10 نصايح ليكي أثناء النوم عشان تصحي مشرقة وجميلة
حياتنا بقيت علاطول زحمة و بنكون مشغولين دايما و مفيش وقت كفاية نهتم بنفسنا. بنات حوا المشغولات الجميلات متقلقوش ابدا من انكم تحافظوا على جمالكم وسط انشغالكم اتاكدوا انكم حصلتم على 8 ساعات نوم و تعالوا اقراوا معانا نصايح ليكي أثناء النوم عشان تفضلى مشرقة و جميلة …
1 – القدمين :
معندكيش وقت تروحى تعملى باديكير عند الكوافير ؟ مفيش مشكلة ممكن تحصلى على ترطيب رائع و انتى نايمة ! استخدمى الفازلين او زيت الزيتون قبل ما تنامى و البسى شراب قطنى مريح عشان يساعد على تخلل الزيوت و الترطيب لرجليكى و لما تصحى هتلاقى رجليكى ناعمة و جميلة .
2 – الرموش :
الاسواق مليانة بمنتجات لتطويل الرموش و العناية بيها بس انتى ممكن تحافظى عليهم بسهولة فى البيت عن طريق استخدام زيت الخروع لانه مليان بيوت الاوميجا اللى بتطول الشعر و ترطبه و كمان ممكن تستخدميه على حواجبك لتتقيلهم و هتلاحظى النتيجة فى خلال اسابيع .
3 – تبييض الاسنان :
عايزة ابتسامة مشرقة كل يوم الصبح جربى البيكينج صودا قبل النوم و اغسلى بيها اسنانك بانتظام عن طريق انك تنقعى فرشاة اسنانك و تدلكى بيها اسنانك و سيبيها 5 دقائق و اغسليها كويس بعدها و استنى شوية قبل ما تاكلى او تشربى حاجة . اعملى كده مرة واحدة فى الاسبوع فقط .
4 – ترطيب الشفايف :
استخدمى مرطب طبيعى للشفاه قبل النوم و مفيش احسن من زيت الزيتون او زبدة الكاكاو او زيت اللوز او زيت جوز الهند استخدميهم كل يوم قبل ما تنامى و هتصحى تلاقى شفايفك جذابة و جميلة .
5 – الهالات السوداء :
بتصحى كل يوم و تحت عنيكى اسود حتى لو نايمة كويس لازم تجربى النصيحة دى .زودى مخدة كمان و نامى على ظهرك افضل لان ده هيساعدك فى تنقل الدورة الدمويلة و السوائل لجلدك احسن و استخدمى زيت اللوز تحت عنيكى قبل ما تنامى هيساعد على نضارة المنطقة دى جدا .
6 – اطراف شعرك :
لو حاسة ان شعرك مجهد من استخدام السشوار كثير او الذهاب للكوافير و بدأتى تلاحظى الطروف المقفصفة اشترى زيت طبيعى او كريم بلسم من اللى بيتساب فى الشعر و ادهنى بيه اطراف شعرك قبل ما تنامى و اغسليه الصبح . حطى فوة على مخدتك عشان ميجيش فيها الزيت .
7 – الظوافر :
لو ظوافرك جافة ممكن تنعميهم عن طريق استخدام زيت جوز الهند و تدليك ايديكى و ظوافرك بيه و هيخليهم صحيين اكثر و يكون احسن لو لبستى جوانتى قطن و انتى نايمة و لما تصحى ايديكى هتكون جميلة و مرطبة .
8 – الترطيب :
بشرتك بتحتاج ترطيب دايما و تقشير عشان تتخلصى من الجلد الميت و بقايا المكياج اللى ممكن تسد المسام . استخدمى كريم فيه فيتامين اى تحت عنيكى او زيت زيتون على بشرتك كلها قبل ما تنامى و سيبيه بعد ما تعملى مساج و هتصحى الصبح بشرتك منورة .
9 – التجاعيد :
استخدمى مخدة غطاها حرير مش قن لان القطن بتزود التجاعيد لانها بتضغط على بشرتك جامد بعكس الساتان او الحرير اللى هيحافظ كمان على شعرك من التكسر .
10 – تسريحة شعرك :
اصحى الصبح شعرك متسرح جاهز و مش منعكش اغسلى شعرك قبل ما تنامى و اعملى ضفاير و بعدين لفيها على شكل كحكة و لما تصحى الصبح و تفكيها هيكون شعرك متموج و رائع و متسرح جاهز .