اعرفى اكثر عن البشرة الجافة و احسن مكياج ليها

بقلميسرا خالد فيبشرة visibility7355

اصحاب البشرة الجافة اكيد بيعانوا كثير لان علاطول بشرتهم بتعانى من التشققات و الخطوط و ان المكياج مش بيثبت و بيعانوا من البهتان دايما . الاهتمام بالبشرة الجافة محتاج عناية و ترطيب كل يوم . انهاردة جايبنلكم شوية نصايح ازاى تعتنوا بالبشرة الجافة و المكياج المناسب ليها و كمان ماسكات مناسبة كله عشان البشرة الجافة …

1 – الغسيل و التقشير و الترطيب : 

– من اكبر الغلطات اللى بنعملها للبشرة الجافة استخدام المنظفات القوية على البشرة و اللى بتمنع افراز الزيوت الطبيعية و بتزود الجفاف . استخدمى المياه الدافية مش السخنة اثناء الغسيل و حاولى لو مش حاطة مكياج انك تغسلى وشك بالمياه بس و تجنبى الصابون الكثير.

 – اشترى المنظفات اللى مكتوب عليها خالية من السالفات او الكحول او حمض السالسيلك و نظفى وشك بفوطة ناعمة و مياه دافية احسن من الصابون.

الجلد الجاف عبارة عن جلد ميت متراكم كثير على البشرة و لازم عشان نقلل من المشكلة دى ان احنا نعمل تقشير كذا مرة فى الاسبوع.

ممكن نعمل سكرب او مقشر طبيعى عن طريق خلط معلقة عسل و معلقة شوفان و نفرك بيها البشرة و بعدين نشطفها . بلاش اثناء المساج للبشرة نستخدم ليفة او قطعة قماش خشنة لان ده بيضعف البشرة  اكثر.

اغلبنا بيلجأ للترطيب و الكريمات قبل النوم فقط و دى حاجة مش صح خلال النهار بشرتك بتتعرض للهواء و الاتربة و اشعة الشمس و بتكون محتاجة تريب اكثر احرصى على حماية و ترطيب بشرتك طول اليوم فى اى وقت لقيتيها محتاجة الكريم و متبخليش عليها . احرصى كمان ان المرطب يكون خالى من الكحول .

-احرصى على استخدام كريم واقى من اشعة الشمس وانتى بره و كمان كتخافيش لو قعدتى فى الشمس لانها مفيدة للجلد بس المهم انك متقعديش فيها كثير

-احرصى ان المكياج بتاعك ميكونش فيه اى كحول و يا سلام لو استخدمتى حجات مكونتها طبيعية او اساس التركيب فيها الزيوت تو زبدة الشيا او جوز الهند .و هيكون احسن جدا لو مستخدمتيش المكياج كثير .

-خليكى دايما عارفة ان اى حاجة بتاكليها بتأثر على جسمك و بتبان على جلدك . اشربى كياه كثير عشان تساعدى على ترطيب بشرتك و كمان دخلى فى اكلك منتجات الاسماك و التونا لان فيها زيوت الاوميجا الهايلة للجلد و الشعر و كلى كمان مكسرات كثير و زيوت صحية زى ويت الزيتون .

وصفات طبيعية للتخلص من جفاف البشرة :

زيت الزيتون :

حل سحرى لجفاف البشرة استخدميه دايما كمزيل للمكياج و هاتى قماشة رقيقة و دلكى بيه بشرتك قبل النوم كمرطب ممكن كمان تعملى بيه تقشير :

اخلطى معلقتين زيت ويتون و 4 ملاعق سكر بنى و معلقة عسل ابيض و امررى الخليط على بشرتك فى حركات دائرية زى المساج لمدة 5 دقاقئق و بعدين اغسليه بمياه و حطى كريم مرطب .

زيت زيتون
زيت زيتون

اللبن :

اللبن يعتبر قابض للمسام و مرطبرائع للبشرة و بيفتحها كمان وينعمها . ممكن تستخدميه كعلاج عن طريق انك تجيبى طبق فيه لبن ساقع و تحطى فيه قماشة او فوطة ناعمة و تسيبيها تتنقع و بعدين طلعيها و افرديها على بشرتك 10 دقائق و بعدين اغسلى وشك بمياه . ممكن تزودى على اللبن قطرات من مياة الورد و ممكن تكررى العلاج ده مرتين فى اليوم .

لبن
لبن

الزبادى :

استخدمى الزبادى كل يوم كبديل لاى كريم مرطب و ادعكى بيه اى منطقة جافة فى بشرتك و سيبيه 10 دقائق و بعدين استحمى . ممكن كمان تزوديلوه معلقتين عسل ابيض و هتلاقى نتيجة رائعة .

زبادى
زبادى

بعض الخطوات  لتسهيل مكياج البشرة الجافة وتجنب مشكلاتها:

– قبل ما تحطى المكياج، استخدمي منظف ومقشر يكون فيه  الكور و  الجزيئات الضئيلة اللي بتساعد على التخلص من الجلد الميت وتنعيم سطح البشرة.

-استخدمى البرايمر قبل وضع مكياج البشرة الجافة و هو سائل مرطب بيساعد على اخفاء العيوب و تثبيت المكياج فى مكانه.

– لو بتعانى من الجفاف الشديد وتشققات البشرة، اختاري التركيبات الكريمية أو كريم الأساس السائل اللى بيحتوى على نسبة من الزيوت. الاختيار الاحسن هو استخدام كريم BB اللى فيه العناصر المرطبة زى حمض الهيالويرونيك وفيتامين B.

–  للحصول على إطلالة طبيعية، استخدمي اسفنجة مبللة مخصصة للمكياج لدمج كريم الأساس وتثبيته على البشرة.

– للبلاش او احمر الخدود، اختاري الأنواع السائلة أو الكريمية من البلاش بدلً من بودرة الخدود للحفاظ على ترطيب البشرة وتجنب التشققات.

-أحمر الشفاه تجنبي استخدام الأنواع اللي بتدوم كثير أو المات. اختاري أنواع أحمر الشفاه اللامعة أو ملمع الشفاه لمظهر مشرق.

– اتخلى عن البودرة في حالة البشرة الجافة أو المعرضة للجفاف، تجنبي استخدام أدوات المكياج في هيئة بودرة. عند الضرورة لذلك، استخدمي البودرة على منطقة الـ T-Zone فقط على الذقن، الجبهة والأنف.