أهم 5 أسباب لجاذبية برج العقرب!
برج العقرب اصحاب الإرادة القوية اللي معروف عنهم الغموض وبيعرفوا إزاي يثيروا أنتباه اللي حواليهم ويستحوذوا على اهتمامهم ..واهم صفة فيهم انهم بيعرفوا إزاي يوصلوا ويحققوا اهدافهم.. عندهم سحر مغناطيسي محدش بيقدر يقاومة, مواليد الفترة بين 23 أكتوبر – 21 نوفمبر ورمزهم هو العقرب ولونهم المفضل هو الأحمر العنابي.. تعالوا نستكشف مع بعض ايه هي أهم مميزات برج العقرب …
1- التصميم والأرادة:
برج العقرب معروف عنه قوة الأرادة وانه لما بيحط حاجة في دماغة بيبقي مستحيل انه ميعملهاش … هو عمره ابدا مابيكون قليل الحيلة ولا عاجز.. وده سر من أسرار نجاح أصحاب البرج ده لأن اليأس مش بيعرف طريقة لقلوبهم بسهولة.
2- شجعان:
أصحاب البرج ده لهم نصيب عالي من الشجاعة والصلابة, مهما كان الموقف صعب أو حرج هو عمره مابيخاف أو يتجنب موجهه, هو العكس تماما لانه كمان بيعرف يحط خطة واسلوب منهجي عملي لحل المشاكل.
3- قرون الأستشعار:
لأ وكمان عندهم موضوع الحدس ده جامد قوي..قرون استشعار يعني :) وده بيخليهم واثقين في غرائزهم وبيخدوا القرارات الصح في الوقت المناسب لانهم بيعرفوا يقروا ويفهموا اللي قدامهم كويس قوي. وممكن ده كمان اوقات بيبنه مش مفهوم وغامض لأنه وقت اتخاذ القرار محدش بيبقي فاهم هو خده بناء علي إيه لانه زي ماقلنا بيبقي حدست واحساسة وتحليله اللي بيعمله في عقله في صمت وهدوء.
4- الولاء:
عندهم ولاء جامد قوي لاصحابهم والناس اللي بيحبوهم..وممكن يضحوا عشانهم بأي حاجة ولو وعدوا وعد يبقي ثق تماما انهم هينفذوا الوعد ده… اهم حاجة انهم يحسوا إن الشخص ده يستاهل ولائهم وحبهم ويكون هو كمان وفي والا… احذر لدغة العقرب عند الخيانة..
5- طموحين:
برج العقرب عندهم طموح وأحلام وتلاقيهم دايما عندهم هدف وعايشين عشان يحققوه.. بيعشقوا السلطة, المنصب والفلوس عشان كده دايما في أي مكان عمل ت5لاقي أصحاب برج العقرب بيبقوا في ارفع المناصب. جبنالكم عينة من مشاهير برج العقرب يمكن تقدروا تشوفوا الصفات ده فيهم:
- بيكاسو
- عمر خيرت
- احمد زكي
- منى زكي
- احمد حلمي
- ليوناردو دي كابريو
- معالي زايد
- جوليا روبيرتس
- بيليه
- ديمي موور
- اليسا
- جولدي هون
- الملك حسين
- الن ديلون
- وديع الصافي
- صباح
- مدحت صالح
- لبلبة
- واينونا رايدر
- ووبي غولدبرغ
- داني ديفيتو
- خالد سليم
برج العقرب من الابرج اللي كلها مشاعر واحاسيس علي الرغم من صلابتهم وقوتهم بس هما من السهل جدا جرحهم.. عندهم طاقة ووجودهم في أي مكان بيملاه حيوية ومرح وبهجة, بيعيشوا حياتهم بمنتهي الشغف عشان كده لما بيعملوا حاجة بيعملوها من كل قلبهم وطاقتهم وأخلاصهم… نتمني إننا نكون قدرنا نوضح أهم مميزات البرج الشغوف القوي برج العقرب.
