أتخلصى من رائحة الفم الكريهة

من الحجات اللى بتأثر على ثقتنا بنفسنا رائحة الفم الكريهة و اللى تعتبر مشكلة شائعة عند ناس كثير باختلاف الاسباب و بتوصل ساعات ان الواحد بيكون مش عارف يقرب من حد او يتكلم بحرية ..بنات حوا جايبلكم نصايح ازاى نتخلص من المشكلة دى . تعالوا نقرا سوا فى السطور الجاية ازاى نتخلص من رائحة الفم الكريهة ..

نصايح للتخلص من مشكلة رائحة الفم الكريهة :

1 – اتعودى على مضغ الاعشاب زى النعناع الطبيعى و البقدونس أينعم مش بس هينخلصوكى من الرائحة لكن كمان هينظفوا اسنانك و يعتبروا حل سريع للمشكلة .

2 – حاولى كمان تستعملى الحبوب و المكسرات و مضغها كويس لان بطبيعة ملمسها الخشن بتنظف الاسنان من اى حاجة عالقة فيها و بتنظف الثة و بتمنع اى روائح فى الفم زى حبوب الينسون اللى ليها طبيعة مطهرة و منظفة .

3 – حاولى تنظمى اكلك و ابعدى عن المأكولات دى لانها بتسبب رائحة كريهة فى الفم : الثوم و البصل النى و الاكلات الحارة و الكرنب و القهوة و الكافيين الكتير و الاكل اللى فيه سكر كتير و بيلزق فى الاسنان و كمان احرصى انك متاخديش جرعات عاليه اوى من الفيتامينات اليومية لانها بردة بتزود المشكلة .

4 – الاكل اللى المفروض تكتري منه هو الفواكة الطبيعية و الخضروات و الاكل اللى فيه مضغ كثير لانه بينظف الاسنان زى التفاح و الجزر و الكرفس .

5 – اشربى مياه كثير لانها بتقلل من جفاف الفم و بالتالى من الرائحة و بتخفف من التصاق روائح الاكل فى الفم . كمية او نسبة المياه اللى بتتشرب بتختلف من كل جسم للتانى بس الاقل اشربى 2 لتر فى اليوم و حاولى تراقبى نفسك عشان تتأكدى ان جسمك مفهوش جفاف و مرطب كويس .

6 – اللبان يعتبر حل سحرى بعد لما تاكلى استعمليه حتى لو لبان من غير سكر لانه بيزود من افراز اللعاب و بيخلصك من الرائحة و بيحافظ على نظافة الاسنان .

7 – اشربى مياه بالليمون كثير لان الحمضيات اللى فى الليمون ليها تأثير قوى على الرائحة الكريهة و بتخلصك من جفاف الفم و اى بكتيريا موجودة فى الفم و خصوصا لو الصبح شربتيها على الريق وديه كمان مفيدة في موضوع ال detoxic اللي بتطهر الجسم من السموم وبتساعد علي التخسيس. اقري عنها أكتر من هنا5 وصفات لمشروبات الديتوكس

8 – استخدمى المحاليل المطهرة للفم اللى بتكون موجودة بأنواع و اطعمة كثير الصيدلية زى مضمضة ليسترين الاخضر و الازرق اللى ممكن تمضمضى بيه الفم كذا مرة فى اليوم و بيخلى نفسك منتعش و بيخلصك من البكتيريا فى الفم .

9 – اغسلى اسنانك على الاقل مرتين فى اليوم و غيرى فرشاة اسنانك كل 3 شهور عشان البكتيريا بتتجمع فيها و بتزود التهابات اللثة و الرائحة الغير مستحبة و ممكن كمان تستشيرى طبيب الاسنان عشان ساعات كتير رائحة الفم الكريهة بتكون سببها مشاكل فى الالسنان و خصوصا تجمع الجير على الاسنان اللى بيحتاج تنظيف كل سنة على الاقل و ممكن التهابات اللثة اللى علاجها بيكون سهل و بسيط بس لما بنهملها بتسبب مشاكل كبيرة .