أحلى هدايا لرجل برج الثور !

يسرا خالد
يسرا خالد
34754

 العاشق الجامح, وفي و صادق, رجل الثور… كلمة فشل مش موجودة فى قاموسه و لو فشل لازم يرجع يحاول ويحاول لحد لما ينجح شخصية تقدس التقاليد لكن اكيد محتاج هدايا غير تقليدية ! تعالى اعرفى معانا أحلى هدايا لرجل برج الثور فى السطور اللى جاية …

1 – الرفاهية :

برج الثور بيعشق الرفاهية و الراحة  و اى حاجة تحسسه بكده بيحب يصرف عليها فلوس عادى .ممكن تجيبى لرجل برج الثور هدية زى كرسى للمساج مثلا . او ممكن تجيبيله كذا طقم من الجوارب القطنية المريحة او لبس يكون صوف ناعم او روب للحمام يكون قماشته جميله تحسسه بالراحة و الرفاهية اللى بيدور عليها .

هدايا لرجل برج الثور 1
هدايا لرجل برج الثور 1

2 –  هدايا للشغل :

رجل برج الثور هيفرح جدا بأى هدية تعبر عن ذوقك الشيك و اللى مصنوعة بأحسن الخامات اللى بتدل على الاناقة لانه رجل انيق بطبعه زى مثلا المحافظ و الاحزمة و الشنط اللى مصنوعة من الجلد الطبيعى و اللى بيكون شكلها رائع خصوصا لو استعملها فى شغله .كمان ممكن تجيبى ادوات مكتبية و اقلام تكون من ماركات معروفة و شيك تناسب ذوقه و هتعجبه جدا .

هدايا لرجل برج الثور 2
هدايا لرجل برج الثور 2

3 – هدايا الدلع :

لما عيد ميلاده يجى او نفسك تجيبيله هدية للدلع دورى على ملابس مصنوعة من الكشمير او الحرير لانه بيتأثر جدا بالاشياء المادية اللى تلمس احساسه و ممكن كمان تجيبيله البرفان او العطر المفضل ليه و ممكن كريمات ما بعد الحلاقة و الشاور جيل و اى حاجة ليها رائحة جميلة و بيحبها . ممكن لو عايزة تذودى من جمال الهدية تحجزيله يوم فى سبا او مكان للاسترخاء وسط الطبيعة .

هدايا لرجل برج الثور 3
هدايا لرجل برج الثور 3

4- الموسيقى :

رجل برج الثور شخصية موسيقية جدا و عنده موهبة تمييز الموسيقى الجميلة  وودنه موسيقية زى ما بيقولوا و كثير من رجالة برج الثور صوتهم ينفع للغناء لانه قوى و عميق . دورى على سى دى لمطربه المفضل او اكثر نوع موسيقى بيحبها و دوريله كمان على اى بود لاستماع موسيقته المفضلة و لفيهم سوا فى علبة جميلة هيفرح بيهم جدا .

هدايا لرجل برج الثور 4
هدايا لرجل برج الثور 4

5 – هواية التجميع و اقتناء الاشياء :

رجل برج الثور بيحب يجمع الحجات اللى بتشد اهتماماته زى الاوانى و الفازات القديمة و اللوح و ممكن الالات الموسيقية زى الجيتار و الكمانجة و بيحب يكون مجموعات من المقتنيات دى و خصوصا لو حاجة غالية او غريبة ممكن كمان المنتجات الخشبية او اللى فيها احجار او الالعاب زى الطاولة .

هدايا لرجل برج الثور 5
هدايا لرجل برج الثور 5

6 – الاكل :

من اكبر متع الحياة بالنسبة لرجل برج الثور الاكل اللى معمول بفن و طعم بس فى نفس الوقت يكون بسيط و فى الحلويات بيحب الحجات اللى بتفكره بطفولته زى جميع انواع الشيكولاتة و الوانها و انواعها و بيفضل جدا الاكلات البيتى اللى معمولة عشانه مخصوص اكثر من الاكل بره و لو هتعزميه بره اختارى مكان بدقة و عناية و يكون خدمته ممتازة .

هدايا لرجل برج الثور 6
هدايا لرجل برج الثور 6

7 –  الاماكن المفتوحة :

برج ترابى بيحب اى مكان يكون فيه مناظر طبيعية خلابة و احسن هدية انك تحجزيله فى فندق شيك فى مكان هادى و مرفه او فى مكان فيه زرع كتير و بيتمتع بالخصوصية زى تأجير مزرعة او فيلا او اى منطقة فى الريف .

هدايا لرجل برج الثور 7
هدايا لرجل برج الثور 7

مقالات متعلقه

استايل هدوم رجل برج الثور

استايل هدوم رجل برج الثور

استايل هدوم انثى برج الثور

استايل هدوم انثى برج الثور

ازاى تكسبى قلب رجل برج الثور ؟!

ازاى تكسبى قلب رجل برج الثور ؟!