أكتر من 20 فكرة لون شعر للبنات القمحويات

بقلمسارة جمال فيشعر visibility8973

احنا كمصريين بشمسنا القوية الدافية ديه هتلاقي إن معظم ألوان بشرتنا بيبقي اللون القمحي اللي ممكن يتغير شوية علي حسب الموسم من السنة.
حبينا نقدملكم أيه هي ألوان شعر للبنات القمحويات.. أكتر لون بيليق علي ‏البشرة‬ ‫القمحية‬ بلا منازع هو درجات البنيات بدرجات مخلتفة منها.. زي البني الغامق الشوكلات, لون الذهبي الغامق أو الكراميل, وكمان موضة الهايلايت اللي ليها أكتر من طريقة:

1- بتفتحي طروف الشعر بس وبدرجة بسيطة من غير ماتغيري لون شعرك الاساسي.

2- بتعملي الهايلايت بطول الشعراية وبرضه بتسيبي لون شعرك الطبيعي زي ماهو.

3- بتغيري لون شعرك وتعملي عليه الهايلايت.. وديه ممكن تكون مش أحسن حاجة عشان بتخليكي مضطرة تصبغيه بعد كده علي طول.

فيه بنات تانية بتفضل الأسود أو الأحمر بس الاسود بالذات ممكن يليق أكتر علي البنات البيضة اللي بشرتها افتح.

شعرك هو تاج جمالك :) لو زهقانة من شعرك وحابة التغير يلا اتجرأي وجربي الأفكار اللي جبنهلكم وشاركينا تجربتك مع ألوان الشعر على بنات حوا.