14 فكرة وافتكاسة للتخزين في البيت ممكن يفرقوا معاكي قوي!

للي بتعمل بيت جديد, أو للناس اللي دولابها أو تسريحتها علي طول منعكشه أو مش مكفية حاجتها, اتفرجوا علي طرق التخزين ديه سواء لدولابك, تسريحتك, مطبخك أو حمامك.. هيفرقوا معاكي جدا خصوصا لو إنتي معندكش مساحة كبيرة..يلا نبدأ؟

أفكار للتخزين في البيت:

1- استعملي درج قديم عندك وعلقيه علي الحيطة, ممكن تحتي جوه البرفانات, المكيوب, أو حته أي فازة ديكور, وتعلقي مكان الأيد الاكسسوارات بتعتك.

2- اكياس الشوبنج, أو الهدايا, بلاش ترميها وعلقيها من اديها علي الحيطه واستخدميها للتخزين وكمان بيبقي شكلها حلو جدا كديكور

3- ادراج دولابك اللي بتحطي فيها الاشربات أو الهدوم الداخليه أو الحزامات أو حتي شراباتك قسميها بورق كارتون مقوي زي كده. وهتبقي علي طول منظمة.

4- استعملي شماعة وحطي فيها العليقات المدورة ديه وعلقي فيها السكارفات بتعتك.

5- معلق رفوف الأحذية ديه انتشرت قوي اليومين دول, بتتباع جاهزة بالشكل ده وتتعلق علي الحيطة وبتستعمل لتخزين الاحذية.

6- جيبي شريط مغناطيس وعلقيه علي الحيطة جنب التسريحة واستعمليه لتخزين البنس أو الملقاط والقصافات بتعتك.

7- استخدام جرادل الزرع ومتوصلين ببعض بحبل ومتعلقين علي الحيطة لتخزين فرش الشعر , المكيوب, أو الكريمات.

8- جيبي أي لوحة قديمة وثبتيها علي الحيطة وعلقي عليها اكسسواراتك. بتسهل عليكي التخزين وكمان شكلها شيك.

9- لو مساحة مطبخك صغيرة, جربي لوح الخشب المعلق ده لتخزين الماجات.

10- عشان تداري شكل الروتر أو أي عيب عندك في الحيطة, جيبي اغلفة كتب قديمة والزقيها بعض وحطيها قدام الروتر بالشكل ده.

11- نفس فكرة تعليق السكارفات بإستعمال شماعة وعليقات مدورة بس لتخزين الكابات بتاعة جوزك أو ابنك.

12- الدرج المعلق في الحمام لتخزين السشوار أو البيبي ليس.

13- لو مش عندك كومودينو في أودتك استعملي أي رف قديم وثبتيه جنب الحيطة عشان تحطي عليه موبيلك جنبك وإنتي نايمة.

14- لتخزين الشباشب أو الجزم بطريقة ذكية و من غير ماتاخد مساحة