ازاي تكسبي قلب رجل برج العقرب؟

أنجي سليمان
أنجي سليمان
57801

رجل حازم وجاد يعشق التحدي، طموحه تقريبا مالهوش سقف، محدد اهدافه وعارف نفسه عايز ايه في حياته، غامض وشخصيته صعبة الاختراق، لكن قلبه طيب ويعشق الصدق والامانة، لو عايزة تعرفي ازاي تكسبي قلب رجل برج العقرب اقري النصايح الجاية دي حتساعدك جدا في الوصول لده.

ازاي تكسبي قلب رجل برج العقرب
ازاي تكسبي قلب رجل برج العقرب

ازاي تكسبي قلب رجل برج العقرب

1- خليكي موضع ثقته:

لو حتقولي لرجل برج العقرب سر اعرفي انه حيبقى في بير وعشان ده لازم اسراره هو كمان تبقى بالنسبة لك مقفول عليها بالضبة والمفتاح وده اول اختبار ليكي معاه، الصدق والامانة خليكي وايقة من ان رجل برج العقرب عنده احساس قوي بالكذب وبيقدر يكشفه بمنتهى السهولة ولو حصل انه اكتشف الكدب بيفقد ثقة اللي قدامه للابد عشان كده ابعدي تماما عن الصفتين دول الكدب وعدم حفظ الاسرار.

2- الثقافة والاطلاع على الجديد:

من اكتر الصفات اللي بتجذب رجل برج العقرب انه يحس ان الشخض اللي بيتكلم معاه عنده وجهة نظر واهتمام بالموضوعات العامة خصوصا لو كانت الموضوعات اللي هو بيتهتم بيها ايا كانت  السياسية او العلمية او غيرها، عشان رجل برج العقرب غالبا بيحس ان هو عنده وجهة نظر وتفكير اعمق من الي حواليه فلما بيلاقي انسانه زيه وبتشاركه الحوار وعندها هي كمان وجهة نظر ده بيكون من اكتر الصفات جاذبية بالنسبة له.

3- شاركيه اسرارك:

رجل برج العقرب بعكس اللي بيظهره من غموض وجديه بيحب اوي المشاركة المعنوية يعني حتلاقيه عايز جد يشاركك اسرارك ويسألك عن تفاصيل كتير بس غالبا مش بيبادر بالسؤال عشان كده حيقدر اوي لو انتي اللي لجأتيله وحكيتي من نفسك لكن اهم حاجة انك تبعدي عن الغموض والكلام المتداري خليكي صريحة لأقصى درجة شاركيه مخاوفك وطموحاتك واسرارك بوضوح وانتي حتلاقي ان انتي وصلتي معاه لدرجة من القرب والتواصل ماكنتيش تتصوريها.

4- اسمعيه باهتمام:

مع انه مش سهل عليه انه يتكلم ويطلع اسراره برة قلبه الا انه حتيجي عليه لحظه بعد شوية وقت حتلاقيه هو اللي بيتكلم وبيصارحك باسراره وافكاره، اهم حاجة في الوقت ده انك تسمعيه باهتمام وتديله انتباهك بالكامل رجل برج العقرب بيتأثر جدا لما يلاقيكي فاكره اسماء اصحابه وتفاصيل حكاياته وده بالنسبة له اهتمام كبير من ناحيتك، لكن افتكري دايما انك تحاولي تسمعي اكتر ما تبدي ملاحظات يعني قدري فكره انه مش بيتكلم بالساهل وان فكره انه يفتح قلبه ليكي دي خطوة مهمة وكبيرة في قربه منك عشان كده لازم تتعاملي معاها بأهمية.

5- وقتكم مع بعض ليكم انتو بس:

لما تكوني مع رجل برج العقرب انسي تليفونك وساعتك واهتمي بس بتقضية الوقت معاه، لأن التشتيت وعدم الاهتمام بيه وبوقتكم ده من اكتر الحاجات اللي بتخلي رجل برج العقرب يبعد عن شريكته وبيكره جدا احساس التجاهل وعدم الاهتمام، حسسيه ان انتي فعلا منتبهة وحسسيه بالتواصل معاه بالكلام والنظرات ردي علي كلامه وحسسيه انك فاكره حكاياته وتفاصيلها بلاش دور المستمع السلبي او انك تحسسيه انه بيتكلم من طرف واحد.

طبعا المشاعر دي حاجة مش بإيدينا يعني مش شرط انك تنفذي الخطوات دي وتكون نتيجتها ايجابية تماما واكيد كمان في فروق فردية بين الناس وبعض يعني الكلام ده مش حينطبق على كل رجال برج العقرب، لكن دي محاولة مننا عشان نفهمك طبيعة رجل العقرب وتخليكي تعاملي معاه بالشكل المناسب. أهم نصيحة من بنات حوا عشان تكسبي قلب أي رجل هي إنك متمثليش وإنك تخليه ينجذب لشخصيتك الفعلية مش شخصية إنتي بس بتعيشها عشان تجذبيه ليكي, لانك غصب عنك وبعض فترة هترجعي لشخصيتك الأصلية ووقتها ممكن تحصل مشكلة كبيرة لما يحس إن مش ديه البنت اللي هو حبها…

مقالات متعلقه

استايل هدوم رجل برج العقرب

استايل هدوم رجل برج العقرب

انسب هدايا رجل برج العقرب

انسب هدايا رجل برج العقرب

ازاي تكسب قلب انثى برج العقرب؟

ازاي تكسب قلب انثى برج العقرب؟