أسرار الجمال بأستخدام الثلج

يسرا خالد
يسرا خالد
في
بشرة
6272

بنات حوا جايبلكم سر من اسرار الجمال مكن يكون اول مرة تسمعى عنه … الثلج ! اللى ممكن يكون حل سحرى يدى وشك نضارة و جمال طبيعى و يخليه ينور حتى فى عز الشتا لما تكون بشرتك بهتة و مش نضرة لانه بيحسن الدورة الدموية و بينعش الجلد و بيقلل كمان التجاعيد تعالى اعرفى معانا اسرار الجمال باستخدام الثلج….

الجمال بأستخدام الثلج
الجمال بأستخدام الثلج

تعالى اعرفى  إيه هي أسرار الجمال  بأستخدام الثلج  و تأثيره الفعال على بشرتك !

1 – الحبوب :

لو جبتى قطعة ثلج و مشيتيها على اى حباية تكون مسسبة تهيج و احمرار فى البشرة هتلاقى الاحمرار قل جدا لان التلج بيقلل الالتهاب . لو جبتى كيس بلاستيك او فوطة و لفيتى الثلج فيه و افضلى دايسة عليها من 5 الى 10 دقائق هتلاقى الحباية تقريبا اختفت!

2 – انتفاخ تحت العيون :

لو صاحية الصبح تحت عنيكى منتفخ او منمتيش كويس أو مثلا معيطه ليله امبارح! اصحى الصبح واستخدمى التلج كحل سريع للتخلص من الانتفاخ . هتعملى نفس الطريقة و تلفى التلج فى فوطة رقيقة  وتستخدميه على عنيكى و هتلاقى عنيكى فتحت اكثر و مبقتش شكلها مرهق زى الاول ولو عايزة تأثير اقوى و اسرع ممكن تجمدى مربعات قهوة و تستعمليها او شرايح خيار متجمدة كمان هتكون فعالة جدا فى حل المشكلة .

3 – فى المكياج :

قبل ما تحطى كريم الاساس او الفاونديشين هاتى قطعة تلج و مشيها و ركزى على المناطق اللى فيها المسام واسعة فى وشك لان التلج له مفعول سحرى فى تقليل حجم المسامات و غلقها و متبينش شكلها تحت المكياج و مش بس كده كمان هينعم جلدك جدا و هيخلى كريم الاساس ميكونش واضح بزيادة .

4 – تقشير الجلد :

لو عايزة جلدك يكون لامع و شكله صحى و جميل ممكن تعملى حل مبتكر بدل كريمات تقشير الجلد و السكرب اللى فى السوق . هاتى قطع الخيار او الفراولة او المانجة او اى فاكهة و قطعيها و حطيها وسط مربع المياه فى علبة التلج اللى فى الفريزر و سيبيها تتجمد و كل اسبوع استخدميها كعلاج لازالة الخلايا الميتة اللى فى وشك عن طريق تمريرها على وشك كله لان ملمس الفواكة و الخضروات مع تأثير التلج هيساعدك على تقشير جلدك .

شوفي كمان الوصفتين دول لإستخدام مكعبات التلج:

1- مكعبات التلج بالنعناع:

حطي ورقتين نعناع مع ماية  في كل مكان مكعب في  حاوية مكعبات الثلج, وبعد كده تستخدميها بأنك تمشي مكعب التلج علي وشك وجسمك كمان, التلج هينشط الدورة الدموية، وكمان النعناع هيساعد علي شد المسام وتنقية وإزالة السموم اللي في الجلد. ده غير طبعا الشعور الفظيع بالانتعاش اللي من تأثير النعناع مع التلج.

مكعبات التلج بالنعناع
مكعبات التلج بالنعناع

2- مكعبات التلج بالورد:

حطي كميات متساوية من مايه عادية, وماية ورد وورد مجفف, وحطيهم يتجمدوا في  حاوية مكعبات الثلج, قبل الإستعمال اغلي ماية, وفي البخار حطي فوطة ومشيها علي وشك كحمام بخار لمدة دقيقتين وبعد كده ابدأي استعملي المكعبات علي وشك ورقبتك, ليه نفس التأثير السحري لتنشيط الدورة الدموية, ازالة السموم, شد الجلد, وكمان ماية الورد بتهدي الجلد جدا لو كان فيه أي التهابات أو تهيجات.

مكعبات التلج بالورد
مكعبات التلج بالورد

مقالات متعلقه

علاج الايورفيدا للبشرة في البيت في 3 خطوات سهلة

علاج الايورفيدا للبشرة في البيت في 3 خطوات سهلة

5 علاجات طبيعية بتستخدمها كارينا كابور لبشرة نضرة وشباب

5 علاجات طبيعية بتستخدمها كارينا كابور لبشرة نضرة وشباب

فتحي بشرتك باستخدام القهوة سريعة التحضير

فتحي بشرتك باستخدام القهوة سريعة التحضير