دليلك عن عمليات تدبيس المعدة للتخسيس

يسرا خالد
يسرا خالد
1326

خلال التلاتين سنة اللى فاتوا بدأ الدكاترة يدوروا على حل جديد للتخلص من مشكلة السمنة و وصلوا اخيرا للحل الجراحى و اللى كتير مننا سمع عنه زى عمليات تدبيس المعدة اللى انتشرت جدا فى مصر . تعالوا نعرف معلومات اكثر عن العملية دى و اضرارها و فوائدها و تنفع لمين .اقرأوا فى السطور الجاية اكثر عن عمليات تدبيس المعدة للتخسيس….

عمليات تدبيس المعدة للتخسيس
عمليات تدبيس المعدة للتخسيس

ايه هى فكرة العملية ؟ 

تعتمد العملية على تدبيس المعدة لجزئيين من غير فصلهم , و بيسيبوا فتحة تصريف صغيرة بينهم. تصغير حجم المعدة بيخلى المعدة الجديدة  أصغر من المعدة الأصلية ، بنسبة تقل عن 1/10 .كمان بيتم تصغير فتحة التصريف للمعدة و يصبح قطرها حوالى 1,2 سم ،أما الفتحة الأصلية قطرها بيزيد عن 4سم., فى تلات انواع من عمليات تدبيس المعدة و  النوع الاحسن من العمليات هو وضع حلقة حول المعدة قابلة للتكبير والتصغير وبيتم التحكم بحجمها بحسب حالة المريض. تعتبر عملية التدبيس العادية من ارخص العمليات  و لكنها مش آمنة زى عملية وضع حلقة  اللى تعتبر من اغلاها.

الشروط:

  • لازم مؤشّر كتلة الجسم ميقلش عن نسبة 40% أي في حالات السمنة المفرطة.
  • مينفعش المريض يكون مصاب بقصور في الكلية أو الكبد.
  • لازم يتراوح عمر المريض بين الـ18 والـ60 سنة.

ازاى بنخس بعد العملية؟

ـ فقدان الشهية للاكل : فبيشعر المريض بعدم الرغبة للأكل

ـ عند الأكل : بتنقص كمية الطعام اللى بناكله , و بيشعر الشخص انه مش زى عادته بشدة بسبب الصغر الشديد لحجم المعدة

ـ بعد الأكل : مش بيحس الإنسان بالجوع إلا بعد فترة طويلة من الزمن ( 8 : 10 ساعات ) وده بسبب صغر فتحة التصريف.

 لحد امتى هيفضل المريض يفقد وزنه ؟

فى أول 3 شهور : بيفقد المريض ما يقرب من 30 % من الوزن الزائد . 12 شهر بعد العملية : يفقد المريض ما قرب من 70 % من الوزن الزائد . 18 شهر بعد العملية : يفقد المريض ما قرب من 100 % من الوزن الزائد . و بعدين بيثبت وزن المريض  و بتكبر حجم المعدة شوية وكمان بتتسع فتحة التصريف و ده  بيثبب زيادة فى حجم الوجبة بنسبة تسمح بتثبيت الوزن بعد كده.

المزايا :

  • على عكس عمليات تانية مش بيحصل إستئصال جزء من المعدة نهائى .
  • و نتيجة لكده، بيمتصّ جسم المريض مختلف العناصر الغذائية من الطعام المستهلك، و ده بيحميه من أيّ نوع سوء تغذية.
  • بعد إتمام العمليّة والإستفادة منها ، ممكن نزع الحزام بسهولة من غير أيّ تغيير أو تشويه في شكل المعدة الأساسي والطبيعي.

العيوب:

-النتيجة مع النوع  ده من العمليات مش مضمونة، وفى إحتمال انها متحقّقش هدفها في خسارة الوزن لو ملتزمش المريض بالإرشادات، من خلال تناول مأكولات ومشروبات مرتفعة السعرات الحراريّة وغنيّة بالمواد الدهنيّة، حتى ولو بكميات أقلّ.

.ممكن يحصل بعد العمليّة بعض المضاعفات غير المرغوبة زى تحرّك الحزام وانزلاقه، توسّع المعدة العلويّة أو تقرّحها-

بعد إجراء  الجراحة بيحصل ايه ؟

 الراحة لمدة 2-6 أسابيع. – البعد عن حمل أشياء ثقيلة لمدة أسبوعين. – ممارسة المشي في أقرب وقت ممكن. – تناول كميات صغيرة من الطعام ببطء شديد. – تناول 4-6 وجبات يوميًا، – الإفراط في تناول الطعام يسبب القيء، وألم بالصدر.   تناول بعض الأدوية زى: مضادات الحموضة. الفيتامينات، والمعادن.

مقالات متعلقه

10 تمارين واطعمة هتساعدك على بناء عضلات جسمك

10 تمارين واطعمة هتساعدك على بناء عضلات جسمك

افضل 8 وجبات خفيفة بعد التمرين لانقاص الوزن وزيادة العضلات

افضل 8 وجبات خفيفة بعد التمرين لانقاص الوزن وزيادة العضلات

وصفات سناكس صحية من غير زيت

وصفات سناكس صحية من غير زيت