7 تسريحات للشعر في 3 خطوات بس !

بقلمسارة جمال فيشعر visibility10996

لو كسلانة تعملي أي تغيير في تسريحة شعرك, احنا جبنالك 7 تسريحات للشعر سهلين ويتعملوا في 3 خطوات بس.. جربي البساطة والشياكة واختاري منهم اللي يناسبك!

1 – إزاي تعملي وردة بالضفيرة؟

– جمعي شعرك من اليمين والشمال ولميه من ورا في النص, وبعد كده اعمليه ضفيرة واربطيها من اخرها. – اسحبي الضفيرة يمين وشمال عشان توسعيها وتبان اكبر. – لفيها علي شكل كحكة وثبتيها ببنسة. عشان تثبت معاكي طول اليوم يفضل إنك تحطي علي البنسة رشة من مثبت الشعر.

إزاي تعملي وردة بالضفيرة؟
إزاي تعملي وردة بالضفيرة؟

2- الضفيرة المزدوجة:

– افصلي شعرك نصفين واعملي كل نص ضفيرة لحد الأخر. – اربطي الضفيرتين من الاخر. – ببنس شعر ثبتي الضفيرتين جنب بعض عشان يبنوا كأنهم ضفيرة واحدة. وفي ديل الضفيرة لفي حواليها شوية شعر ولميه ببنسة من ورا.

 الضفيرة المزدوجة
الضفيرة المزدوجة

3- ديل الحصان بالضفيرة:

– ضفري جزء من شعرك من جنب واحد بس و كملي الضفيرة للأخر واربطيهـا من ديلها. – جمعي شعرك كله مع الضفيرة علي شكل ديل حصان, ولفي حواليه جزء من شعرك وثبتيه ببنسة.

 ديل الحصان بالضفيرة
ديل الحصان بالضفيرة

4- تاج الشعر:

– لفي جزء صغير من الشعر من جانب واحد، لحد لما توصلي لنص راسك, وثبتيه ببنسة. – لفي النص التاني لحد لما توصلي لنص الراس وشديه بحيث انه يبقي ورا النص الأولاني. وثبتيه ببنسة برضه.

 تاج الشعر
تاج الشعر

5- أسهل طريقة لعمل الشعر ويفي:

– بعد ماشعرك ينشف لميه ديل حصان عالي واربطيه. – قسميه لخصل ولفيه علي البيبي ليس, كل خصلة لمدة 10 ثواني. أو علي حسب استجابة شعرك. – يفضل إنك تلفيه بالرولو لمدة ساعة وبعدين فكيه وتفكي ديل حصان وفككي الخصل بصوابعك.

أسهل طريقة لعمل الشعر ويفي
أسهل طريقة لعمل الشعر ويفي

6- ديل حصان كلاسيكي:

– افصلي شعرك نصفين واحد قدام وواحد وره, ولمي الجزء الخلفي علي شكل ديل حصان. – اقسمي الجزء اللي قدام لنصفين يمين وشمال. – أسحبي الجزء اليمين من شعرك لحد ربطة ديل الحصان ولميه ببنسة وأسحبي الجزء الشمال من شعرك لحد ربطة ديل الحصان ولميه ببنسة.

 ديل حصان كلاسيكي
ديل حصان كلاسيكي

7- ديل الحصان المرفوع:

– ارفعي شعرك ديل حصان عالي. – عشان تدي شعرك لوك جذاب ورفعة أعلي. أقسميه نصين, وجيبي كلبس شعر بس يكون لون شعرك وثبتيه في نص ديل الحصان, وبعد كده نزلي نص الشعر اللي من فوق عليه عشان ميبنش.

ديل الحصان المرفوع
ديل الحصان المرفوع