أحلى هدايا لانثى برج الثور

بقلميسرا خالد فيبرج الثور visibility18768

انثى برج الثور محبوبة وصادقة، وليها جاذبية خاصة، وتمتازشخصيتها بجمال وعمق، و اكيد عشان تكسب قلبها لازم تقدملها هدايا مخصوص تناسب روحها الجميلة تعالوا نعرف سوا ايه هى أحلى هدايا لانثى برج الثور…

الهدايا المناسبة لانثى برج الثور كلها حس عالى و قيمة غالية :

1 – المجوهرات الغالية :

المجوهرات
المجوهرات

مواليد برج الثور معروفين انهم شخصيات عمليين جدا و على الرغم من ان الرومانسية و الحب حاجة جميلة و مفيش بنت مش بتحبها الا ان مركزالرجل و شغله و قد ايه بيكون مستريح ماديا بيهموا جدا انثى برج الثور و احسن طريقة انك ترضيها انك تجبلها هدايا غالية و مفيش احسن من المجوهرات اللى لازم تكون متنقية حلو و مش اى حاجة . من احلى الهدايا الخواتم القيمة و الحلقان الالماس او اسورة مصممة مخصوص عشانها او دلاية رقيقة من الدهب و الاحجار الكريمة و ممكن كمان عقد من اللولى .

2 –  العطور :

العطور
العطور

على الرغم انهم بيحبوا الحجات الغالية الا ان ممكن ترضيهم برده على قد الميزانية ,انثى الثور بتحب جدا اى حاجة تأثر على حواسهـا يعنى ممكن الهدية تكون من العطور القوية اللى تكون شبه شخصيتها وممكن كمان علبة الهدية يكون فيها زيوت للحمام و معطرات و كريمات مع العطور و ممكن كمان تزود مع لفة الهدية مكياج رقيق من الالوان اللى هى بتحبها و لو مش متاح اى حاجة من دول ممكن تحجزلها جلسة مساج فى اى صالون او مركز تجميل او سبا .

3 – اللبس :

اللبس
اللبس

بنات برج الثور بيحبوا جدا اى حاجة شكلها جذاب و قيمتها عالية زى الهدوم اللى ملمسها ناعم و رقيق على الجلد و بتكون فخمة ممكن تجيبلها ايشارب حرير او جاكت صوف ناعم او فرو و ده جزء من شخصيتهم اللى بتخليهم يعشقوا الحجات الفخمة و الشيك  .

4 – الاكل  و الحلويات :

الاكل
الاكل

مفيش احسن من الاكلة اللى معمولة بمزاج مخصوص لانثى الثور . مواليد البرج ده بيحبوا الاكل جدا وذواقة و بيعتبروا الاكل متعة ميقدروش يبعدوا عنها يعنى لما تكون مش عارف تجيبلها هدية ايه فكر علاطول فى الاكلة الحلوة اللى هى بتفضلها ممكن تحضرلها الاكلة فى البيت او تعزمها برة فى المطعم المفضل ليها و تسيبها تطلب اللى هى عايزاه مش لازم المطعم يكون غالى و مبالغ فيه فى الاكل اى حاجة ممكن ترضيها و متنساش طبعا الشوكولاتة و الحلويات بعد الاكل و خصوصا لو كانت دسمة و شهية .

5 – الشوبينج :

الشوبينج
الشوبينج

لو خدتها فى رحلة الى المول يوم كامل و سيبتها تشترى كل حاجة نفسها فيها هتكون اسعد واحدة فى الدنيا و يا سلام لو وديتها كمان فى تمشية وسط المحلات و المناطق اللى مشهورة بالشوارع اللى مشتريتها المفضلة . زى محلات الماركات و العطور و الورد و المجوهرات و اخر الجولة دى اللى هتسيبها تشترى فيها اللى هى عايزاه و فى الاخر خالص وديها تشرب فنجان قهوة و اى نوع من حلويتها المفضلة هتكون فى قمة السعادة.  

6 – الزهور والنباتات :

الزهور
الزهور

امرأة الثور عندها حس فنى عالى و بتعشق الديكور والفن و بتحب جدا الزهور و بتتفنن إنها تزوق بيها المكان و خصوصا زى زهور الاوركيد والورد الابيض وممكن تجيب الورد ده فى فازة غالية وشيك او تجيبلها اى نوع نبات جميل و هى تعتنى بيه فى البيت لان بطبعها بتحب رعاية الاخرين و امتلاكهم .

اقروا كمان: الجذابة الصادقة انثى برج الثور

الصادق الوفي رجل برج الثور

توافق برج الثور مع الابراج الثانية

أهم 5 أسباب لجاذبية برج الثور!

إيه هى عيوب برج الثور؟!