مطاعم مميزة فى 6 أكتوبر

يسرا خالد
يسرا خالد
28448

بنات حوا يلا بينا نكمل رحلتنا فى دليل مطاعم القاهرة و الاماكن الجديدة اللى ممكن تغيروا خروجاتكم و تجربوها . النهاردة جايبنلكم مطاعم 6 أكتوبر المميزة .. تعالوا نشوفها سوا…

1 – شوكجوزال :

شوكجوزال
شوكجوزال

من مطاعم 6 أكتوبر المميزة, مطعم تركى بيرجع اصله ل 700 سنة لان الوصفات و الاكلات اللى فيه من الطباخيين الاتراك القدام اللى كانوا بيشتغلوا فى القصور لما تدخلوا المكان هناك هـ تحسوا أنكم قاعدين في جانب فخم من قصر كبير بالنجف الفخم والشياكة والأناقة للروح التركية.المنيو مميزة جدا و الاكل رائع زى الضيافة اللى هناك . المنيو مكونة من شوربات، سلاطات، مقبلات باردة وساخنة، وحاجة اسمها “فرنميزدان” يعني أكلات بـ تتعمل فى الفرن، وقسم “من الشواية”، والأطباق الرئيسية، والساندويتشات، والأصناف الجانبية، والحلويات. و من الامثلة اللى فى المنيو شوربة اسمها طهراناTarhana Corbasi، و طبق بطاطس بيداPatatesli pide، ومن الأطباق الرئيسية  دونر إسكندر كباب، ومن الشواية إزجارا كفتة.

بيفرلي هيلز – الشيخ زايد, فى ساحة طعام The Strip السادس من أكتوبر, القاهرة, مصر.
تركي01140028110

2 – تارتين :

تارتين
تارتين
اكل لبنانى مميز و سريع و المنيو فيه رائعة و اسعرها مناسبة و مكان مناسب للعائلة لان جمبة ركن للاطفال  المنيو فيها مقبلات وسلاطات وأطباق وساندويتش بالعجين، ومنقوشة وبيتزا، وحلو ومشروبات، و مثال للاسعار كفتة بالحمص ومن الأطباق طبق شاورمة ميكس “لحمة وفراخ ”وده بـ ينزل معاه سلاطات: تبولة وثومية وطحينة وبطاطس محمرة وعيش.
صالة الطعام, داندي ميجا مول، الكيلو 28 طريق مصر / الإسكندرية الصحراوي السادس من أكتوبر, القاهرة, مصر.
عالمي0235390431

3 – كيه لاونج :

كيه لاونج
كيه لاونج
المطعم ده معروف جدا ان الاكل هناك مفيهوش غلطو و معمول بجودة عالية و طعم رائع و بيقدو اطباق عالمية و بيتزا و برجر. المنيو متنوعة وأصنافها مغرية، مثلا فى قسم الشوربات شوربة تشيكن كورن، ومن السلاطات سلاطة حلومى بالفلفل والخضار المشوي، ومن الأطباق الرئيسية فراخ محشية جبنة موتزاريلا وعليها صلصة من فوق اسمها Chicken Ccciatore وبيف ميداليون بصوص الفلفل. فى كمان انواع رائعة من الحلويات زى الكنافة النابلسية.
ويست تاون هاب السادس من أكتوبر, القاهرة, مصر.
برجر, عالمي, ستيك, بيتزا01027111689

4 – روز فيل :

روز فيل
روز فيل
مطعم فرنسى رقيق و الديكور فى المكان المبتكر والرقيق في نفس الوقت هـ يشدك أنك تقعد فيه زى الترابيزات اللى مفارشها دانتيل و الشموع اللى على الترابيزة .المنيو الأساسية من اطباقها شوربة كريمة بالفراخ ومن المقبلات Shrimp Skewers، ومن الأطباق الرئيسية سلامون فيليه، وفيل ليمون Veal Lemon، الشيف اللى بـ يطبخ في روزفيل يبقى واحد من تلامذة الشيف الأشهر على الإطلاق “جيمي أوليفر و ده لوحده يخليكم تجربوا الاكل هناك .
داخل جاليريا 40, الشيخ زايد السادس من أكتوبر, القاهرة, مصر.
فرنسي01223982393

نتمني إن اختيارتنا لأحلي مطاعم 6 أكتوبر تكون نالت اعجابكم ولو مكنتش جربتوا حد فهم يلا جربوا وشركونا رايكم ايه..

مقالات متعلقه

مطاعم مميزة فى مدينة نصر

مطاعم مميزة فى مدينة نصر

مطاعم مميزة فى المهندسين

مطاعم مميزة فى المهندسين

مطاعم مميزة فى الرحاب

مطاعم مميزة فى الرحاب