أهم 5 أسباب لجاذبية برج الميزان!

بقلمسارة جمال فيبرج الميزان visibility25406
 مواليد برج الميزان طيبين، لطاف وعشاق الجمال والوئام والسلام. اتكلمنا بالتفصيل علي مواصفات الرجل والانثى وكمان عند علاقتهم بباقي الأبراج,النهرده هنتكلم عن مميزات برج الميزان مواليد 23 سبتمبر – 22 أكتوبربرج الميزان هو البرج الوحيد اللي علامته مش إنسان ولا حيوان لكن جماد. وهو طبعا علامة الميزان اللي بترمز للتوازن وحبه للعدل.
مميزات برج الميزان
مميزات برج الميزان

1- لبقين:

أصحاب برج الميزان بيتمتعوا باللباقة واللسان الحلو, بيعرفوا يقولوا ايه امتى وإزاي, عشان كده هما بيعرفوا يقنعوا الاخرين أو انهم يحققوا طلباتهم بسهوله, وده مش مكر منهم خالص لأ  ديه موهبه انهم بيعرفوا يطلعوا أحسن ما في الناس. أصحاب برج الميزان بيشعروا بسعادة شديدة وهما معاهم.

2- رومانسيين:

الميزان في الحب بيبقي شريك مثالي, أي حاجة بيعملها برج الميزان بيعملها بمشاعر حب, بيبقي عايز يشارك حبيبه أو شريكه في كل حاجة, لدرجة إن اوقات الحياة كلها بتختفي ومش بيبقوا شيفين غير شريكهم بس…

3- العدل:

طبعا ديه مش محتاجة كلام, برج الميزان في أي موضوع أو مشكلة لازم يفكر من جميع النواحي وبيحط نفسه مكان كل الأطراف, عشان لما يجي ياخد قرار أو يدي رأي بيكون فعلا رأي موزون وعادل, عشان كده أصحاب برج الميزان بيثقوا جدا في حكمهم على الأمور حتي لو كان رأيهم صادم وصريح. 

4- ساحرين وموهوبين:

بيتميزوا بطبيعتهم الساحرة وموهوبتهم, تعالوا نشوف عينة من مشاهير البرج ده عشان نقدر نفهمه أكتر:

عمرو دياب هيو جاكمان شيرين عبد الوهاب بريجيت باردو غاندي ويل سميث كاثرين زيتا جونز مايكل دوغلاس جوينيث بالترو سوزان سوراندن كايت وينسليت مات دايمن ديانا حداد خوليو فريد الاطرش صفية العمري ماغي فرح ميسم نحاس روبي فان دام

5-عشاق الجمال:

الميزان عنده عين بتبحث دايما عن الجمال في كل شيء, في الناس, في الموسيقي أو الفن أو في الكلمات..عشان كده مواليد البرج ده دايما بيدوا الثقة لاصحابهم أو الناس اللي حواليهم, لانهم ديما بيشفوا إيه الجميل اللي عندهم وبيبرزوه أو بيركزوا عليه. وكمان الميزة ده بتخلي مواليد الميزان دايما بيهتموا بنفسهم, بلبسهم وبمظهرهم.

برج الميزان من الأبراج اللي بتتمتع بتوازن رائع بين العقل والقلب.. عاشق للنقاش والمحادثات,هو سفير الهه الحب والعدل والسلام! رومانسي جدا وفي الحب بيبقي هدفه الأسمي هو سعادة شريكه, شخصية جذابة و لبقه .. نتمني إننا نكون قدرنا نوضح أهم مميزات البرج المميز .. برج الميزان.

اقروا كمان: الساحرة الحكيمة انثى الميزان

اللبق الحكيم: رجل برج الميزان

توافق برج الميزان مع باقي الأبراج

إيه هي عيوب برج الميزان؟!

أحلي الهدايا لانثى برج الميزان