اتعلمي بالخطوات إزاي تركبي الرموش الصناعية!
في
مكياج
8995
الرموش الصناعية, بتدي لوك مختلف تماما وبتدي جمال وجاذبية للعين, وطبعا عشان صعوبة تركيبها وعشان بتاخد وقت كبير احنا مش بنلجألها غير لما يكون عندنا مناسبة خاصة. النهرده هنوريكم إزاي بالخطوات ممكن تركبوا الرموش الصناعية عشان توصلوا للنتيجة ديه.
يلا نبدأ خطوات التركيب؟
1- أول خطوة هنحط طبقة من الماسكرا:
ده عشان نتقل الرموش وتبقي اقوي لما نيجي نركب عليها الرموش الصناعية.
2- تاني خطوة هنقيس الرموش الصناعية:
الخطوة رقم 2 هي إنا نقيس الرموش الصناعية علي عنينا ونتأكد من الطول, ولو محتاجة لقص ممكن نقصها بالمقص عادي من الأطراف.
3- تالت خطوة وضع الصمغ علي الرموش:
هنحط كمية من الصمغ علي غطا علبه وهنجيب مبرد وبالجزء الخلفي منه هنحط الصمغ علي الزوايا بتاعت الرموش, ونستنى ثواني عليها يكون الصمغ مسك نفسه شوية قبل مانبدأ عملية التثبيت.4- رابع خطوة تثبيت الرموش:
امسكي الرموش بإيديكي وابدأي ثبتيها علي حرف الرموش بالظبط وتجنبي تماما أنك تلمسي الجفن.
5- خامس وأخر خطوة هنحط طبقة الماسكرا التانية:
عشان تثبتي الرموش الصناعية مع الطبيعية هنحط طبقة الماسكرا التانية, ولو حسيتي إن فيه فجوات أو اجزاء مش متثبته كويس بلاش تفكري إنك تشليها وتبدأي من الاول لأ ممكن نستعمل ايشادو اسود ونغطي الفرغات ديه , الخطوة ده برده هتساعد الصمغ انه ينشف اسرع.
نتمني إن تكون الخطوات سهلة وبسيطة وتعرفي تعمليها لنفسك في البيت, ويستمتعي بلوك الرموش الساحر ده.