6 أشكال للضوافر اختاري منها اللي يليق عليكي
الضوافر دلوقتي بقي فيها فن وابداع بأشكال كتير, في ألوان المانيكير وأنواعه وكمان الرسم بيه.. وأشكال الضوافر نفسها اختلفت عن زمان لما كان أكتر شكل منتشر والبنات كلها بتجربة هو الشكل المدور, تعالوا نشوف 6 أشكال مختلفة للضوافر وإزاي تختاري منها اللي يليق عليكي…
1- الضوافر المدورة:
فيه بنات بتحب جدا الشكل المدور أو البيضاوي ده, وفيه بنات تانية بتحسه موضة قديمة وبطلت خلاص…. انا شخصيا بحبه جدا وهو ليه فوايد كتيرة زي مثلا المتانة. عشان طرفه مدور بشكل سلس بيبقي صعب إنك يخربش أو يعور أو انه يتكسر بسهوله وكمان انه سهل قوي المحافظة عليه لانه دايما طوله قصير وبرده سهل جدا. والشكل ده بيبقي أحسن اختيار ليكي لو إنتي بتشتغلي بايديك كتير. شكل الضوافر ده بتحبه البنات اللي شخصيتها انثوية ورومانسية وبتهتم باللي حواليها وتميل للعادات القديمة.2- الضوافر البيضاوية أو اللوزية:
الضوافر ده امتداد للضوافر المدورة , مع فارق إن كل ما الضافر بيطول كل ما بنرفع من الحروف بتعته, تليق قوي علي البنات اللي صوابعها قصيرة, لانها بتدي شكل اطول للضوافر, عيوبه طبعا انه سهل الكسر والتشقق, الفرق ما بين الشكل البيضاوي واللوزي إن البيضاوي بتبقي نهايته اعرض شوية واللوزي بتبقي مدببة أو رفيعة أكتر.. شكل الضوافر ده بتميل ليه البنات اللي انوثتها طاغية و شديدة الثقة بالنفس.3- الضوافر المربعة:
4- الضوافر المربعة وحروفها دائرية:
ده الشكل الوسط مابين البيضاوي والمربع, واخد متانة المربع وجزء من رقة وانوثة المدور أو البيضاوي, بيليق علي أي شكل أيد. عشان تعمليه ابدأي ببرده علي شكل المربع وبعدين دوري الحروف والمنتصف. الشكل ده بيدل علي البنت الطموحة الحازمة وواثقة من نفسها واختيارتها.5- الضوافر المدببة:
الشكل ده الأكثر جرأة علي الاطلاق بين كل الأنواع التانية, انتشر جدا بين الممثلين زي ريهانا واديل, بيدي شكل اطول وملفت للإيدين, بيبقي صعب تعمليه لنفسك في البيت, يفضل إن حد يعملهولك, ومش محتاجين نقول انه ضعيف ومش هيدوم معاكي كتير, غير بقي موضوع الخربشة وانه بيصعب التعامل في حاجات كتيرة في يومك. طبعا بما إن مش أي بنت بتقدر تعمل اللوك ده فالإختيار بتميل ليه البنات الجريئة, العاشقة للتحدي والجاذبية.
6- الضوافر علي شكل ليبستيك “احمر الشفايف”:
تقليعة جديدة وشبابية هي الضوافر اللي بتبقي مبروده وواخدة شكل قلم احمر الشفايف وهو جديد, طبعا الشكل لسه منتشرش قوي ,عيبه الاساسي انه مفيش مفر من الخربشة :) ولو بتفكري تعمليه يفضل إنك تخدي رأي خطيبك أو جوزك الأول لأن فيه رجالة كتير مش بتقبل الشكل ده. ده بتعمله البنات اللي بتحب تبان creative فنانة أو خلاقة يعني ومختلفة.