إيه هي عيوب برج الميزان؟!

بقلمسارة جمال فيبرج الميزان visibility26906

زي ما اتكلمنا قبل كده عن برج الميزان ومميزاته وصفاته, النهرده هنتكلم بقى عن الجانب المظلم من هذا البرج الهوائي! نتمني إن كل أصحابنا مواليد برج الميزان ميزعلوش مننا :) ويخدوا الكلام ده بصدر رحب ويفكروا فيه… عشان ده فعلا ممكن يساعدهم لو الصفات السلبيه ديه عندهم… يلا نبدأ؟

يا ترى أيه هي عيوب برج الميزان؟!

1- التردد:

اتكلمنا كتير عن اد ايه برج الميزان بيميل انه يسمع اللي حواليه ويفكر من الناحيتين قبل اتخاذ أي قرار, وكمان انه ممكن مع شريك حياته يميل انه يضحي عشان يعمل اللي يسعد شريكه, للاسف النقطة ده فيه بتتحول لعيب التردد, لانه مش بيبقي قادر ياخد قرار محدد وبسرعة.. لو سألت شخص برج الميزان تحب تاكل ايه دلوقتي, أو نخرج فين أو ندخل أي فيلم في السينما, توقعي إنك هتفضلي مستنية رد على اسئلتك ديه وقت مش قليل! لأن في النهاية لما بيجي يقرر في أي موضوع لازم بيراعي مشاعر الناس الناس اللي حواليه ويوازن جميع الخيارات المتاحة.

2- تجنب المواجهات:

اد إيه برج الميزان بيحب الوئام والسلام, وبيكره جدا الخناق والمشاكل, ده ساعات بيحطه في خانه تجنب المواجهات, لانه بيبقي عارف انه لو اتكلم في الموضوع ده أو فتح القصة ديه هتحصل مشكلة أو خناقة, فهو بيفضل انه يبعد ويتجنبها عشان يبعد عن الضغط والمشاكل.

3- بيهتم بالمظاهر:

عاشق الجمال, وعينه لماحه بتدور عليه, ده اوقات بيوقعه انه ميخدش باله من الجمال الداخلي أو الصفات الحميدة لبعض الناس. بس ده عمره مابيحصل مع اصحابه أو القريبين منه, لكن ممكن يحصل مع الناس الغريبه بس, لأن برج الميزان معروف عنه انه صديق مثالي وديما بيحب يبص ويبرز مميزات اصحابه, عشان كده منستغربش لما نلاقي للرجل ده شعبية كبيرة وسط اصحابة وعيلته. 

4- الإسراف:

لأنهم عاشقين للجمال ده كمان ممكن يأثر علي مصاريفهم, بيحبوا يدلعوا نفسهم وميحرموش نفسهم من حاجة, عشان كده ممكن نلاقيهم  بيصرفو فلوسهم في حاجات مش اساسية ولا مهمة بس هي بالنسبه لهم جميلة واقتناءها بيسعدهم…

5- التظاهر:

هم شعبيين ومحبوبين جدا من اصحابهم واللي حواليهم, وبيراعوا قوي مشاعر اصحابهم وحبايبهم, عشان كده ممكن اوقات يتظاهروا انهم مبسوطين عشان بس يبسطوهم وده بيخلي مشاعرهم شوية مش حقيقية لكن بس بتبقي حالة من التظاهر بيحطوا نفسهم فيها.

بعد ماكتبنا معظم العيوب, ممكن تقروا كمان أهم 5 أسباب لجاذبية برج الميزان!

اقروا كمان: الساحرة الحكيمة انثى الميزان

اللبق الحكيم رجل برج الميزان

توافق برج الميزان مع باقي الأبراج

أحلي الهدايا لانثى برج الميزان