ازاي تكسب قلب انثى برج الثور ؟

بقلميسرا خالد فيبرج الثور visibility28715

انثى برج الثور محبوبة وصادقة، وليها جاذبية خاصة، وتمتاز بجمال وعمق، صبورة جداً و شخصية قوية و ليها جاذبية بتقدر تجمع الناس دايما حواليها بس يا ترى ازاى تقدر تكسب قلبها ؟ تعالوا نعرف سوا اسرار ازاى تكسب قلب انثى برج الثور…

قلب انثى برج الثور
قلب انثى برج الثور

1 – اديها وقتها :

القانون الذهبى فى كسب قلب انثى الثور انك تديها وقتها و تكون صبور لانها بتكره السربعة و اتخاذ القرارات السريعة خصوصا لو متعلقة بالحب و العلاقات لانها بحكم شخصيتها العملية ىمحتاجة تفكر فى مزايا و عيوب العلاقة قبل ما تدخل فيها و عشان هى شخصية عنيدة فصعب انك تدفعها لاخذ قرار و الزن مش بيجيب معاها نتيجة.

2 – الاهتمام بالمظهر :

انثى الثور بتهتم جدا بالشكل و بتنجذب للجمال و عشان تجذب اهتمامها لازم تهتم بمظهرك جدا و تحاول تتألق دايما و خصوصا لو هى موجودة معاك و كمان هتكون ميزة زيادة لو استعملت العطور الجذابة اللى بتشدها ليك و لكن من غير مبالغة لانها برده مش شخصية سطحية و بتدور على شخص هتعيش معاه بقية حياتها مش مجرد ارتباط عابر .

3 – بلاش التقل بزيادة :

الحصول على قلبها مش شىء صعب خصوصا لو اتبعت قواعد اللعبة من غير تعقيد مش لازم تضيع وقتك فى التفكير و التخطيط الكثير و انك ازاى توصلها او تتقل عليها او امتى تكلمها و امتى متتكلمش. انثى برج الثور اللى فى قلبها على لسانها و بسيطة و صريحة و مش بتحب اللف و الدوران خليك طبيعى و رومانسى و بسيط و هى هتنجذب ليك علاطول .

4 –  الاستقرار والثقة :

عشان تكسب قلبها لازم تعرفها انك شخصية موثوق فيها و انها تقدر تعتمد عليك جدا فى اى وقت و انها تكون عارفة ان حياتكم مفهاش مفأجات كتير لانها بتخاف من المخاطر و عدم الاستقرار فى حياتها الشخصية و محتاجة تحس بالاستقرار و الامان و الثقة دايما عشان تقرب من الشخص اللى قدامها بلاش تكون شخصية غير متوقعة و خليك واضح و محل ثقة دايما .

5 – النجاح فى الحياة العملية :

النجاح فى الحياة العملية من اهم الحجات اللى انثى برج الثور بتخليها فى اولويتها عشام كده دى اكثر حاجة ممكن تجذبها فى الطرف الاخر انه يكون ناجح فى حياته العملية و قبل ما تدخل فى علاقة لازم تعرف قدرتك المادية على توفير حياة كريمة ليها هى مش شخصية مادية و لا دى اهم حاجة عندها الفلوس بس بتفكر بعقلها مش اكثر .و من مميزتها برده انها تقدر تدير امورك المالية بنجاح فهيكون معاك ست بيت مدبرة جدا لو قدرت تحصل على قلبها .

طبعا المشاعر دي حاجة مش بإيدينا يعني مش شرط انك تنفذ الخطوات دي وتكون نتيجتها ايجابية تماما واكيد كمان في فروق فردية بين الناس وبعض يعني الكلام ده مش حينطبق على كل بنات الثور، لكن دي محاولة مننا عشان نفهمك طبيعة انثى الثور وتخليك تتعامل معاها بالشكل المناسب. أهم نصيحة من بنات حوا عشان تكسب قلب أي بنت هي إنك متمثلش وإنك تخليها تنجذب لشخصيتك الفعلية مش شخصية إنت بس بتعيشها عشان تجذبيها ليك, لانك غصب عنك وبعض فترة هترجع لشخصيتك الأصلية ووقتها ممكن تحصل مشكلة كبيرة لما تحس إن مش ده الرجل اللي هي حبته…