أحلى هدايا لرجل برج الثور !
العاشق الجامح, وفي و صادق, رجل الثور… كلمة فشل مش موجودة فى قاموسه و لو فشل لازم يرجع يحاول ويحاول لحد لما ينجح شخصية تقدس التقاليد لكن اكيد محتاج هدايا غير تقليدية ! تعالى اعرفى معانا أحلى هدايا لرجل برج الثور فى السطور اللى جاية …
1 – الرفاهية :
برج الثور بيعشق الرفاهية و الراحة و اى حاجة تحسسه بكده بيحب يصرف عليها فلوس عادى .ممكن تجيبى لرجل برج الثور هدية زى كرسى للمساج مثلا . او ممكن تجيبيله كذا طقم من الجوارب القطنية المريحة او لبس يكون صوف ناعم او روب للحمام يكون قماشته جميله تحسسه بالراحة و الرفاهية اللى بيدور عليها .
2 – هدايا للشغل :
رجل برج الثور هيفرح جدا بأى هدية تعبر عن ذوقك الشيك و اللى مصنوعة بأحسن الخامات اللى بتدل على الاناقة لانه رجل انيق بطبعه زى مثلا المحافظ و الاحزمة و الشنط اللى مصنوعة من الجلد الطبيعى و اللى بيكون شكلها رائع خصوصا لو استعملها فى شغله .كمان ممكن تجيبى ادوات مكتبية و اقلام تكون من ماركات معروفة و شيك تناسب ذوقه و هتعجبه جدا .
3 – هدايا الدلع :
لما عيد ميلاده يجى او نفسك تجيبيله هدية للدلع دورى على ملابس مصنوعة من الكشمير او الحرير لانه بيتأثر جدا بالاشياء المادية اللى تلمس احساسه و ممكن كمان تجيبيله البرفان او العطر المفضل ليه و ممكن كريمات ما بعد الحلاقة و الشاور جيل و اى حاجة ليها رائحة جميلة و بيحبها . ممكن لو عايزة تذودى من جمال الهدية تحجزيله يوم فى سبا او مكان للاسترخاء وسط الطبيعة .
4- الموسيقى :
رجل برج الثور شخصية موسيقية جدا و عنده موهبة تمييز الموسيقى الجميلة وودنه موسيقية زى ما بيقولوا و كثير من رجالة برج الثور صوتهم ينفع للغناء لانه قوى و عميق . دورى على سى دى لمطربه المفضل او اكثر نوع موسيقى بيحبها و دوريله كمان على اى بود لاستماع موسيقته المفضلة و لفيهم سوا فى علبة جميلة هيفرح بيهم جدا .
5 – هواية التجميع و اقتناء الاشياء :
رجل برج الثور بيحب يجمع الحجات اللى بتشد اهتماماته زى الاوانى و الفازات القديمة و اللوح و ممكن الالات الموسيقية زى الجيتار و الكمانجة و بيحب يكون مجموعات من المقتنيات دى و خصوصا لو حاجة غالية او غريبة ممكن كمان المنتجات الخشبية او اللى فيها احجار او الالعاب زى الطاولة .
6 – الاكل :
من اكبر متع الحياة بالنسبة لرجل برج الثور الاكل اللى معمول بفن و طعم بس فى نفس الوقت يكون بسيط و فى الحلويات بيحب الحجات اللى بتفكره بطفولته زى جميع انواع الشيكولاتة و الوانها و انواعها و بيفضل جدا الاكلات البيتى اللى معمولة عشانه مخصوص اكثر من الاكل بره و لو هتعزميه بره اختارى مكان بدقة و عناية و يكون خدمته ممتازة .
7 – الاماكن المفتوحة :
برج ترابى بيحب اى مكان يكون فيه مناظر طبيعية خلابة و احسن هدية انك تحجزيله فى فندق شيك فى مكان هادى و مرفه او فى مكان فيه زرع كتير و بيتمتع بالخصوصية زى تأجير مزرعة او فيلا او اى منطقة فى الريف .
