اعرفى اكثر عن البشرة الدهنية و احسن مكياج ليها

بقلميسرا خالد فيبشرة visibility21373

البشرة الدهنية مشكلة بتضايق بنات كتير وبتتسبب ان المكياج بتاعهم يتمسح ويسيح و كمان بتسبب ظهور الحبوب وعشان احنا بنهتم بجمالكم بنات حوا جايبلكم نصايح ازاى نهتم ببشرتنا الدهنية واحسن انواع مكياج ليها وكمان وصفات طبيعية تعالج المشكلة . تعالوا اعرفوا اكثر عن البشرة الدهنية …

البشرة الدهنية
البشرة الدهنية

نصايح للعناية بالبشرة الدهنية:

1 – اغسلى وشك مرتين فى اليوم الصبح و قبل ما تنامى و مش اكثر من كده عشان متحرميش جلدك من الزيوت الطبيعية اللى بيفرزها و بيحتاجها.

2 – استخدمى منظف خالى من الزيوت و الكحول عشان متزوديش الدهون فى وشك و لازم يكون مخصوص للبشرة الدهنية عشان متزوديش المشكلة .

3 – استخدمى الماية الدافية فى الغسيل لان ليها فاعلية فى التخلص من الدهون و بلاش الماية السخنة عشان متلهبش جلدك.

4 – لو واثقة ان معندكيش مشكلة طبية. ممكن تكون تغيرات جسمك الهرمونية بتزود الدهون عشان كده لازم تتبعى نظام اكل صحى و رياضة خفيفة ونوم منتظم.

5- حاولى متاكليش منتجات البان كتير لان فيها مواد بتزود من ظهور الحبوب.

6 – متستخدميش كريمات للترطيب لان بشرتك بترطب نفسها .

7 – زيت الجوجوبا ممكن يساعد فى التخلص من الحبوب اللى بتسببها البشرة الدهنية . اغسلى و شك و سيبيه 10 دقائق و على وشك و بعدين اغسليه تانى .

وصفات طبيعية للبشرة الدهنية : 

1 – خلطة الشاى و فراولة:

ملعقة شاي عصير ليمون

بياض بيضتين

ثلاث ملاعق شاي عسل طبيعي

كوب فراولة

اخلطي المكونات في الخلاط. حطى خلطة الوجه عليك لمدة 10 دقائق  و اغسليها بماء بارد.

وصفات طبيعية للبشرة الدهنية
وصفات طبيعية للبشرة الدهنية

2 – خلطة الموز:

موزة

ملعقة طعام عسل طبيعي

ملعقة شاي من عصير البرتقال او اليمون

اخلطي المكونات لحد ما تبقى زى المعجون ، حطى خلطة الوجه عليك لمدة 10 دقائق.  ممكن اضافة ماء للخلطة لو لقتيها سميكة.

 

وصفات طبيعية للبشرة الدهنية
وصفات طبيعية للبشرة الدهنية

3 – خلطة الخيار:

نص حبة خيار مقشرة

بياض بيضة

ملعقة شاي من عصير الليمون

ملعقة شاي من النعناع

اخلطي المكونات و حطيها في الثلاجة لمدة 10 دقائق ، حطى خلطة الوجه عليك لمدة 15 دقيقة. و اغسليها بماء بارد.

وصفات طبيعية للبشرة الدهنية
وصفات طبيعية للبشرة الدهنية

نصايح لمكياج البشرة الدهنية :

استخدمي البودرة المضغوطة

البودرة المضغوطة تمتص كمية أكبر من الدهون عن البودرة السائبة، وبتقلل من لمعان البشرة وبالتالي بتساهم في ثبات مكياجك، تجنبي مستحضرات التجميل الكريمية زى أحمر الخدود الكريمي أو شدو العيون الكريمي لأن المستحضرات  هتسيح على البشرة الدهنية وتتلف مكياجك.

رحبي بالأسلوب “المات”

أهم نصيحة لتجنب لمعات منطقة “تي زون” أنه يكون كريم الأساس خالي من الزيوت بدون لمعة “مات” Matte اختيار النوع المناسب من كريم الأساس بيخلى مكياجك أثبت وأجمل لفترة أطول، و لو بتحبى الماكياج اللامع استعملي بودرة معدنية عشان تديكى اللمعان من غير زيادة الزيوت.

 متنسيش البرايمر

من أهم النصائح للبشرة الدهنية وضع “البرايمر” أو الكريم التحضيري قبل المكياج، المستحضر هيغير من شكل مكياجك تماما، ممكن كمان استخدام كريم مضاد للمعان  فى منطقة تي زون، لضبط افرازات الدهون في  المنطقة.

كريم الأساس

 إستعملي كريم أساس خال من الزيت. إبعدي عن أي منتج بيحتوي على زيت معدني، لأنه هيزيد من اللمعان.

ظلال العيون

 هيئ الجفن باستعمال كريم الاساس قبل ما تحطى ظلال العيون. ده هيساعد على منع ظهور الخطوط في الجفن على مدار اليوم. تجنبي الظلال السائلة او الكريمى لأنها من مكونتها الزيت وهتدوب بسرعة.

اعرفى معانا افضل انواع ” مرطب البشرة ” حسب نوع كل بشرة

اعرفى معانا افضل نوع مرطب البشرة حسب نوع كل بشرة
اعرفى معانا افضل نوع مرطب البشرة حسب نوع كل بشرة