ألوان وأنواع احمر الشفايف اللي تليق علي شخصيتك؟
في
مكياج
9024
أحمر الشفاه هو الاكسسوار اللي أي بنت مش بتحب تتنازل عنه في مكياجها.. كل بنت تقريبا جربت كل ألوان وأنواع احمر الشفايف قبل ماتكرر وتحدد ايه هو اللون أو النوع اللي هي بتميل ليه.. وفيه دراسة اتعملت عشان تحدد ايه شخصية كل بنت بناء على اختيارها من احمر الشفايف… شوفي الانواع واعرفي شخصيتك من أحمر شفايفك.
1- البينك اللامع:
من أشهر الألوان اللي بتنفع لوقت صبح وليل هو لو البينك اللامع, وبقي منتشر قوي وبنات كتير بنفضله بدرجاته المختلفة, لو إنتي منهم يبقي إنتي شخصية مرحه وبتحبي الحياة والضحك وبتنشري السعادة والإبتسامة بين الناس اللي حواليكي.. اجابيه ومتفائلة وبتحبي الناس ومفيش تحدي بيقف قصادك..2- الأحمر:
قليل من البنات اللي بيختار اللون ده أو حتي جربه.. لو إنتي من النسبة القليلة دول ده لانك مميزة.. جريئة وجذابة وتحبي تبقي مختلفة… ثقتك في نفسك عالية جدا وبتعرفي تحققي كل اللي بتتمنيه.. عندك طموح عالي وبتعملي كل حاجة في حياتك بشغف وحماس.
3- الألوان ال NUDE أو اللي بتبقي لون الشفايف:
نيجي بقي للبنات اللي تحب شفايفها تبان طبيعية، وبيحبوا الألوان اللي لون الشفايف, بيبقوا البنات الهادية الطبع اللي بيتميزوا بالبساطة, عندهم ثقة في نفسهم وعارفين انهم باقل لمسه هيبانوا جمال وجذابين.. ده كمان بيجذب الناس اللي حواليهم وبينال ثقتهم.
4- زبدة الكاكاو:
لو بتحبي تستعملي زبدة الكاكاو أكتر من الروج بكل الوانه, يبقي إنتي شخص عملي, بتحبي تحافظي علي جمالك ونضارتك… ملكيش في الرغي والفضول اللي ملوش لزمة, بتجنبي الصراعات ومش بتحبي التحدي.. بتحبي توجهي طاقتك لشغلك وهواياتك.
5- ليب جلوس أو ملمع الشفايف:
البنات اللي بتميل لملع الشفايف, بيحبوا الشهرة وجذب الأنتباه. عشان كده بيميلوا انهم يعملوا اللوك اللامع الملفت ده , كمان بيحبوا يبقوا متابعين اخر صيحات الموضة وماشيين عليها, عاشقين لكل جديد, وبيحبوا يعيشوا حياة الحرية وإنهم يمتعوا نفسهم وميحرموش نفسهم من حاجة.لو قدرتي تميزي نفسك إنتي مين من دول يا ريت تشاركينا بالنتيجة, وهل الدراسة طلعت صح و احمر شفايفك ماشي مع شخصيتك ولا لأ؟