عالجى شعرك بالمساج

بقلميسرا خالد فيشعر visibility1887

مساج فروة الرأس مهم جدا عشان تتخلصى من التوتر و مفيد فى توصيل الدورة الدموية للشعر و بالتالى الحفاظ عليه من السقوط و لازم تعتبرى المساج ده جزء من روتينك الخاص للعناية بشعرك كل اسبوع . اتعرفى معانا انهاردة على طريقة عمل المساج ده اللى سهل جدا و ممكن تعمليه لوحدك فى البيت .عالجى شعرك بالمساج فى الخطوات الجاية ..

الطريقة الاولى : 

1 – مساج الزيوت : المساج ده ممكن تعمليه فى الدش او فى اى مكان مريح , الحجات اللى هتحتاجيها هى : 

–  اى نوع زيوت عطرية 

–  زيت زيتون 

–  ادوات غسيل الشعر 

الطريقة : 

1 – اختارى نوع زيوت عطرية مناسب لشعرك , لو عندك قشرة استخدمى زيت اللافندر و لو بتعانى من سقوط الشعر استخدمى زيت الروزمارى او النعناع لو شعرك جاف استخدمى زيت الكاموميل

2 -جهزى زيت المساج عن طرق مزج قطرات من زيت الزيتون مع قطرات من الزيت العطرى بمقدار معلقة طعام و معلقتين طعام .

الزيوت
الزيوت

3-سرحى شعرك عشان تجهزيه و انتى منزلة راسك لتحت زى الصورة عشان تحفزى الدورة الدموية و لو شعرك طويل ابدأى بالاطراف عشان تمنعى التكسر .

سرحى شعرك
سرحى شعرك

4 – حطى مقدار من الزيت اللى جهزتيه فى اطراف صوابعك و ابدأى بحركات دائرية تعملى مساج فى جنب القورة زى الصورة و ابد|أى حركى صوابعك بنفس الحركات الدائرية لبقية فروة رأسك جوه و كل شوية زودى زيت فى اطراف صوابعك و بعد لما تخلصى استخدمى فوطة مبلولة مياه دافية او سخنة و سيبيها بالزيت فى شعرك 10 دقائق.

حركات دائرية
حركات دائرية

5 -اغسلى الزيت بشامبو مناسب لشعرك و لو حاسة ان شعرك جاف اوى سيبى الزيت فى شعرك و نامى بيه و اغسليه الصبح و لازم و انتى بتغسلى تكررى الغسيل مرتين عشان تتخلصى من الزيت كويس و ممكن تكررى نفس حركات المساج اثناء الغسيل . كررى المساج ده مرة فى الاسبوع .

الطريقة التانية :

باستخدام الاصابع فقط ,الطريقة دى رائعة لتخفيف الصداع و التوتر و مفيدة جدا لفروة الراس عشان تجرى الدورة الدموية و تمنع تساقط الشعر.

1 – حطى اطراف اصابعك زى الصورة على جبهتك جمب خط الشعر و اضغطى بالاطراف و ارفعى صوابعك تانى و كررى الحركة مجرد بالضغط .

خطوات المساج
خطوات المساج

2 – ابدأى ادخلى باطراف اصابعك لفروة شعرك و انتى بتكررى نفس الحركة لحد ما توصلى للعرق الاكبر فى نص راسك

خطوات المساج
خطوات المساج

3 – فى اعلى راسك ابدأى اضغطى على نص منطقة فروة الراس عند العرق لمدة 20 ضغطة .

خطوات المساج
خطوات المساج

4 – ابدأى انزلى بأصابعك لورا و امشى بنفس الطريقة لحد ما توصلى لاخر راسك من ورا  .اول ما توصلى لاخر الراس ابعدى صوابعك عن بعض بمقدار 2 سم على الاقل يعنى صوابعك مش هيلمسوا بعض زى الاول  و كررى حركة الضغط فى النصف و اطلعى بصوابعك لفوق تانى .

خطوات المساج
خطوات المساج

5 – استمرى فى تكرار الحركات و حاولى تتعمودى انك تنظمى الزفير و الشهيق مع حركة ضغط الصوابع عشان تقلل من التوتر و تفيدك بانتظام دورتك الدموية .

خطوات المساج
خطوات المساج