ازاى تكسبى قلب رجل برج القوس ؟

بقلميسرا خالد فيبرج القوس visibility39613

المغامر! عاشق المرح و السفر و المتعة, باحث عن الحقيقة و الجمال و الحكمة, هو رجل برج القوس .. متفائل جدا و شخصية مميزة و جميلة و عشان توصلى لقلبه فى كام حاجة ممكن تعمليها و احنا جايبنلكم النصايح دى انهاردة عشان تعرفى ازاى تكسبى قلب رجل برج القوس …

ازاى تكسبى قلب رجل برج القوس
ازاى تكسبى قلب رجل برج القوس

1 – اعرفى ازاى تضحكيه :

اهم حاجة عشان توصليلوا انك تعرفى تضحكيه و مش اى ضحك ده ضحك بصوت عالى كمان لانه بيقدر جدا النكتة الحلوة و روحه مرحة و بيعشق الهزار و بيدور فى شريكة حياته على انها تكون شخصية مرحة و لطيفة و بتحب تهزر معاه كثير و تضحك و بيكره النكد و الشكوى و الاكتئاب . خليكى دايما ايجابية و بصى لنص الكوباية المليان.

2 – خليكى صريحة جدا :

خليكى صريحة و ووضحة فى كل مجالات حياتك قدامه لانه هو شخصيته بتقدر الصراحة جدا و بيعتبرها منهج فى حياته كلها و مش بيخبى اى تفاصيل عن شريكة حياته . اكثر حاجة بيكرها هى الكدب و النفاق و لو اكتشف ان حد بيكدب عليه مستحيل يقدر يثق فيه تانى .

3 – خليكى ذكية و مثقفة :

اثبتيلوا انك مثقفة و ذكية و تقدرى تتكلمى فى الموضوعات المهمة اللى محتاجة تفكيرو عقل زى الدين و الفلسفة و السياسة و على الرغم من حبه للضحكو الهزارالا انه شخصية مثقفة و مفكرة جدا و جواه شخص باحث عن الحقيقة و المعلومات . الرجل فى البرج ده بيدور على شريكة حياة تكون مثقفة و تشاركه مستوى تفكيره العالى و خصوصا فى الحجات اللى تهمه .

4 – الدلع و الرومانسية :

الرجل فى البرج ده بيعشقوا المطاردات الغرامية الشيقة اللى بتخليهم دايما منجذبين للطرف الاخر . احرصى انك تسمعيخ كلام حلو كثير و ممكن كمان يكون ما بينكم هزار وسط الرومانسية عشان يكون الموضوع محبب ليه اكثر و خليكى متجددة دايما و شخصية شيقة بالنسبة له .

5 – سيبيله حريته و مساحته : 

اوعى ابدا تحاولى تقيضى حريته لانه بيبعد دايما عن اى حد بس يفكر يتحكم فيه لان حريته عنده من اساسيات حياته و بيبعد عن البنت اللى بيلاقيها دايما متواجدة حواليه و مش مديله مساحته فى الحرية الشخصية . لو هترتبطى بيه لازم تتعودى على مواعيده المفأجاة والتغيرات الكثير و السفر فى حياته و متخليش دى حاجة تضايقك لان ده جزء من شخصيته و انك تتعصبيه مش حاجة هتضيقه او تأثر فيه و عمره ما هيغير الحكاية دى فيه .

طبعا المشاعر دي حاجة مش بإيدينا يعني مش شرط انك تنفذي الخطوات دي وتكون نتيجتها ايجابية تماما واكيد كمان في فروق فردية بين الناس وبعض يعني الكلام ده مش حينطبق على كل رجال برج القوس، لكن دي محاولة مننا عشان نفهمك طبيعة رجل القوس وتخليكي تعاملي معاه بالشكل المناسب. أهم نصيحة من بنات حوا عشان تكسبي قلب أي رجل هي إنك متمثليش وإنك تخليه ينجذب لشخصيتك الفعلية مش شخصية إنتي بس بتعيشها عشان تجذبيه ليكي, لانك غصب عنك وبعض فترة هترجعي لشخصيتك الأصلية ووقتها ممكن تحصل مشكلة كبيرة لما يحس إن مش ديه البنت اللي هو حبها…