إزاى تتخنى خدودك ؟!
مين فينا مش بتحب تبان بمظهر صحى و متألق دايما ؟ كلنا عارفين اكيد ان الوش اللى بيكون خاسس بزيادة او شكله بهتان و مصفر و خدوده مفيهاش صحة بيأثر على جمال اى بنت و شكلها و الخدود المليانة او الصحية بتدى شكل جميل لوشك و بتنوره و بتبين انك مهتمة بصحتك فى كذا طريقة ممكن نتخلص منها من المشكلة دى تعالى اعرفى ازاى تتخنى خدودك…
النصائح :
1 – اهم نصيحة هنقولها انكم تهتموا بنظام اكلكم و حياتكم و تزودوا المكونات دى فى اكلكم و نظامكم الغذائى : العسل و زيت الزيتزن ز التفاح و الشوفان و اللبن و الجبنة و الجزر اللى معروف ان مفعولهم سحرى فى حل المشكلة دى . ممكن تخلطوا 3 قطع تفاح مع 3 قطع جزر و نصف كوباية ليمون و نخلطهم فى الخلاط و نشربهم كل يوم الصبح.
2 – تجنبى التدخين لانه بيقل من مرونة الجلد و حيويته و اشربى مياه كثير8 اكواب عشان تزيدى من المرونة دى .
3 – احرصى على ترطيب وشك كل يوم و بعد الدش خصوصا و بعد وضع الكريم متمسحهوش سيبى وشك يمتصه لان الوش بيبان صحى اكثر بعد الترطيب .
4 – احرصى على تناول الزيوت كتير فى اكلك لان قلة الزيوت فى الجسم بتخلى شكل خدودك ارفع بكثير بس استعملى الزيوت الصحية زى زيت الزيتون و كمان اهتمى باكل المكسرات لاحتوائها على زيوت رائعة للبشرة . ممكن كمان تعملى مساج لخدودك كل يوم قبل النوم عن طريق استخدام زيت جوز الهند اوزيت الافوكادو او زيت اللوز .
تمرين مفيد لحل المشكلة :
لازم نعرف ان عضلات الوش زيها زى اى عضلة لو اهتمينا بيها هنحصل على نتيجة هايلة و كمان جزء من جمال خدودك هى العضلات اللى فى وشك و ممكن تعمليلها تمارين كل يوم عشان تنميها و تحسنى شكلها و حجمها.
1 – خدى نفس كبير و اكتمى العوا فى بقك و حاولى تمسكى نفسك على الاقل 30 ثانيةاو اكثر و بعدين خرجى الهوا من بقك براحة و كررى كذا مرة و ده يعتبر اسهل تمرين لعضلات الوش زى ما شايفين فى الصورة .
2 – فى تمرين كمان ممكن تمسكى خدودك و تشدى وشك على الاخر و انتى بتبتسمى و خليكى ضغطة بايديكى شوية و عدى 10 عدات و بعدين سيبى وشك يرتاح و كررى 3 مرات.
وصفات طبيعية لحل المشكلة :
1- الجلسرين و مياه الورد :
احرصى على استخدامهم كل يوم قبل ما تنامى لان فيهم مونات بتساعد على نضارة البشرة و ترطيبها و بتقلل من الجلد المرهق و الجاف اخلطى مقدار معلقتين من كل حاجة و استعملى قطنة و مشيها على وشك و سيبيها تنشف و نامى بيها .
2 – زبدة الشيا و السكر :
اخلطى كوب من زبدة الشيا السايحة مع 3\4 كوب سكر و سيبيهم فى التلاجة يتجمدوا شوية و بعدين استعمليهم على وشك بعد لما تغسليه كويس و سيبيهم 5 دقائق . زبدة الشيا مليانة بالاحماض الدهنية اللى بتحسن من مرونة جلدك و بتخليه شكله مليان اكثر انا السكر بيعمل على تقشير الجلد و التخلص من الخلايا الميتة اللى بتخلى شكل وشك بهتان و ضعيف .
نصيحة لعمل خدعة بالمكياج :
ممكن تبينى خدودك شكلها ممتلىء اكثر عن طريق استخدام فرشة احمر خدود نوعها كويس و استخدمى لون يكون فيه لمعة زى اللى فى الصورة و ممريه على عظمة الفك و الخد لان الضوء و اللمعان بيزود من حجم الخدود و بلاش تستخدمى ايديك او ورقة مناديل او قطن فى وضع احمر الخدود لانه بيدى شكل و نتيجة عكسية .
