انسب هدايا رجل برج العقرب

بقلمأنجي سليمان فيبرج العقرب visibility27232

بالرغم من حرص رجل برج العقرب على الغموض وعلى انه يداري صفاته وطباعه ومشاعره عن كل الناس الا ان برضه السمات العامة لرجل برج العقرب ساعدتنا على حصر افكارهدايا لرجل برج العقرب تتناسب وطبيعته.. عرفنا قبل كده ايه موصفات شخصيته وطبيعتها وكمان اتعرفنا على عيوبه، والنهاردة بقى بنات حوا جايبالكم افكار للهدايا اللي ممكن تناسبهم بناء على الصفات دي شوفوا معانا الموضوع ده واتعرفوا على انسب هدايا رجل برج العقرب .

افضل هدايا رجل برج العقرب

1- الهدايا ذات القيمة العاطفية:

زي مااتكلمنا قبل كده عن شخصية الرجل ده واد ايه هو بيبقي حبيب تقيل ووقت الحب ممكن يبقي مش بينام الليل, ده عشان شخصيته عاصفة بالمشاعر عشان كده من أحسن الهدايا اللي ممكن تختاريها ليه هديه تكون ليها قيمة عاطفية عندكم, زي مثلا برواز كبير لصوركم مع بعض.. كتاب أو فيلم معين ليه ذكري عندكم.. الهدايا من النوع ده بترضي عنده قوي جزء العاطفة وبتحسسه اد ايه اهتمامك وتعبك في الاختيار.

الهدايا ذات القيمة العاطفية
الهدايا ذات القيمة العاطفية

2- الالكترونيات:

الموبايلات باكسسواراتها او التابلت او اللاب توب من الهدايا المناسبة جدا لرجل برج العقرب، وده عشان هو يحب دايما يطلع على الجديد ويعرف احدث تكنولوجيا  في السوق، وحاجة كمان ان هو بيهتم شوية بفكرة الاكسسوار او الحاجات اللي بتكمل المظهر زي الموبايل الشيك او التابلت او اللاب توب الحديث عشان كده الهدية دي بتكون مناسبة.

Tablet PC and mobile smartphone with colorful apps on a screen lying on laptop keyboard. Technology 3d concept

3- اكسسوار العربية:

من الهدايا اللي بتجذب رجل برج العقرب جدا خاصة لو هو مهتم بالعربية بتاعته وفكرة اكسوار العربية فكرة جذابة للرجال عموما، يعني ممكن تفكري في كاسيت جديد او اكسسوار شيك للتابلوة، فرش للعربية يكون شكله انيق او حتى ممكن دي في دي للعربية او غيرها كتير من الافكار ممكن تلاقيها في محلات اكسسوارات وقطع غيار السيارات.

هدايا لرجل برج العقرب (2)

4- ساعة او كرافتة او برفيوم:

برضه بنفس المبدأ بتعتبر الساعة والكرافتة الشيك او العطر المميز من الاكسسوارات اللي بتكمل مظهر رجل برج العقرب ودي حاجة مهمة بالنسبة له اوي، وفي افكار تانية كمان زي دبوس الكرافتة وزراير القميص وممكن كمان حزام ومحفظة من الجلد الطبيعي، شنطة لاب توب شيك او نضارة شمس او ولاعة وعلبة سجاير فضة لوكان مدخن، اعرفي الالوان اللي بيحبها والاستايل اللي بيفضله واختاري الهدية اللي تناسب ميزانيتك من الافكار دي وغالبا حتلاقيها مناسبة لشخصيته جدا.

هدايا لرجل برج العقرب (3)

5- افلام أو كتاب مميز أو مكتبة:

جزء الغموض اللي في شخصيته هتلاقي عنده حب استطلاع وقراية الروايات الغامضة المثيرة اللي فيها تفكير وتحدي أو كمان انه يشوف الأفلام اللي فيها فكر وخيال وغموض عشان كده ديه ممكن تكون هدية هايله بالنسبه له ولو إنتي عارفة انه عنده مجموعة كبيرة من الافلام , إنتي ممكن تجيبله مكتبة أفلام شيك عشان تساعديه في ترتيبها.
 افلام أو كتاب مميز أو مكتبة
افلام أو كتاب مميز أو مكتبة

وطبعا الاهم من الهدية نفسها هي طريقة تقديمها وتوقيت تقديمها وده اللي بيخلي اي مناسبة تبقى مميزة وماتتنسيش وخصوصا للرجل ده اللي بيهمه قوي إني يحس إنك بذلتي مجهود عشانه وقدرتيه.