إزاي تستعملي زيت جوز الهند للتخسيس؟!

هل فكرتى و قررتى انك تخسى؟ اكيد لقيتى مليون نظام اكل و رجيم و تمارين بأشكالها و انواعها و حجات كتيرة يمكن جربتيها و لقتيش نتيجة . بنات حوا جايبلكم اخر صيحة فى عالم التخسيس زيت جوز الهند اللى يحتوي علي دهون مشبعة مفيدة هتخليكوا تخسوا مش تتخنوا . مش مصدقين ؟ طيب تعالوا نقرا و نشوف ازاى الحل السحرى لفقدان الوزن الجديد زيت جوز الهند للتخسيس ..

مفاهيم غلط واسئلة ممكن تيجي في دماغك لما نتكلم عن فقدان الوزن:

” لازم اقاطع جميع انواع النشويات عشان اخس !”

غلط ! دى نظرية خاطئة عفا عليها الزمن ,مش صحيح ان كل الدهون مضرة و لازم تبطلى اكلها تماما عشان تخسى الطريقة دى خطرو بتخليكى تتخنى مش تخسى . طبعا بصفة عامة أكل الدهون مضر للصحة بس فى انواع من الدهون بتكون مفيدة لجسمك و ضرورية وهتساعدك تخسى جدا زى زيت جوز الهند اللى كمان بيخسسك من منطقة الوسط و البطن و بيزود احساسك بالشبع بعد الوجبات علي الرغم من احتوائه علي الدهون المشبعة.

“انا كنت فاكرة ان كل الدهون المشبعة بتتخن !”

برضه غلط ! الدهون المشبعة فيه منها المضر جدا وبرضه فيه منها المهم جدا, الدهون المشبعة المفيدة زى اللى فى اللبن و البيض و زيت جوز الهند تعتبر جزء اساسى ورئيسى فى نظامك الغذائى لانها بتساعد فى بناء الخلايا و زيادة الكالسيوم فى جسمك و تقوية المناعة والجهاز العصبى و الهضمى.

“طيب ازاى جوز الهند فيه دهون مفيدة ؟”

فى اختلاف كبير بين الدهون الموجودة فى زيت جوز الهند والدهون الموجودة فى الزبدة و زيوت الخضروات مثلا لان الدهون اللى موجوده فى الزيت جوز الهند الجسم بيتقبلها اسرع و بيمتصها بسهولة وبيحرقها للطاقة بس مش بيخزنها و تكون دهون و تتراكم فى جسمك عشان كده احنا بنتكلم عن فوايد زيت جوز الهند للتخسيس.

“ممكن شرح أزاى زيت جوز الهند بيخسس؟”

1 – لأنه فيه سعرات حرارية اقل من اى زيت تانى ومش بيجمع أو يخزن أي دهون في الجسم وبيتوجه للخلايا عشان يمدك بالطاقة ويزود من نشاطك.

2 – بيساعد على اكسدة الدهون وهى عملية بتخلى الدهون تتحرق اسرع و تتخلصى من وزنك الزائد.

3 – بيزود نشاط الغدة الدرقية اللى هى مسئولة عن حرق الدهون فى جسمنا و بيزود من انتاج هرموناتها المفيدة وده بيمد الجسم بطاقة ونشاط أكتر ويساعدك علي تقليل وزنك حتي لو مش بتتحركي كتير.

4 – بيساعد على رفع حرارة الجسم بالدرجة الكافية اللى تخليكى تفقدى وزن.

5 – تناوله قبل الوجبات هيقلل من شهيتك ويخلكي تحسي بالشبع اسرع وإن معدتك اتملت بسرعة, وبيبعدك عن حالات الجوع المفاجىء اللى بتيجى اثناء الرجيم خصوصا باليل اللي بتخليكي تدوري علي أي حاجة تاكليها في التلاجة.

“أنا قررت اجربه! ممكن أعرف طيب ازاى استعمل زيت جوز الهند للتخسيس ؟!”

كمية زيت كوز الهند اللى هنستعمله كل يوم لازم يكون مناسب لوزننا:

• لو وزنك من 45 كيلو ل 57 كيلو : يبقى تاخدى 2 ونصف معلقة زيت.
• لو وزنك أكتر من 57 يبقى تاخدى 3 ملاعق طعام فى اليوم  .

سهل جدا فى الهضم و الامتصاص و لازم نستخدمه نصف ساعة قبل الاكل و طعمه جميل جدا و خفيف و لازم نكون عارفين ان ده مجرد مساعد و لازم يكون ليكى نظام للرجيم صحى معاه.

“يعني فعلا حقيقي انه ممكن استعمل زيت جوز الهند للتخسيس ؟!!”

صح! زيت جوز الهند بالتأكيد هيساعدك لو عايزة تخسري وزن,  فيه أبحاث علمية اتعملت وبتأكد الكلام ده, ولو لاحظتي وركزتي هتلاقي إن سكان المنطقة الاستوائية اللي بيستعملوا زيت جوز الهند كجزء أساسي من نظامهم الغذائي العادي بيتمتعوا بجسم صحي وهايل! ومن أحسن فوايد زيت جوز الهند انه مش بس بيساعد علي الحرق وحرق الدهون، لأ كمان ده بيخليكي تاكلي أي حاجة وكل اللي نفسك فيه لأنه هيساعدك تتحكمي بكميات أكلك وتستمتعي من غير زيادة الوزن!