تشيز كيك بالشوكلاته من غير لا خبز ولا فرن!

بقلمسارة جمال فيحلويات visibility3630

اسهل واحلي طريقة تعملي بيها  تشيز كيك بالشوكلاته من غير لا عجن ولا خبز ولا حتي دخول فرن, وطعمها تحفة.. يلا نبدأ؟

تشيز كيك بالشوكلاته
تشيز كيك بالشوكلاته

الوصفة :

الطبقة المقرمشة: – 20 واحدة أوريو – 1/3 كوب زبدة، سايح

طبقة الشيز كيك: -1/4 كيلو جبنة كيري (او أي كريمة جبنة) – 1/4 كوباية زبدة، مضروبة – 1/4 كوباية سكر – 1 ملعقة كبيرة. الفانيليا اكستراكت – كوباية من قطع الشوكلاته “شوكلت شبس ” نصف محلاة -1/4 كيلو كريمة خفق هنحط الأوريو في الخلاط وهنضربه, وبعدين هنزود عليه 1/3 كوباية الزبدة ونضربه تاني. هنحطه في طبق مدور وندخله الثلاجة لمدة 30 دقيقة. وفي الوقت نفسه، هنبدأ نحضر طبقة التشيز كيك في طبق غويط ، هنضرب كريمة الخفق. وفي طبق منفصل، هنخلط الجبن والزبدة والسكر، والفانيليا تماما. هندوب الشوكولاته في الميكروويف لمدة 30 ثانية وبعدين هنحطها علي الخليط وبعد كده هنزودله خليط كريمة الخفق. هنحط طبقة الشيز كيك فوق الطبقة المقرمشة ونفردها. ذوقيها بالكريم شانتيه ودخليها الفريزر لمدة 30 دقيقة. خرجيها وقدميها وبالهنا والشفا.