افكار رومانسية لأول عيد جواز
عيد زواجكم و دى اول سنة ليكم قرب وعايزة تحتفلى بحاجة رومانسية ومميزة جايبنلك مجموعة من الافكار الرومانسية و اختارى منها اللى يناسبك .عشان تظهري لزوجك مشاعر الحب و الاهتمام فى اليوم ده، الافكار البسيطة دى هتساعدك على قتل الملل والروتين بينكم. تعالى اعرفى معانا افكار رومانسية لأول عيد جواز…
1 -رسائل الحب القصيرة :
سيبى عدد من رسائل الحب القصيرة زى (أنا أحبك – اشتقت إليك – أنت حياتي) في أماكن مختلفة زى مخدة النوم، كوب القهوة، العربية، مع ميدالية المفاتيح، جواه كتاب يقرأه، الصقيه وراه الريموت كنترول، في السقف فوق السرير، في باب الدولاب من جوه.
2 – اسباب الحب :
اشترى عدد من الأظرف الملونة والصقيها على الحيطة اعملى بها رسم لعدد سنوات معرفتكم ببعض كل ظرف بورقة تكتبى فيها سبب من أسباب حبك له أو ذكري جميلة تجمع بينكم. ومتنسيش تعملى كل ده و زوجك في الشغل وفاجئيه بها لما يرجع .
3- كيكة مخصوص له:
حددي الاهتمامات الرئيسة لزوجك و اطلبي من أى محل يحضرلك كيكة مصممة بشكل معين. مثلا، لو كان زوجك من محبي السفر، حضريله كيكة على هيئة أحد المعالم السياحية لبلد نفسه يروحها. و لو كان بيشتغل في مهنة معينة، فحضريله كيكة على شكل مهنته او اى هواية بيحبها زى الالكترونيات او العربيات .
4- ألبوم الذكريات المعلق:
زيني اوضة نومه بطريقة مبدعة تدخل السعادة على قلبه لما يرجع من العمل. اطبعى صور لأجمل اللحظات اللي جمعت بينكم و اربطيها في بالونات الهيليوم الملونة وانشريها في الاوضة. متنسيش تحضرى كارت أو جواب خاص تهنئينه بعيد جوازكم وتعبرى فيه سعادتك بحياتكم سوا .
5- صندوق الأحلام :
ممكن تنفذى اللعبة الطريفة دى مع العشاء الرومانسي. حضري صندوق أو برطمان وبعض الأوراق واطلبي من زوجك أنه يكتب في كل ورقة حاجة يتمنى منك تعمليهاله وانتى كمان اعملى كده، و اتحدوا بعض مين هينفذ طلبات مين الاول. حطى الأوراق في الصندوق و كل منكم يسحب ورقة بالتبادل و شوفوا مين هيحقق احلام التانى الاول.
في أي مناسبة مع زوجك … اشتري ورود طبيعيه كثير … وورده وحده بس اصطناعية وحطي الوردة الأصطناعية بالوسط ….. اعطيه الباقة ومعاها كرت مكتوب فيه:
“هفضل احبك …. لحد ما تذبل آخر وردة”