إزاى تكسب قلب انثى برج القوس؟!

انثى برج القوس قمة الثقة بالنفس والتفاؤل ..بتحب تستكشف الناس اللى حواليها وبتحب تستكشف الحياة, متكلمة لبقة جدا ومستقلة و ذكية و لماحة. وعشان هى انثى مميزة جدا حبنا نديلك المفاتيح عشان تعرف ازاى تكسب قلب انثى برج القوس..

1 – اعرف ازاى تضحكها :

اول و اهم حاجة بتجذب انثى برج القوس هو الشخص اللى بيعرف ازاى يخليها تضحك و مش اى ضحك الضحك بصوت عالى كمان لان الانثى فى البرج ده بتدور على شريك حياه عنده نفس حسها الفكاهى و بيقدر النكتة الحلوة و اكثر حاجة ممكن تبعدها عن شخص انه يكون بيشتكى كثير و بيتكلم عن مشاكله و اد ايه الدنيا الصعبة فحاول تحافظ على ابتسامة جميلة على وشها طول الوقت .

2 –  خليك صريح جدا :

الصراحة و انك تقول الحقيقة كاملة فى كل جوانب الحيام يعتبر مفتاح لقلب انثى برج القوس لانها عمرها ما هتخبى حاجة عنك حتى لو حاجة هى مكسوفة منها او مش سهل حد يحكيها . البنت دى بتكره الكذب و النفاق جدا و ان الواحد يكون مش على طبيعته و لو حد خسر ثقتها عمره ما  بيقدر يحصل عليها تانى و لو حريص على كسب قلبها خلى الصراحة اسلوب معاملة و تقبل منها احيانا الصراحة الجريئة من غير زعل .

3 – قدر ذكائها و تفكيرها :

اكدلها انك ممكن تتكلم فى مواضيع تهتمها و تحترم ذكائها زى الفلسفة و الدين و السياسة لان على الرغم من حبها للضحك و المرح لال انها مش انساسنة تافهة خالص و دماغها توزن بلد و بتعشق البحث عن الحقيقة و التفكير و القراءة و عمرها ما هتحب تكون فى علاقة مع حد مش بيقدر ده فيها او تعتبره هى انسان مش متوافق مع تفكيرها . كمان بتحب السفر و البحث عن المعلومات فحاول تشاركها فى مغامرتها عشان تكسب قلبها.

4 – الرومانسية و الدلع :

انثى برج القوس بتعشق جدا الدلع و التدليل و مش بتشبع منهم  .الكلام الحلو بيأثر عليها و بيجذبها خصوصا لو حبيبها كانت خبراته العاطفية السابقة كثيرة و عارف ازاى يقربلها و يجذبها له و لقلبه و مفيش مانع لو الدلع ده يتخلله الهزار و الضحك لانها روحها مرحة بطبعها و بتحب الحياة و التمتع بيها .

5 – متقيضش حريتها :

متحاولش تقيض حريتها لان دى اكثر حاجة بتبعدها عنك لانها بتحب تتحرك كثير و مش هتضحى بحريتها ابدا خصوصا لو حست الرجل بيقيض حريتها لانه عنده حب التملك و الانانية . عشان تكسب قلبها حسها انها شخصية مستقلة و يعتمد عليها و انك تقدر تثق فيها و كمان لازم تعرف ان الشخصية دى مش بتحب تكون متواجدة كثير يعنى الرجل اللى طلباته كثيرة و عايزها تسيب حياتها كلها و تركز معاه و بس علاقته مش هتنفع مع انثى برج القوس ابدا لان حياتها متقلبة و متغيرة و اهتمامتها كثيرة.

طبعا المشاعر دي حاجة مش بإيدينا يعني مش شرط انك تنفذ الخطوات دي وتكون نتيجتها ايجابية تماما واكيد كمان في فروق فردية بين الناس وبعض يعني الكلام ده مش حينطبق على كل بنات القوس، لكن دي محاولة مننا عشان نفهمك طبيعة انثى القوس وتخليك تتعامل معاها بالشكل المناسب. أهم نصيحة من بنات حوا عشان تكسب قلب أي بنت هي إنك متمثلش وإنك تخليها تنجذب لشخصيتك الفعلية مش شخصية إنت بس بتعيشها عشان تجذبيها ليك, لانك غصب عنك وبعض فترة هترجع لشخصيتك الأصلية ووقتها ممكن تحصل مشكلة كبيرة لما تحس إن مش ده الرجل اللي هي حبته…