ازاي تكسب قلب انثى برج العقرب؟

بقلمأنجي سليمان فيبرج العقرب visibility53257

انثى برج العقرب الغامضة الساحرة الجذابة معروف عنها انها شخصية مزاجية مسيطرة وواثقة من نفسها، حتحتاج لشوية مجهود لو عايز تلفت نظرها وتجذبها لشخصيتك وده عشان هي شخصيتها مركبة والى حد كبير صعبة الارضاء، حنساعدك في المقال ده تعرف شوية مفاتيح تساعدك تلفت نظرها و تجذبها بشخصيتك، تابع معانا واعرف ازاي تكسب قلب انثى برج العقرب

ازاي تكسب قلب انثى برج العقرب
ازاي تكسب قلب انثى برج العقرب

نصايح ازاي تكسب قلب انثى برج العقرب

1- خليك تقيل:

اكتر حاجة بتجذب انثى برج العقرب هي الغموض والالغاز، يعني خليك تقيل وغامض بس احذر من الكدب وعدم الامانة، يعني خليك حريص في المعاملة ماتبقاش زي الكتاب المفتوح عرفها عن نفسك وعن حياتك بالتدريج ماتقولش كل المعلومات اللي عندك مرة واحدة وده بالنسبة لها حيبقى نوع من التحدي لنفسها انها تستكشفك وتعرفك ودي اول خطواط الانجذاب.

2- اياك والكذب او الخداع:

اول قاعدة تحطها في بالك اثناء تعاملك مع الانثى دي انها مابتنساش وابتعديش الغلط بسهولة، لا نهائي هي بتفتكر الاساءة وبتفاصيلها ومش بتسامح عشان كده ابعد عن الكدب والخداع نهائي حتى الكدبة البيضا لو عرفتها او اكتشفتها مش بتسامح فيها، لكن لما تثق في وضوحك وصراحتك هي حتقدر جدا الصفات دي فيك وحتحطك في مكانة خاصة جدا عندها عشان هي من اكتر الشخصيات اللي تحب الوضوح وتكره اللف والدوران.

3- المظهر الانيق والشخصية القوية:

دول من اكتر الصفات اللي بتجذ انثى برج العقرب، لو كان مظهرك مش انيق ومش بتعتني باللمسات الجذابة والاكسسوارات الملفتة زي الكرافتة والساعة والشوز الغالي او غيرها من المظاهر الغالية والملفتة يبقى لازم تراجع نفسك وتخلي بالك من اللمسات دي، واهم من المظهر كمان الشخصية عشان انثى العقرب مش بتلتفت خالص للرجل اللي شخصيته ضعيفة ومواقفة مش واضحة خلي قراراتك ومواقفك واضحة ومعالم شخصيتك وطباعها قوية وانت تضمن انك جذبتها لشخصيتك تماما.

4- حسسها بالامان:

انثى برج العقرب غالبا بتعاني من احساس داخلي بعدم الامان وده بيكون مسيطر عليها بشكل كبير عشان كده دايما حتحس انها بتحاوط نفسها بشيء من السرية والغموض، وعل اد ما هي حتحتاول تستكشف وتبقى عايزة تعرف كل تفاصيل شخصيتك وماضيك وكل حاجة عنك تلاقيها مش بتقربلك بنفس السرعة، حسسها بالامان وانك ممكن تصبر عليها لغاية ما تعرفها بالتدريج وبلاش تستعجل الامور في معرفة طباعها وشخصيتها.

5- اتبع الاسلوب الدبلوماسي:

انثى العقرب قوية الشخصية ومحددة لهدلفها وقراراتها بشكل كبير في دماغها وباسلووبها عشان كده لو اتدخلت بتسرع في واحد من قرارتها حتلاقيها تتحول لجانب الشك وحتبدأ تشك في نيتك من ناحية النصيحة دي وحيتحول اموضوع لهجوم منها ودفاع منك، والحل بسيط جدا ان انت تختار الطريقة والاسلوب الصحيح في توجيه النصيحة لها يعني بس لو خليتك دبلواسي شوية وحاولت تلفت نظرها لوجه نظرك من غير فرض رأي ومن غير ما تقولها اعملي كذا او كذا حيكون افضل كتير.

بالرغم من انثى برج العقرب تبان صعبة في المعاملة معاها وبتدي انطباع بالغموض لكن هي في الحقيقة انسانة واضحة تكره اللف والدوران وبتدور على الامان والصراحة والوضوح وده اللي بيخليها تحمي نفسها تحت طبقة الغموض دي، لكن لو كسبت قلبها وثقتها حتكون من اكتر الناس المحظوظة في الحب.

طبعا المشاعر دي حاجة مش بإيدينا يعني مش شرط انك تنفذ الخطوات دي وتكون نتيجتها ايجابية تماما واكيد كمان في فروق فردية بين الناس وبعض يعني الكلام ده مش حينطبق على كل بنات العقرب، لكن دي محاولة مننا عشان نفهمك طبيعة انثى العقرب وتخليك تتعامل معاها بالشكل المناسب. أهم نصيحة من بنات حوا عشان تكسب قلب أي بنت هي إنك متمثلش وإنك تخليها تنجذب لشخصيتك الفعلية مش شخصية إنت بس بتعيشها عشان تجذبيها ليك, لانك غصب عنك وبعض فترة هترجع لشخصيتك الأصلية ووقتها ممكن تحصل مشكلة كبيرة لما تحس إن مش ده الرجل اللي هي حبته…