اكلات سريعة من بقايا الطعام

يسرا خالد
يسرا خالد
5934

ساعات بنات حوا بيواجهوا مشكلة ان الاطفال او الازواج فى البيت مش بيحبوا أكل الأطعمة المتبقية أو نفس الأطباق كل يوم , و ده بيخليكى تحتارى تعمليلهم ايه كطبق جديد كل يوم خصوصا لو بتشتغلى و معندكيش وقت .احنا بنقولك ممكن تستعملي بقايا الطعام و تعملي بهم أكلات شهية و لذيذة و من غير ما يأخدوا بالهم تعالى نشوف ازاى تعملى اكلات سريعة من بقايا الطعام  …

1 – الخضروات :

ممكن استخدام سيقان البروكلي في إعداد سلطة كول سلو و قبل ما يصبح البصل والكرفس والجزر قديم ممكن تقطيعها مكعبات وحفظها في أكياس بلاستيكية مفرغة من الهواء في الفريزر و ممكن الاستفادة من الخضار باضافة قطع اللحم و الطماطم  ونحطها في الفرن و تعملى  صينية خضار لذيذة .

كولسلو
كولسلو

2 – الارز :

مش بنستغنى عنه كل يوم فى الاكل عشان كده بيفضل منه بواقى ساعات كثير بس دى وصفات ممكن تعمليها بالبواقى دى :

1- كفته بالأرز والبقدونس:

المقادير

نصف كيلو لحم مفروم-نصف كوب أرز ناضج-بيضتين-بصلة مفرومة-ملح وفلفل-بقسماط-زيت للقلي-

الطريقة:

-اعجني كل المكونات مع بعضها كويس وشكليها على هيئة أقراص بيضاوية

-حطى أقراص الكفتة في البقسماط و اقليها في زيت ساخن .

كفتة الرز
كفتة الرز

2-الأرز بالخضروات واللحم المعصج:

المقادير:

كوبين من الرز الناضج-كوب من الخضروات مشكلة مسلوقة (بسلة وذرة ومكعبات صغيرة من الجزر-)حبهان وقرفة وفص مستكة-ملح وفلفل -كوب من اللحم المعصج-ملعقتين زبدة-كوب مرق دجاج

الطريقة:

-في حلة حطى الزبدة والمستكة وشوحي الخضروات و ضيفي التوابل و سيبيها لحد ما تزبل و زودى المرقة

– بعد ان تتشرب الخضروات المرقة نضيف اللحم المعصج ونخلطهم كويس و نضيف الأرز ونسيبه لحد يصبح ساخن و نقدمه مباشرة.

رز بالخضار
رز بالخضار

3 – الفراخ:

ولو تبقت قطع من الدجاج المطبوخ بعد ممكن استخدامها من خلال تقطيع قطع الدجاج الى مربعات واضافة الملح والبهارات والفلفل الاخضر وزودي الزبدة او الزيت لحد ما لونها يكون ذهبى و زودى عليها مكرونة مسلوقة وصلصلة البشاميل.

الفراخ
الفراخ

4 – العيش :

ولاستغلال بقايا العيش ممكن تقطيع البقايا الى مربعات وقليها بالزيت او تحميصها بالفرن والاستفادة منها في الفتوش او نحط عليها القليل من زيت الزيتون و الزعتر والثوم و نمسح الهيش بالخليط و يتم تحميره في الفرن لحد ما يصبح مقرمش.

العيش
العيش

5 – البطاطس :

و ممكن تستفيدى من البطاطس المتبقية من خلال هرسها واضافة الملح والبهارات والثوم والريحان لها وهرس اللحمة المفرومة معها و تكويرها وغمسها بالبيض وقليها بالزيت مع امكانية استبدال اللحمة بالجبن.

البطاطس
البطاطس

6 – الفواكه :

اما لو ا تبقى كمية من الفواكه في البيت فممكن استغلالها عن طريق انك تخلطيها في الخلاط مع الزبادي مثلا او ممكن اضافة الثلج والايس كريم لها وعمل مثلجات من الفواكه.

عصير
عصير

مقالات متعلقه

وصفة القرنبيط الكرسبي في الفرن مع الصوص الحار

وصفة القرنبيط الكرسبي في الفرن مع الصوص الحار

وصفة الفراخ على الطريقة الرومانية

وصفة الفراخ على الطريقة الرومانية

طريقة عمل فاهيتا الفراخ واللحمة

طريقة عمل فاهيتا الفراخ واللحمة