أحلي الهدايا لانثى برج الميزان

سارة جمال
سارة جمال
26455
برج الميزان مواليد الفترة من 23 سبتمبرلحد 22 أكتوبر. اتكلمنا عن انثى الميزان بالتفصيل وعن اد ايه هي ليها سحر ونعومة وكمان عن عشقها للجمال من حواليها… لو حبيبتك أو مراتك برج الميزان تعالي نقولك إيه أحلي الهدايا اللي ممكن تناسب امرأة  برج الميزان.

هدايا انثى برج الميزان

1- الملابس الراقية:

انثى الميزان شيك وعندها حس جمالي عالي جدا, عندها عين نقد قوية وذوقها عالي وديما تلاقيها في قمة شياكتها, انثوية جدا, عمرك ماتلاقيها لابسه حاجة مش منظمة أو مش لايقة على بعض أبدًا..بتعشق الملابس الكلاسك الراقية, عشان كدة إذا كانت الهدية حاجة متعلقة بمظهرها وشياكتها هتبقي بالنسبة ليها هدية قيمة. اهم حاجة إنها تكون ماشية مع ذوقها وستيلها.

الملابس الراقية
الملابس الراقية

2- المجوهرات الرقيقة:

قليل قوي من الستات أو البنات اللي مش بيحبوا المجوهرات, بس انثى الميزان أكيد مش فيهم! بس طبعا برده بأسلوبها الناعم الجذاب, هي بتحب الحاجات البسيطة الرقيقة ..لا الحاجات الصارخة اللي ممكن تعجب انثى الأسد ولا الحاجات الغالية اللي ممكن تعجب انثى الثور, هي بطبعها الهادي ممكن يعجبها قوي الدهب الأبيض و الموديلات اللي فيها أفكار جديدة ومختلفة.

المجوهرات الرقيقة
المجوهرات الرقيقة

3- برفان أو معطر جسم:

امرأة الميزان بتقدر أي حاجة ممكن تخلي العالم من حواليها أحلي وأكيد العطور أو البرفانات ممكن تكون من الحاجات المرغوبة قوي عندها, بس مرة كمان هي بيناسبها عطور الأزهار لأنها أفضل تعبير عن شخصيتها الناعمة الجذابة ونتجنب العطور الزيتية التقيلة… وبرده هدية ممكن تساعدها على الاسترخاء والهدوء اللي هي بتبقي محتجاهم هي معطر الجسم أو سلة السبا اللي بيبقي فيها أملاح الاستحمام بعطور الياسمين أوالبابونج اللي معروفين بتأثيرها المهدئي ومعاهم شور جل وبدي لوشن ومعطر جسم, الحاجات ديه بقت منتشرة قوي وفيه اماكن كتير بطبعها وبأسعار معقولة. وممكن حجز في سبا (منتجع صحي) للمساج والسونه.
رفان أو معطر جسم
رفان أو معطر جسم

4- الأعمال الفنية :

الهدية المثالية للمرأة الميزان هي أي حاجة جميلة أو أنيقة وبسيطة, مش لازم تبكي حاجة شخصية زي المجوهرات أو البرفان بس ممكن حاجة مميزة زي الأعمال الفنية,غالبا بتلاقي عندهم ميول لللوحات أو الفاسات الشيك ويا سلام لو فيها ورد وزهور من النوع اللي هي بتحبه, ممكن مثلا برواز أنيق وفيه صور رومانسية لذكريات جميلة معاها… ديه كمان من أكتر الهدايا اللي ممكن تسعدها.
الأعمال الفنية
الأعمال الفنية

5- حفلة عيد ميلاد مع الأهل والأصحاب:

من المميزات المعروفة عن شخصية انثى الميزان هي إنها اجتماعية جدا, بتحب الناس ومتحدثة لبقة وكمان محبوبة جدا من كل اللي حواليها, بتعرف إزاي تنال حبهم وثقتهم.. ووجودها معاهم بيديها وبيدهم سعادة…عشان كدة الأحتفال بعد ميلادها في مكان شيك ووسط الأصحاب أو الأهل ده ممكن يكون احلي هدية تسعدها إنها تحس بحب الناس وتقديرهم ليها…

حفلة عيد ميلاد مع الأهل والأصحاب
حفلة عيد ميلاد مع الأهل والأصحاب

اقروا كمان: الساحرة الحكيمة انثى الميزان

اللبق الحكيم: رجل برج الميزان

أهم 5 أسباب لجاذبية برج الميزان!

توافق برج الميزان مع باقي الأبراج

إيه هي عيوب برج الميزان؟!

مقالات متعلقه

ازاي تكسبي قلب رجل برج الميزان؟

ازاي تكسبي قلب رجل برج الميزان؟

استايل هدوم رجل برج الميزان

استايل هدوم رجل برج الميزان

استايل هدوم انثى برج الميزان

استايل هدوم انثى برج الميزان