نصايح مكياج بنات حوا المميزة
نصايح مكياج بنات حوا المميزة , النهرده جيبنلكم 15 نصيحة جداد من بنات حوا للجمال والمكياج والأظافر شوفوهم وابدأوا جربوا وشاركونا النتيجة!
1- اتعرفي علي خطوات رسم العين بالايلينير عشان تعملي لوك العيون المسحوبة:
- بإستعمال فرشة الايلينر ابدأي خط رفيع فوق من اخر العين واطلعي بيه لحد نصف الجفن تقريبا.
- من نهاية الخط ده هنرسم خط تاني يوصل لنص خط العين وبيبقي شكله زي مثلث مفرغ كده.
- هنسيب الخط وهنبدأ خط تاني من كورنر العين واسحبي لحد الاخر, لحد لما نوصل لاخر الخط الاولاني.
- املي الفراغ اللي بين الخطين واهم حاجة إنك متطلعيش بره الخط اللي رسمتيه من فوق.
- كرري الخطوات في العين التانية, وكدة تكوني اتعلمتي خطوات الايلينر المسحوب.
شوفي رسمة تانية للعين من هنا
2- إزاي نكبر ونملي الشفايف بالمكياج؟
أول خطوة زبدة الكاكاو, وبعدين هنحط بالبريم أو قلم الايشادو الابيض اللامع في نصف الشفايف, بعدين نحدد الشفايف ونحط الروج أو الملمع ونمزجهم ببعض.
شوفي كمان طرق طبيعية لتكبير الشفايف
3- إزاي تصلحي الايشادو أو البودر المكسور؟
الحركة اللي بتحصل معانا كلنا, إن علبة الايشادو أو البودر بتعتنا تتكسر ويا سلام لو كانت لسه جديدة, بتضايق قوي وقتها.. بس ولا يهمك شوفي معانا الطريقة ديه عشان ترجعي العلبة المكسورة جديدة.
هنجيب ازازة كحول من الصيدلية, وهنحط كام نقطة منها علي البودر المكسورة وبعدين نخلطها وندوس عليها ونثبتها في العلبة بتعتها.
سيبيها تنشف وهتلاقي رجعت جديدة زي الاول!
4- إزاي نخلي الكحل ميسحش؟
جربي إنك بفرشة ايشادو تحطي طبقة ايشادو اسود أو بني جوه العين فوق الكحل, ده هيخلي الكحل يثبت أكتر وميسحش بسهولة. وكمان يفضل إنك تحطي طبقة كونسيلر وبودر تحت العين عشان يقاوم سيحان الكحل.
إزاي تعملي مكياج العيون السموكي ؟
5- شفايف قوس كيوبيد:
الشفايف اللي كل بنت بتمني إنها تبقي عندها طبيعي, لو عايزة ترسميها هنستعمل قلم تحديد الشفايف و هنعمل حرف X في نصف الشفة اللي فوق.هنكمل الخط لحد الاخر وهنرسم الخط اللي تحت وبعدين حطي الروج أو اللب جلوس اللي إنتي بتحبيه.
شوفي كمان إزاي تخلي الروج يثبت طول اليوم
6- اماكن وضع الكونسيلر الصح:
شوفي الاماكن الصح لوضع الكونسلير علي الوش
- فوق الحواجب
- تحت الحواجب
- تحت العين “يفضل علي شكل مثلث”
- حروف المناخير
- الدقن
أفضل انواع وماركات كريم الاساس والكونسيلر
7- داري عيوب رسمة الإيلينر المش مظبطة:
لو إنتي مش خبيرة في رسم العين بالايلينر, وبتطلعي وتنزلي وإنتي بترسمي الخط, ممكن نحط طبقة ايشادو بني فوق خط الايلينر , ده هيداري العيوب وكمان هيثبت الايلينر ويفضل معاكي طول اليوم.
ازاى تختارى رسمة العين المناسبة
8- إزاي تعملي مقشر شفايف بمكونات سهلة ومن البيت؟
معلقة سكر, معلقة ملح , معلقة زيت زيتون, حته فازلين واقطعي جزء من زبدة الكاكاو المفضلة بتعتك, اخلطيهم مع بعض وحطيهم في علبة صغيرة واستعمليهم علي الاقل مرة كل اسبوع للتقشير وتجديد الجلد وبتدي الشفايف نضارة وجمال طبيعي.
5 خلطات لعلاج تقشف الشفايف
9- إزاي تزودي تأثير الماسكرا؟
جربي تحطي الماسكرا في البودر الاول وترسمي بيها رموشك وبعدين حطي الماسكرا عادي, هتلاقي رموشك بقيت كثيفة أكتر الماسكرا تأثيرها اتضاعف أكتر.
اتعلمي بالخطوات إزاي تركبي الرموش الصناعية!
10- ظبطي لغبطة المانيكير:
وإنتي بتحطي المانيكير لغبطي ولا يهمك بعد ماتخلصي هاتي فرشة مكياج رفيعة وحطيها في الاسيتون وأمسحي بيها اللغبطة اللي بتبقي على جوانب الأظافر.
6 أشكال للضوافر اختاري منها اللي يليق عليكي
11- مين الاول الكونسيلر؟ ولا الفونداشن؟
مفروض طبقة الفونداشن الاول لانه هيداري معظم العيوب اللي إنتي ممكن تكوني محتاجه تداريها بالكونسيلر ووقت استعمال الكونسيلر نحطه بكمية قليلة جدا علي الاماكن اللي لسه باينه.
وصفات التخلص من البقع الداكنة واثار الحبوب
12- داري الحبوب بالتلج:
لو جبتى قطعة ثلج و مشيتيها على اى حباية تكون مسسبة تهيج و احمرار فى البشرة هتلاقى الاحمرار قل جدا لان التلج بيقلل الالتهاب . لو جبتى كيس بلاستيك او فوطة و لفيتى الثلج فيه و افضلى دايسة عليها من 5 الى 10 دقائق هتلاقى الحباية تقريبا اختفت!
أسرار الجمال بأستخدام الثلج
13- وسعي رسمة عينينك وخبي الإرهاق:
تعبانة أو مش نايمة كويس؟ يبقي يفضل إنك تحطي قلم كحل ابيض جوه العين, لأنه هيوسعها وهيبرز جمال العين وهيداري الانتفاخات.
كيف تتخلصي من الهالات السوداء بطرق سهلة وبسيطة؟!
14- صغري مناخيرك بالمكياج:
عشان تصغري مناخيرك بالمكياج, هنحط فونداشن للتفتيح علي جوانب المناخير, وبعدين هنجيب كونسيلر أغمق من لون بشرتنا بدرجتين وهنرسم بيه خطين علي عضمة المناخير زي ماهو موضح في الصورة, وبعدين بالبودر اللامع أو الهايليت هنرسم خط في نصف المناخير بظبط.. وبعد كده ادمجيهم مع بعض.
15- معجون السنان لمعالجة الحبوب:
لو عندك حباية, حطي عليها معجون سنان قبل ماتنامي بس ميكونش من نوع الجل, ولو صحيتي من النوم اتاكدي إذا كان اتمسح ولا لأ وحطي عليه طبقة تانية, هتصحي من النوم مش هتلاقي الحباية.
5 علاجات طبيعية لحب الشباب
