ازاى تحافظى على صحة ونظافة المنطقة الحساسة؟

يسرا خالد
يسرا خالد
في
صحة
14570

كلنا عارفين اساسيات الاهتمام بشعرنا و بشرتنا و بنهتم بيهم تقريبا كل يوم بس اللى مش عارفينه ان فى مناطق تانية فى جسمنا بتحتاج رعاية و اهتمام كبير و لكن للاسف بننساها زى المنطقة الحساسة و الموضوع مش بس الاهتمام اثناء الاستحمام فى حجات تانية كثير لازم نعملها عشان نحافظ على صحة و نظافة المنطقة الحساسة تعالوا نعرفها سوا فى السطور دى …

ايه هى النصائح اللى لازم عرفها؟

1 – استخدمى المياه السخنة فقط فى التنظيف لان استخدام الصابون مش مفيد للمنطقة دى لان هى فيها افرازات طبيعية لتنظيف نفسها ولو استخدمنا الصابون بنغير النسبة دى و بنبوظ طبيعة جسمنا وبنزود نسبة الاصابة بالبكتيريا لان احنا تلاعبنا بنسبة البى اتش اللى ربنا عاملهالنا فى المنطقة ديه واللى بيحافظ على نظافتها من اى بكتيريا والمنظفات الكيميائية دى ممكن تسبب التهابات كثير ورائحة سيئة .

2 – لو عايزاه تستخدمى اى حاجة رائحتها حلوة فى المنطقة دى يبقى استخدمى حجات مفيهاش اى مواد كيميائية ممكن تعملى سبراى خاص بيجى فى زجاجة نظيفة ونزودلها مياه و زيت اللافندر او الورد و ترشى منه عادى مفهوش مشكلة لانه طبيعى وشرحنلكم ازاى نعمل الزيت ده فى الموقع هنا . قبل ما تستخدمى السبراى اتاكدى ان جسمك جاف تماما.

3 – لما تيجى تجففى المنطقة دى او تنظفيها دايما ابدأى من قدام لوراء مش العكس عشان المنطقة اللى ورا فيها بكتيريا اكثر و ممكن تتنقل للمنطقة الحساسة بسهولة . استخدمى مناديل نم غير رائحة احسن عشان تكون خالية من المواد الكيميائية .

4 – احرصى دايما انك ملابسك الداخلية تكون قطنية لانها بتسمح لجلدك  يتنفس و الهوا يدخله و طبعا الاقمشة اللى بتمنع دخول الهوا بتسبب رطوبة و بالتالى بتساعد على الرائحة الكريهة و تكون البكتيريا و الفطريات عشان كده حاولى تبعدى عن عن الدانتيل و الحرير و غيرها من الحجات اللى بتمنع التهوية . لو بتحبى تلبسيها يبقى اتاكدى ان المنطقة اللى ملامسة للمنطقة الحساسة تكون قطنية .

5 – احرصى انك تاكلى زبادى كثير لانه فى بكتيريا نافعة للجسم و بيمنع تكون البكتيريا الضارة و ممكن كمان تاكلى فاكهة كثير زى الفراولة و الالناناس لانها بتحسن من رائحة الافرازات المهبلية لالحتوائها على سوائل عالية بتساعد على طرد السموم من الجسم . ممكن كمان تاكلى ثوم كثير لانه بيقضى على البكتيريا و الفطريات خصوصا لو نى و بيتخلص من الرائحة الكريهة اللى فى المهبل.

6 – لو لاحظتى حاجة غريبة لازم تتجهى للدكتور علاطول زى تغيير لون الافرازات للغمقان او حبوب و كدمات او الرائحة مختلفة بزيادة عن طبيعتك او لو فى اللام فى المهبل لان دى لو اتسابت و اهملنا فيها ممكن تسبب فى مشاكل كبيرة جدا .

شوفي كمان وصفات لتفتيح المناطق الحساسة

تفتيح المناطق الحساسة
تفتيح المناطق الحساسة

مقالات متعلقه

افضل انواع غسول للمنطقة الحساسة

افضل انواع غسول للمنطقة الحساسة

اهم نصايح لنضافتك الشخصية لازم تعرفيها

اهم نصايح لنضافتك الشخصية لازم تعرفيها

وصفات طبيعية لتنضيف وتعطير المنطقة الحساسة

وصفات طبيعية لتنضيف وتعطير المنطقة الحساسة