نظام غذائي للي عايزة تخس أو تحافظ علي وزنها

بقلمسارة جمال فيتخسيس الوزن visibility12189

بنات حوا بتقدملكم ديت أو نظام غذائي للتخسيس, نظام بسيط جدا وينفع للبنات للي عايزة تخس أو تحافظ علي وزنها..

فيه فينا بنات كتير بتعمل ديت وتنجح وتخس بس بعد فترة للاسف بتكسب وزن تاني وممكن حتي ترجع أكتر من وزنها قبل الرجيم , عشان كدة احنا النهرده حبينا نقول ونوضح إن الديت ده هو نظام غذائي, يعني طريقة ممكن تكملي بيها حياتك عادي جدا لأنه فيه كل حاجة وتاكلي فيه زي مابتحبي بس فيه شوية شروط سهلة وبسيطة .. لو تابعتيها هتنجحي إنك تخسي وبعد كده تحافظي علي جسمك ورشاقتك علي طول, يلا نبدأ؟

نظام غذائي للتخسيس
نظام غذائي للتخسيس

نظام غذائي للتخسيس

الوجبات:

1- الصبح علي الريق كوباية ليمون بالجنزبيل قبل الفطار بنص ساعة لمدة 5 أيام.

2- الفطار عبارة عن بيض مسلوق أو نص رغيف عيش بلدي وجبنة بيضاء لايت وكوباية شاي بحليب أو نيسكافيه.

3- الغدا كلي أي حاجة بس بكميات قليلة وامنعي السمنة تماما, ممكن زبدة أو زيت. وفيه اوقات كتير ممكن تستعملي الاتنين مع بعض, حته زبدة صغيرة عهسنا نفس الأكل ومعاها زيت زيتون.

4- العشا ممكن من دول: – فاكهة بأي كمية – شربة خضار بأي كمية – زبادي لايت بأي كمية

5- بين الوجبات ممكن من الفاكهه ديه( كيوي, تفاح اخضر, بطيخ, موز).

بس العشا لازم يكون قبل الساعة 8 بليل, يعني مفيش أكل بعد 8 تماما… وحطي تحت الجملة ديه 100 خط.

نصايح لازم تعمليها:

– اشربي حوالي 3 لتر ماية في اليوم أو أكتر, ويا رت تحسبي لنفسك وتكوني بتشربي من ازازة إنتي عارفة حجمها اد إيه عشان تعرفي تتابعي.

– قللي الملح والسكر, دول اسمهم السموم البيضة والسكر ممكن تبدليه بعسل أو سكر ديت.

– شاي اخضر بأي نكهه لو حابة بعد الأكل بساعة.

– لو حابة تاكلي حلويات يبقي قبل الأكل مش بعد, ويكون ليكي ساعتين مكلتيش قبلها.

نتمنى انكم يبقي عندكم الإرادة الكافية عشان تتبعوا علي النصايح  اللي في النظام ده وهتشوفوا النتيجة في خلال شهر ويا ريت بعد كده برضه تستمروا عشان تثبتوا وتحافظوا علي وزنكم.