المكياج للبشرة الحساسة :
-استخدمى الكونسيلر الأخضر اللون عن طريق وضع القليل منه على موضع الاحمرار مع التربيت بلطف.
– قبل ما تحطى مكياج احرصي على اختيار المرطِّبات اللى فيها “السيراميدات” أو “الأحماض الدهنية” أو “الكولسترول”، لانها بتحمي البشرة من الاستثارة اللي بتسببها الحساسيَّة.
-اختارى مزيل المكياج الغنيّ بالعوامل المرطِّبة، زى حمض “اللاكتيك”، وهو حمض اللبن، لأنَّه بينظِّف الأنسجة تنظيف عميق ويغذِّيها.
– استخدام أدوات المكياج على هيئة بودرة هي الأنسب للبشرة الحساسة، لانها بتساعد على التخلص من لمعان البشرة، و فيها نسبة أقل من المواد الحافظة والمواد اللي بتتسبب في تهيج البشرة.
– تجنبى استخدام أدوات المكياج الليفيها كيماويات مضادة للماء أو عناصر مختلطة. لانها بتحتاج إلى استخدام مزيل المكياج اللي بيحتوي على بعض المكونات اللي تتسبب تهيج البشرة وظهور حب الشباب.
-اختاري اللون الأسود للماسكارا ولتحديد العيون بدلً من اختيار الألوان المختلفة كالبني، الأخضر أو الأزرق. لان منتجات العين ذات اللون الأسود بتحتوي على نسب أقل من المواد اللي ممكن تتسبب في تهيج البشرة.
-البلاشر لازم استخدامه بحذر في مناطق الوجه المعرضة للحساسية اكثر. استخدمي كميات بسيطة من البلاشر لان أغلب الأنواع غير مناسبة للبشرة المعرضة لحب الشباب أو البشرة الحساسة.
-اللون الكريمي، الأبيض، البيض أو البني من ظلال الجفون بتتسبب في حساسية أقل للجفون خصوصا للبنت اللى بتعاني من الحكة والعيون الحساسة.
-بلاش تستخدمي أدوات المكياج ذات الصلاحية المنتهية، لازم الانتباه لتاريخ انتهاء الصلاحية المدون على العبوات. لان صلاحية المكياج من أكثر الأسباب التي بتتسبب في تلف البشرة وتهيجها.
وصفات طبيعية للبشرة الحساسة :
1 -زيت جوز الهند :
مرطب طبيعى للبشرة الحساسة و بيمنع التشققات و الاحمرار و بيعتبر علاج لانواع كثير من امراض الجلد زى الاكزيما و الالتهابات و ممكن يحميكى من اشعة الشمس. ممكن تدهنى بيه جلدك قبل ما تنامى و تغسليه الصبح او ممكن تعملى حاجة تانى انك تخلطى كوب زيت جوز هند فى مياه دافيه و تنقعى قماشة قطن فيهم ربع ساعة و تمشيها على وشك.
2 – اللبن :
البن الطبيعى يعتبر مهدىء ممتاز للبشرة الحساسة و الملتهبة و بينظفها و يعالجها فى نفس الوقت و بيحافظ على ترطيبها . هاتى قماشة نظيفة او قطن و انقعيها فى اللبن و مشيها على وشك و سيبيها ربع ساعة و بعدين اشطفيها . لو عايزة تعملى ماسك لبن اخلطى نصف كباية دقيق و زوديها للبن و زودى قطرات عسل و مياه ورد و يبيها على وشك 10 دقائق و اشطفيها و كررى مرة فى الاسبوع.
3 – الشيكولاتة:
الشيكولاتة رائعة للجلد لانه بيمتص منها المواد المفيدة اللى بترطب الجلد الحساس و بتعالج البقع و الاحمرار و الالتهابات بفاعليه . هتحضرى ماسك عن طريق خلط 5 معالق كاكاو و 4 ملاعق عسل و 2 معلقة افوكادو مطحون و 3 ملاعق دقيق الذرة و نخلطهم كويس و نسيبهم على الوش ربع ساعة و نغسلهم بمياه دافية .
