ايه هي عيوب برج العقرب؟

بقلمأنجي سليمان فيبرج العقرب visibility44553

برج العقرب من اكتر الابراج سحر وجاذبية ويمكن ده بسبب ان دايما مواليد برج العقرب بيحاوطوا نفسهم بهالة من الغموض والكتمان، لكن بالرغم من ده في صفات مشتركة بين مواليد برج العقرب منها الايجابي ومنها السلبي، وزي ما اتكلمنا قبل كده عن المميزات حنتكلم النهاردة عن الجانب المظلم من البرج ده وعن عيوبه.. يا ريت مواليد العقرب يتقبلوا منا الكلام ده بروح رياضية ولو العيوب ديه عندهم فعلا يشتغلوا عليها ويحسنوها…

عيوب برج العقرب

عيوب برج العقرب
عيوب برج العقرب

1- غيور جدا:

بيعتبر ده اكبر الصفات السلبية اللي بتميز مواليد برج العقرب، الغيرة بتعتبر جزء لا يتجزأ من شخصية العقرب وللاسف الصفة دي بتخليه مش بس بيخاطر بعلاقاته العاطفية لأ كمان بيحسس نفسه بالضغط العصبي والتوتر، وده لأنه مش بيدي الامان والثقة بسهولة لكن بيحتاج وقت كبير عشان يقدر يدي الامان الكامل والثقة الكاملة اللي تخليه يتخلص من الغيرة او على الاقل يقلل منها شوية.

2- كتوم وغامض:

دي اصفة الاساسية موجودة في مواليد العقرب وهي الكتمان والغموض، دايما مواليد العقرب بيبقوا شبه الكتاب المقفول ومش سهل ابدا حد يعرف ايه اللي بيدور في افكارهم او مشاعرهم، ومش بالسهل ابدا عليهم التخلص من الحرص والهالة الغامضة اللي بيداروا بيها شخصيتهم الحقيقية لكن الجانب الايجابي للموضوع ده ان الكتمان ده هو سر جاذبية برج العقرب وتميزه.

3- روح الانتقام:

برج العقرب بيتميز بأنه ماينساش الاساءة ابدا وده لأن شخصيته حساسة جدا وبيتأذي بالكلام والتصرفات بسهولة جدا، لكن لما ده بيحصل مولود العقرب مابينساش الالم ولا الموقف وقتها بقي لازم نحترس من لدغة العقرب.. لانه ممكن يستني الفرصه المناسبة عشان ينتقم وساعتها بيرد اعتباره وبيرد الاذى بأده وساعات بأكبر منه.

4- مستبد ومسيطر:

مواليد العقرب لما يحطوا تصور او تخيل لحاجة معينة في دماغهم انها تتنفذ بالشكل والاسلوب ده يبقي لازم ينفذوها بطريقتهم هما.. سواء كان ده مع او ضد رغبه الطرف التاني، وده لأنهم عندهم اعتقاد ان الرؤية عندهم اشمل واوضح من اللي قدامهم وان هما كده بيعملوا للمصلحة العامة حتى لو كان ده ضد رغيه الطرف الاخر.

5- بيميز نفسه عن غيره:

مواليد العقرب بتظهر فيهم الصفة دي بوضوح وهي ان هما مايحبوش اللي قدامهم يعاملهم بنفس اسلوبهم، يعني مثلا على اد ما مولود العقرب كتوم هو ما يحبش ابدا ان الطرف اللي قدامه يعامله بالمثل بل على العمس احيانا بيكون فضولي جدا وعايز يعرف اسرار وتفاصيل الللي قدامه حتى وهو مش ناوي يحكي عن نفسه بالمثل، ونفس الحكاية بالنسبة للسيطرة لأن مولود برج العقرب ما يحب ابدا ان حد يملي عليه الخطوات اللي يعملها او التصرف اللي يتصرفه حتى لو كان ده في شكل نصيحة فهو مثلا مايقبلش النصيحة في صيغة الامر ابدا لكن بيحتاج لتمهيد واقناع طويل قبلها.

وفي النهاية ممكن نقول ان ده مش كتالوج لبرج العقرب يعني ممكن يبقى في صفة في بعض الاشخاص ومش موجوده في غيرهم لكن بشكل عام ديه ممكن تكون من أشهر عيوب برج العقرب, نتمني انهم يتقبلوا الكلام ده من غير ما يزعلوا مننا وإنا نكون وضحنا للي حواليهم بعض من تصرفاتهم اللي كانت باينة غامضة أو غير مفهومة.

اقروا كمان : أهم 5 أسباب لجاذبية برج العقرب

 الجذابة الغامضة انثى العقرب

الغامض القوي: رجل برج العقرب

توافق برج العقرب مع الابراج التانية

 أحلي هدايا لانثى العقرب