أحلى هدايا لرجل برج القوس !
رجل برج القوس متفائل جدا, مولود قائد بطبيعته, واثق في نفسه للغايه.. انسان كريم و شخصية جميلة و هيحتاج اكيد هدية مميزة و جميلة زى شخصيته تعالى اعرفى معانا احلى هدايا لرجل برج القوس …
ايه هى أحلى هدايا لرجل برج القوس ؟
1- الرحلات
رجل برج القوس بيعشق الرحلات و التجوال و اكتشاف الاماكن الجديدة و بيحب يتعرف على الناس الجديدة و اى حاجة او اى مكان مجربهوش قبل كده عشان كده السفر و الرحلات هتكون هدية مميزة له . حاولى تجيبيله تذاكر لمكان جميل او رحلة حلوة و يكوون فيها مغامرات او اكتشافات زى رحلات السفارى مثلا او الرحلات البحرية او النيلية لانه بيحب الحرية و مش بيحب مكان مقفول او حاجة تقيده .
2 – الكتب
الرجل ده غاوى ثقافة و معلومات جيدة و بيحب جدا يعرف و يتعلم كل حاجة و لو عرفتى اكثر انواع كتب بيحبها هتكونى جبتيله هدية رائعة . خليكى متنوعة و اشتريله كتب فى الرحلات و السفر و علم النفس و الفلسفة و الثقافات و التاريخ للبلاد التانية و يا سلام بقى لو جبتيله مع الكتب طرابيزة قهوة عشان يسيب الكتب عليها او مكتبة صغيرة جميلة .
3 – الرياضة و اللعب :
برج القوس رجل عاشق للمغامرات و اى حاجة ترفع الادرينالين فى دمه ! ركوب الخيل او تسلق الجبال من اكثر المغامرات و الرياضات اللى بيفضلها و ممكن كمان لعبة كرة القدم و كرة السلة . ممكن ترتبيله اشتراك فى رحلة او فريق فى حاجة من الرياضات دى او اى رياضة تكون فى مكان مفتوح و يكون فيها مغامرات و حركة كتير .ممكن كمان تشتريله العاب الفيديو و الاكشن المفضلة ليه و تشاركيه فيها .
4- المرح :
اصحاب البرج ده بيحبوا المرح و اللعب و الضحك و من الهدايا الجميلة للرجل فى البرج ده انك تجيبيله اى حاجة لطيفة تضحكه زى مجموعة من حلقات المسلسل او الفيلم الكوميدى المفضل له او تى شيرت مكتوب عليها عبارات كوميدية او ممكن تجيبيله تذاكر مسرحية لطيفة او فيلم كوميديى و دورى دايما على اى حاجة تخليه مبسوط و بيضحك .
