إزاي تكسب قلب انثى الأسد؟

سارة جمال
سارة جمال
72218

الملكة الفاتنة الشغوفة, اللي لما بتقع في الحب بتعيشه بكل كيانها وحواسها..كلها طاقة واجابية وبتنشر السعادة بين كل اللي حواليها لانها بتعشق الحياة والضحك والمرح.. اتكلمنا عنها بالتفصيل قبل كده وكمان اتكلمنا عن عيوب ومميزات برجها, دلوقتي جيبنلك نصايح إزاي تكسب قلب انثى الأسد.

قلب انثى الأسد
قلب انثى الأسد

1- المغازلة والدلع:

أول حاجة لازم تعملها لو عايز تشد انتباه امرأة الأسد هو إنك متبخلش عليها بالمغازلة والدلع, يعني مينفعش تكون بتخبي مشاعرك أو بتتكسف لأ بالعكس مفروض تكون جريء وبتعبر عن مشاعرك كل ماتلاقي فرصة, لازم تحسسها اد ايه هي مهمة عندك وإنك شايفها احلي واروع بنت في الدنيا.. وكمان خلي بالك إنك تتجنب تحرجها خصوصا لو قدام الناس, علي اد ماهي تبان متباهيه بنفسها علي اد ماهي من جوه حساسة جدا وجرح زي ده ممكن يدمرلها ثقتها في نفسها وفيك.

2- اديها المسؤلية من وقت للتاني:

بما إنها الانثى ألفا من الدرجة الأولى، بلاش تتوقع منها إنها هتبقي منقادة طول الوقت, هي كتلة طاقة مشتعلة وده أكيد ممكن يكون سبب من اعجابك بيها من المقام الاول عشان كده بلاش تحاول إنك تحد من ده بانك تتحكم فيها أو متديهاش زمام المبادرة من وقت للتاني لانك لوعملت كده وحاولت تقيدها هتطفيها مين غير قصد.

3- خليك متفائل وإيجابي:

لأن امرأة الأسد كلها طاقة زي ماكلنا هنلاقيها علي طول بتضحك وبتنشر جو من السعادة والمرح حواليها عشان كده هي بتميل للشريك الإيجابي المتفائل اللي يتجواب معاها ويكون بعيد عن النكد أو الهدوء الزيادة, وكمان يكون فخور عشان هي معاه وفي حياته.

4- الحب بشغف:

قلنا عنها قبل كده إنها بتحب كما قال الكتاب ..الحب عند انثى الأسد هو بالظبط زي الحب اللي موجود في الكتب والأفلام, معندهاش حالة وسط, يا تحب بكل كيانها يا ترفض بكل ثقة عشان كده متبخلش عليها بحنيتك وحبك ووقتك واهتمامك.. وإنك تبقي دايما جنبها في الوحشة قبل الحلوة تلاقي كتفك تتسند عليه.. وفي المقابل هتشوف منها رد فعل قوي لانها معروفة بولأها الشديد لشريك حياتها.

5- خليك مبدع:

انثى الأسد ممكن تحس بالملل بسرعة وبتبقي محتاجة للتجديد والتغيير من وقت للتاني وده عشان طاقتها وشغفها في الحياة, احرص إنك تبقي عندك روح المغامرة, تاخدها اماكن جديدة ومثيرة عشان تجدد طاقتها وحيويتها.

طبعا المشاعر دي حاجة مش بإيدينا يعني مش شرط انك تنفذ الخطوات دي وتكون نتيجتها ايجابية تماما واكيد كمان في فروق فردية بين الناس وبعض يعني الكلام ده مش حينطبق على كل بنات الأسد، لكن دي محاولة مننا عشان نفهمك طبيعة انثى الأسد وتخليك تتعامل معاها بالشكل المناسب. أهم نصيحة من بنات حوا عشان تكسب قلب أي بنت هي إنك متمثلش وإنك تخليها تنجذب لشخصيتك الفعلية مش شخصية إنت بس بتعيشها عشان تجذبيها ليك, لانك غصب عنك وبعض فترة هترجع لشخصيتك الأصلية ووقتها ممكن تحصل مشكلة كبيرة لما تحس إن مش ده الرجل اللي هي حبته…

اقروا كمان الملكة الفاتنة: انثى برج الأسد

القائد الواثق: رجل برج الأسد

توافق برج الأسد مع باقي الأبراج

أهم 5 أسباب لجاذبية برج الأسد!

أيه هي عيوب برج الأسد؟!

إزاي تكسبي قلب رجل برج الأسد؟

مقالات متعلقه

إزاي تكسبي قلب رجل برج الأسد؟

إزاي تكسبي قلب رجل برج الأسد؟

أيه هي عيوب برج الأسد؟!

أيه هي عيوب برج الأسد؟!

أهم 5 أسباب لجاذبية برج الأسد!

أهم 5 أسباب لجاذبية برج الأسد!