فن الرسم علي الأظافر بورق الجرايد

فكرة روشة قوي للوك مانيكير مختلف :) newspaper_nail_art# أو الرسم علي الأظافر بورق الجرايد.. لو زهقتي من شكل المانيكير العادي وعايزة تجربي شكل جديد, يلا خليكي متألقة مع بنات حوا وكوني أول واحدة تجربي  الرسم علي الأظافر بورق الجرايد..

يلا شوفي الخطوات:

1- هنجيب ورق جرايد أو مجلة ويفضل انه يكون جديد و قطعي منه قطع صغيرة بالمقص.

2- هنحط أول طبقة اللي هي ال base coat , أو الطبقة الشفافة اللي لازم نحطها قبل أي مانيكير عشان نحافظ علي ضوارفنا.

3- بعد كده هنحط طبقتين من #المانيكير باللون اللي إنتي عايزة , في الصورة هي استعملت البيج.

4- بعد كدة هتجيبي ازازة كحول, بيتباع في الصيدليات عادي,, صبي شوية منه في كوباية وحطي فيها ضافرك لمدة 5 ثواني.

5- طلعيه وبعد كده الزقي عليه ورقة الجرايد واضغطي عليها وسيبيها لمدة 20 ثانية.

6- شيليها وحطي طبقة كمان من المانيكير الملمع وكده تكوني خلصتي..

استمتعي بلوك جديد وملفت و أكيد هيثير اعجاب كل اللي حواليكي :)

فيديو الرسم علي الأظافر بورق الجرايد