وصفات طبيعية للتخلص من البقع الداكنة واثار الحبوب
التخلص من اثار الحبوب بيكون ساعات اصعب من التخلص من الحبوب نفسها و بياخد وقت و اهتمام بس مفيش حاجة مستحيلة و هنقدر برده نوصل للبشرة الصحية الجميلة ونتخلص من اى حاجة بتزعجنا لو اهتمينا بنفسنا بخطوات بسيطة و طبيعية. تعالوا نعرف ازاى نتخلص من البقع الداكنة واثار الحبوب بطرق ووصفات كلها طبيعية …
ايه هى طرق الوقاية ؟
1 – ابعدى ايديكى عن وشك تماما فى وقت ما بتظهرلك حبوب لان اللعب فيها بيزود احتمالية اصابتك ببقع داكنة و حفر فى الوجه حتى بعد لما الحباية تروح لان جلدك بيكون ملتهب جدا وقتها و مش مستحمل و مينفعش نزود تهيج البشرة وقتها و لا نزود نقل البكتيريا ليها و كمان اللعب فى الحبوب بيزود جفاف جلدك و بيضيه الكولاجين اللى فى البشرة .
2 – حاولى متتعرضيش للشمس كثير لان التعرض للشمس زى ما احنا عارفين بيزود الاسمرار و خصوصا لو جلدك حساس و فيه حبوب وقتها لما بيتعرض للشمس البقع بتزيد استخدمى كريم واقى للشمس وقتها .
3 – حافظى دايما على ترطيب بشرتك و استخدمى الكريمات اللى فيها زبدة الكاكاو لكثرة فوايدها للبشرة بجميع انواعها .
ايه هى العلاجات و الوصفات الطبيعية للتخلص من اثار الحبوب ؟
1 – الليمون و العسل :
زى ما احنا عارفين ان الليمون يعتبر مفتح طبيعى للبشرة و فعال دا فى ازالة البقع من على الجلد لانه مليان فيتامين سى و كمان مضاد للبكتيريا هو و العسل . – هتحتاجى 1- 2 ليمونة و معلقة عسل ابيض و قطعة قطن – اعصرى الليمون فى طبق و زوديله معلقة العسل و اخلطيهم وبعدين حطى قطعة القطن فى الخليط و مشيها على وشك و سيبيها ربع ساعة و بعدين اغسليها براحة و كررى العلاج ده 3 اسابيع .
2 – البيكينج صودا :
علاج فعال للبقع لانها بتقشر الجلد و بتشdل الخلايا الميتة و بالتالى بتتخلص من الغمقان و اى التهاب موجود على البشرة . – اخلطى 3 ملاعق من البيكيج صودا على مقدار من المياه لحد ما يعمل عجينة و اعملى مساج رقيق على بشرتك لمدة 2 دقيقة و بعدين سيبيه على بشرتك لمدة 5 دقائق تانى و بعدين اغسلى وشك و حطى اى كريم مرطب للبشرة او حتى زيت زيتون و كررى 3 مرات فى الاسبوع .
3- البطاطس :
ليها مفعول رائع فى التخلص من الاثار و البقع اللى على الجلد .هاتى حباية بطاكس و قطعيها حلقات و خدى منها قطعة و مرريها براحة على وشك و افضلى اعملى كده لحد ما القطعة تفقد السوائل اللى فيها او تبقى جافة و خدى قطعة كمان و كررى نفس الطريقة لمدة 15 دقيقة و بعدين سيبيه القطع دى على وشك زى الماسك و ممكن تفردى ضهرك او تستلقى شوية قدام التلفزيون عشان البطاكس متقعش من على وشك و بعدين اغسلى وشك و حطى المرطب او زيت الزيتون و كررى المساج ده 4 مرات فى الاسبوع لمدة شهر او اتنين و هتلاقى نتايج هايلة .
4- خل التفاح و العسل :
الخل معروف انه بيوازن لون البشرو و يوحده و مضاد للالتهاب و البكتيريا و ممكن نستعمله لوحده او نزودله عسل . هتحتاجى معلقتين خل التفاح و 2\3 كوب مياه و معلقة عسل و قطعة قطن و هتمزجى كل المكونات سوا و تستعملى القطنة فى توزيعهم على وشك و تسيبيهم لمدة نصف ساعة و نغسهلهم بمياه فترة و تكررى كل يوم .