22 فكرة جديدة لازم تعرفيها عشان هتسهل حياتك!

بقلمسارة جمال فيمنوعات visibility55379

زي ما عودناكم كل فترة بنجبلكم كل جديد من حيل وحلول و أفكار جديدة هتسهل حياتك, تعالي شوفي معانا 25 حيلة جداد للبيت, المكتب والعربية, وشاركينا ايه رأيك فيهم؟ يلا نبتدي… 

أفكار جديدة هتسهل حياتك

  • زي ما اتكلمنا قبل كده عن اد ايه شرب الماية مفيد للجسم والبشرة والشعر والوزن, وإنك محتاجة علي الكل 2 ل 3 لتر ماية في اليوم, عشان تتابعي وتعرفي إنتي بتشربي الكمية المطلوبة ولا لأ, اعملي علامات على ازازة الماية بتعتك بالوقت, عشان تظبطي إنك خلال ساعات اليوم تشربي الكمية المناسبة.

  علمي ازايز الماية

  • كفاية دموع بقي :D جربي إنك تمضغي لبانة وإنتي بتقطعي البصل وهتلاقي انه مش هيأثر عليكي وعينيك مش هتدمع.

  تقطيع البصل

  •   لو عندك اكتر من مفتاح شبه بعض ومش عارفة تميزي بينهم ادهني كل واحد بلون مانيكير مختلف عشان تفرقيهم عن بعض

  تلوين المفاتيح  

  • البنات المتخصصة في كسر مرايات العربية :) خلي معاكي دايما فرشة شعر بمراية احتياطي وثبتيها بأستك أو سوليتب مكان المراية لحد لما تصلحيها

  مراية العربية  

  • عايزة تولعي شمع تورتة أو شمعدان في البيت, أو حتي فرن البوتاجاز؟ جربي تستعملي عود مكرونة اسباجتي! لأنه طويل وهتعرفي تولعي بيه من غير ماتلسعي ايديكي

  عود المكرونة  

  • مكوة ياقة القميص مجنناكي؟ جربي تفرديها بإستعمال البيبي ليس.

  ياقة القميص  

  • حافظي علي سلك الشاحن أو السماعة, ولمية بأي توكة مشبك عندك.

سلك الشاحن أو السماعة  

  • لو مساحة المطبخ ضيقة, جربي تستعملي الدرج مفتوح وتسندي عليه صينية فيها الأصناف اللي بتستعمليها للطبيخ.

  درج المطبخ  

  • لو مسافرين علي الطريق ومحتاجين تبوصوا علي الخريطة في الموبايل, ثبتي الموبايل بأستك في تكييف العربية وخليكي متابعة بسهولة

  تثبيت الموبيل  

  • لو حلقة من ستارة الحمام اتكسرت, جربي تستعملي أي شماعة قديمة لحد لما تصلحيها

  ستارة الحمام  

  • جربي تطبقي هدومك في الادراج بشكل راسي يعني جنب بعد بدل مايبقوا فوق بعض, هيخليكي تعرفي تشوفي كل الهدوم بشكل افضل

  تطبيق الهدوم  

  • لو في مصيف أو أي مكان مفيهوش باسكت للنفايات, جربي تسعملي كرسي مقلوب وتحطي فيه كيس بلاستك 

   باسكت للنفايات  

  • لو الدش باظ, وعايزة حل سريع لحد لما السباك يحن ويجي يصلحه

  الدش  

  • استغلي شريط كاست قديم واستعمليه كستاند للموبايل

  ستاند للموبايل  

  • لما الصابونة تصغر وتبقي بتتظفلت من الايد بدل ماترميها, ابقي الزقيها علي الصابونة الجديدة

  الصابونة المزفلطة  

  • غطا الكنز مش بيتشال كله ويترمي, لأ ده معمول عشان نحط فيه الشاليموه ونثبته.

  غطا الكنز  

  • لو معاكي ولادك في العربية ورة, حطي الموبايل جوه كيس بلاستيك وثبتيه في ضهر الكرسي وشغليلهم عليه أي فيلم يسليهم لحد لما توصلوا.

  تثبيت الموبايل  

  • اعملي مسند للكيبورد من الكلبسات عشان يبقي في وضع مرفوع ومريح أكتر للكتابة.

  مسند للكيبورد  

  • عايزة تشيلي طبقة الصدى من علي الدش أو أي حنفية عندك في البيت, جيبي كيس وفيه كام نقطة خل ولفية حوالين الدش طول الليل, شيليه الصبح وهتلاقي الدش أو الحنفية رجعوا جداد.

39  

  • لو استعملتي أي منتج من كيس بلاستيك وعايزة تقفليه وتحافظي عليه, اقطعي الجزء الفوقاني من أي زجاجة بلاستك , دخليه بوز الكيس فيه, لفيه بالعكس وبعدين غطيه بالغطا بتاع الازازة.

  47  

  • إنتي أو جوزك بتدقوا مسامير في الحيطة وعايزة تتجنبي ضربة شكوش علي الصباع! ثبتي المسمار بمشبك بدل ماتمسكيه بصباعك

  46  

  • لو عاملة اكله ومقدمة جنبها أنواع مخللات أو كاتشب , جربي تستعملي صنية الكب كيك بدل ماتطلعي 5 أو 6 أطباق وتتفادي إنك تعملي زحمة علي سفرة.

  43  

  • لو بعد الشوبنج جايبة اكياس كتير بدل ماتشليهم كيس كيس وتوجعي ايديك, جيبي الأيد ديه من محلات الادوات المنزلية وشيلي كل الاكياس في ماسكة وحدة مريحة.

  25