5 طرق طبيعية لتفتيح الشعر

بقلميسرا خالد فيشعر visibility13402

اكيد فى من بنات حوا الكثير اللى بيفكروا يفتحوا لون شعرهم بس خايفين من تأثير المواد الكيميائية الضارة اللى بتكون فى الصبغة بس احنا جايبنلكم اكتشافات جميلة ممكن تفتحوا بيها شعركم من غير ما تضروه ولا تصرفوا كثير عند الكوافير و الطرق دى تنفع لجميع الوان و انواع الشعر..تعالوا نشوف سوا طرق طبيعية لتفتيح الشعر…

1 – العسل : 

العسل من اشهر المواد الطبيعية اللى معروفة فى تفتيح لون الشعر لانه بحتوى على هيدروجين بيروكسيد و اللى بيعتبر مادة اساسية فى منتجات التفتيح . طيب ايه هى الطريقة اللى لو استمريت عليها هتفتح شعرى ؟ تعالوا نشوف …

1 – حطى خمس معالق عسل ابيض فى بق و زودى مياه لحد ما يكون سائل مناسب للوضع على الشعر

2 – اغسلى شعرك كويس بالشامبو و نشفيه بالفوطة بس

3 – حطى العسل على شعرك و بالذات فى الاماكن اللى عايزة تفتحيها

4 – غطى شعرك بغطاء بلاستيك او كيس لمدة 40 دقيقة و بعدين اغسليه بمياه دافية.

العسل
العسل

2 – عصير الليمون :

يعتبر كمان من الحجات اللى بتفتح الشعر و البشرة جدا و بسرعة هائلة و عشان نشوف نتيجةلازم يكون فى صبر و من الاحسن نعرض شعرنا للشمس بعد الاستعمال .

1 – 4 ليمونات معصورين

2 – ربع كوب مياه دافية

هنقلبهم كثير جدا و كويس و بعدين نحطهم فى ازازة سبراى فاضيو و نضيفة  و نرشهم على شعرنا و نقعد فى الشمس شوية على الاقل ساعة . بعد كده نغسل شعرنا كويس اوى بالبلسم بس من غير شامبو عشان ميضيعش المفعول . ممكن نكرر التجربة مرة فى الاسبوع و هنشوف نتيجة بعد شهر .

الليمون
الليمون

3 – شاى الكاموميل :

طريقة تانية فعالة للتفتيح و خصوصا للشعر الاغمق و الريقة سهلة جدا

1 – هنجيب شاى الكاموميل المتوفر فى السوبرماركت و نغليه فى براد الشاى عادى و بعدين نسيبه يبرد شوية 

2 – بعد كده هنغسل شعرنا كويس جدا بالشامبو و بعدين نستعمل الشاى على شعرنا و برده هنقعد فى الشمس ساعة و بعد لما نخلص مش هنستعمل شامبو تانى ممكن نستعمل البلسم فقط و هنحتاج كذا مرة عشان نشوف نتيجة.

شاى الكاموميل
شاى الكاموميل

4 – فيتامين سى :

الطريقة دى تنفع اكثر للناس اللى شعرها لونه مش اسود اوى و طريقة مضمونة جدا و فعالة

1 – هنشترى اقراص الفيتامين سى من الصيدلية و نطحن 20 قرص كويس

2 – هنخلطهم فى طبق مع شوسة بلسم عشان نعرف نحطهم على شعرنا

3 – هنحط الخلي على شعرنا زى ما بنحط الصبغة و نوزعه ممكن بفرشاة اسنان

4 – نغطى شعرنا لمدة ساعة او اتنين و بعدين نغسله .

بلسم و فيتامين سى
بلسم و فيتامين سى

5 – شامبو التفتيح :

لو سألتى فى الصيدليات الكبرى هتلاقى انواع كثير جدا من الشامبو المخصوص لتفتيح الشعر و بيكون ضرره اقل بكثير من الصبغة و نتايجة طبيعية و جميلة و طريقة استخدامه كالاتى :

1 – هنحط الشاكبو على شعرنا عادى

2 – هنستخدم مشط عشان نوزعه كويس على الشعر

3 – هنسيبه مدة 45 دقيقة

4 – هنغسل شعرنا بمياه دافيه و نكرر الاستخدام لحد ما نوصل لنتيجة.

شامبو تفتيح
شامبو تفتيح