12 نصيحة ازاي تبقي جميلة من غير مكياج؟!

يسرا خالد
يسرا خالد
في
مكياج
135005

مين فينا من بنات حوا مش بتستعمل المكياج؟ اكيد كلنا بنستعمله و لكن برده كلنا بنتمنى ان بشرتنا تكون جميلة وكلنا بنحلم ان جمالنا يكون طبيعى ومنحتجش للمكياج والروتين بتاعه كثير. احنا انهاردة بنقولكم ان الجمال الطبيعى مش حاجة صعبة توصليلها تعالوا نعرف اسرار الجمال الطبيعى و ازاى تكونى جميلة من غير مكياج .

ازاى ابقى جميلة من غير مكياج ؟

1 – اشربى مياه :

اول و اهم سر هو شرب كمية كافية من المياه كل يوم فى اى فصل من الفصول حتى الشتاء لان كوب المياه اللى بتشربيه هيكون مفيد لنضارة بشرتك و صحتها اكثر من اى منتج هتشتريه .

المياه
المياه

2 – الترطيب :

احرصوا ان يكون عندكم كريم مرطب فى اساسيات اليوم تستعملوه على الرقبة و الوش و اليدين و الرجلين لان المناطق دى اول مناطق بيبان عليها السن و تقدم العمر و المرطب بيحافظ على بشرتك من التجاعيد و الترهلات و الجفاف اللى بيأثر على جمالك .

الترطيب
الترطيب

3 – استخدمى غسول للوجه :

استخدمى غزول للوجه يوميا عشان تسيلى بقايا المكياج و اى اثار للتلوث من الجو من على وشك و احسن حاجة تستعمليه مرة الصبح و مرة بليل قبل النوم لان ده هيساعد على تنظيف المسام من التراب اللى عالق فيها و بالتالى وشك هيبان اجمل الصبح و طول اليوم.

الغسول
الغسول

4 – استخدمى التونر :

التونر ده سائل خفيف تستعمليه بعد غسول البشرة و لازم تعتبريه جزء اساسى من روتين تنظيف بشرتك اليومى لان اغلبنا بينساه بعد الغسول و المرطب و دى حاجة مش صحية لان بعد غسيل الوش المسام ساعات بتكون مفوحة و التونر بيساعد على قفلها و شد البشرة و التخلص من اى زيوت او دهون على الجلد و بالتالى بيمنع تكون الحبوب .

التونر
التونر

5 – غسيل الشعر :

استعملى الشامبو المناسب لشعرك كل 3 يام على الاقل عشان تحافظى على بريقه و لمعانه لان شعرك لما مش بيتغسل لفترة طويلة بيفرز دهون و ممكن تأثر على شكلك الجميل و كمان بتنقل الدهون دى لوشك و بتسبب فى ظهور الحبوب و شعر الانثى هو تاج جمالها و لازم تحافظ عليه .

الشامبو
الشامبو

6 – استخدمى كريم واقى من اشعة الشمس :

مهما كنتى مستعجلة الصبح لازم ركزى فى اهمية الكريم الواقى من الشمس لان اشعة الشمس و خصوصا فى الصيف ليها تأثير مضر جدا و سىء على جلدك و بشرتك و ممكن متلاحظيهوش غير بعد فترة . لو عايزة تحافظى على مظهرك طبيعى و جذاب و جلد صحى لازم تستعمليه الصبح .

كريم واقى من اشعة الشمس
كريم واقى من اشعة الشمس

7 – المياه السخنة و الليمون :

حاولى تتعودى انك تبدلى الشاى او القهوة الصبح بكوب ليمون و مياه دافية لان شربهم الصبح فى اول اليوم بيساعدك على التخلص من السموم فى الجسم و بيقلل من حساسية الجلد و بيخلى جسمك مرطب و لامع طول اليوم .

الليمون
الليمون

8 – تقشير الجلد :

استخدمى ماسكات طبيعية للتقشير من الوصفات اللى موجودة فى بنات حوا او استخدمى اى منتج بتفضليه من الصيدلية مناسب لتقشير جلدك لان التقشير الاسبوعى بيخلصك من الجلد الميت و بيمنع جفاف الجلد و بيخلى وشك دايما ناعم و منور و جميل .

التقشير
التقشير

9 – حواجبك :

عشان تحافظى على جمالك لازم تخلى بالك من شكل حواجبك لان هما ممكن يغيروا شكل وشك تماما راقبى شكلهم فى المراية و شوفى اذا كانوا مناسبين لوشك و لا لا و هيكون من الاحسن لو تخنتى حواجبك لان الحواجب الرفيعة بتقلل من جمالك و ممكن تكثفيهم عن طريق استخدام زيت الخروع او زيت جوز الهند كل يوم الصبح و هتلاحظى نتيجة بعد 3 شهور .

الحواجب
الحواجب

10 – الشفايف :

دى اكثر حاجة واضحة فى وشك و بتظهر جمالك و لازم تركزى عليها جدا لو سبتى شفايفك جافة و مشققة اكيد هيكون شكلها مش حلو لازم تستخدمى مرطب ليها كل يوم و تجنبى انك تتعرضى للشمس كثير و اعمليلها مساج بليل مرتين في الاسبوع  5 دقائق بفرشاة الاسنان عشان تساعدى على تقشير الجلد الميت فيها و تمنعى التشققات .

الشفايف
الشفايف

11- قصة الشعر :

من اكثر الحجات المهمة و اللى بتغير شكلك هى قصة شعرك لو عرفتى تعمليله قصة حلوة و شيك و جذابة مش هتحتاجى مكياج يظهر جمالك كل 3 شهور او شهرين لازم تقصى الطروف عشان تحافظى على عدم تقصفه . لو مش عارفة ايه القصة المناسبة ممكن تجربى كذا حاجة او تستعينى بخبرة صالون تجميل متميز .

شعرك
شعرك

12 – فيتامين سى

فيتامين سى من اهم الفيتامينات اللى بتحافظ على نضارة جلدك واظبى على استخدامه فى اكلك يوميا و الصبح ممكن تشربى عصير ليمون او برتقال طبيعى او تاكلى برتقالة مع الفطار و ده كمان هيساعدك على النشاط و الحيوية فى باقى اليوم . العصائر الحمضية زى الليمون فيها مواد بتصرف السموم من الجسم و السموم دى ممكن تأثر على جفاف الجلد و عدم نضارته ممكن كمان تلاقى الفيتامين ده فى فواكه و خضروات كثير زى الجوافة و الفراولة.

فيتامين سى
فيتامين سى

نصايح عامة لجمالك :

  •  لما يكون عندك حبوب بلاش تلعبى فيها عشان هتسيب علامات و نظفى وشك عادى لحد لما تروح لوحدها.
  •  بلاش تقرقضى ظوافرك لانها بتبوظ شكل ايديكى و حافظى على نظافتهم و قصهم دايما.
  •  بلاش تشربى قهوة و شاى و منتجات الكافيين كتير لانها بتسبب بهتان للبشرة.
  •  حافظى على عدد ساعات نومك من 6 – 8 ساعات.
  •  اغسلى اسنانك على الاقل مرتين فى اليوم.
  •  حافظى على الجلوس مستقيمة عشان ميحصلش انحناء فى ظهرك.
  •  احرصى على جلسة تنظيف البشرة لازالة الرؤوس السوداء.
  •  ابعدى عن الاكل فى الشارع و كلى اكل صحى و مفيد زى الفاكهة و الخضار و الالبان لان كل ده بيسبب حبوب و دهون فى الجلد و بهتان.
  •  اختارى اللبس اللي يليق علي شكل جسمك ويكون برده على الموضة عشان يظهر جمالك.

مقالات متعلقه

افكار مكياج بوهو مناسب للصيف

افكار مكياج بوهو مناسب للصيف

طريقة عمل زيت ملمع للجسم Shimmer Body Oil

طريقة عمل زيت ملمع للجسم Shimmer Body Oil

احصلي على تفتيح فوري ونضارة للبشرة بكريم البنجر

احصلي على تفتيح فوري ونضارة للبشرة بكريم البنجر