ازاى تكسبى قلب رجل برج الثور ؟!

يسرا خالد
يسرا خالد
59185

الرجل العاشق الجامح, وفي و صادق, رجل الثور… كلمة فشل مش موجودة فى قاموسه و لو فشل لازم يرجع يحاول ويحاول لحد لما ينجح شخصية متميزة جدا و لكن من السهل الحصول على حبه تعالى اعرفى معانا ازاى تكسبى قلب رجل برج الثور …

قلب رجل برج الثور
قلب رجل برج الثور

1 – اديله وقته :

المفتاح السحرى للحصول على قلب رجل برج الثور انك تديله وقته و تكونى صبورة لانه بياخد وقت عشان يحكم على الناس و يفكر كثير بحكم طبيعته العملية فى الحياة و بيحب يعرف مكسبه و خسارته وهو شخص متواضع جدا و اول ما يحس انه مرتاح هيقربلك علاطول لكن لو حس انك بتحاولى تجبريه او تتحكمى فى مشاعرة هيبعد عنك اكثر و هيبدأ فى العند و ده مش فى صالحك  خليكي راسية عشان توصليله.

2- حافظى على تألقك :

رجل برج الثور شخص رومانسى جدا لكن كمان بينجذب اوى للبنت اللى بتحافظ على جمالها و لبسها ورشاقتها وتألقها قدامه و خصوصا لو اهتميتى بالاكسسوارات اللى بتزيد من رونقك و العطور الرائعة اللى بتظهر شخصيتك لانه برج عاشق للجمال ولكن خلى بالك انك متبالغيش فى الملابس عشان تبانى دايما قدامه شيك و جميلة و كبيرة فى عنيه .

3 – متزوديش فى التقل : 

الرجل ده شخصيته بسيطة ومش معقدة ومش محتاجة منك تقل بزيادة ومش بيحب العلاقات اللى فيها تخطيط وتعقيد عشان كده متضيعيش وقتك فى التفكير كثير وانك تحى خطط واساليب عشان تخليه يحبك و ابعدى عن اثارة مشاعر الغيرة عنده عشان مش هتجيب معه نتيجة بالعكس دى حاجة هتبعده عنك . لو بتدورى على شخص غامض يبقى الرجل ده مش مناسب ليكى لانه بسيط جدا و سهل فى التعامل .

4 – خليه يثق فيكى :

عشان تكسبى قلبه لازم يعرف انك اهل لثقته و انك شخصية يعتمد عليها لانه مش بيحب يخش فى علاقة فيها مخاطر كثير فلازم يكون ضامن اللى قدامه وميكونش قلقان فى اى وقت انك هتخذلى ثقته الرجل ده مش بيحب المفأجات ولا تغيير المواعيد و الخطط المفأجىء لانه منظم و دقيق جدا و بيكون مرتب كل حياته خليكى واضحة و صريحة و حاولى تكسبى ثقته فى كل المواقف .

5 – مهاراتك العملية :

النجاح فى الحياة العملية مهم جدا بالنسبة لبرج الثور وبتجذبه جدا فى شريكة حياته لكن مش بتكون اهم حاجة اكيد لانه مش شخصية تافهة  و لكن بيحب يطمن انها واحدة ناجحة فى حياتها وشغلها او دراستها و بتفهم وتقدر قيمة الفلوس و مدبرة هايلة للمنزل والمصاريف و شخصية عملية بكل المقايس. من الحجات اللى مكن تجذبه انك تظهريله مهاراتك فى الطبيخ و الاكل لانه عاشق للمأكولات و الحلويات و مش هيقدر يقاومهم بسهولة .

طبعا المشاعر دي حاجة مش بإيدينا يعني مش شرط انك تنفذي الخطوات دي وتكون نتيجتها ايجابية تماما واكيد كمان في فروق فردية بين الناس وبعض يعني الكلام ده مش حينطبق على كل رجال برج الثور، لكن دي محاولة مننا عشان نفهمك طبيعة رجل الثور وتخليكي تعاملي معاه بالشكل المناسب. أهم نصيحة من بنات حوا عشان تكسبي قلب أي رجل هي إنك متمثليش وإنك تخليه ينجذب لشخصيتك الفعلية مش شخصية إنتي بس بتعيشها عشان تجذبيه ليكي, لانك غصب عنك وبعض فترة هترجعي لشخصيتك الأصلية ووقتها ممكن تحصل مشكلة كبيرة لما يحس إن مش ديه البنت اللي هو حبها…

مقالات متعلقه

استايل هدوم رجل برج الثور

استايل هدوم رجل برج الثور

استايل هدوم انثى برج الثور

استايل هدوم انثى برج الثور

أحلى هدايا لرجل برج الثور !

أحلى هدايا لرجل برج الثور !