بالفيديو: 6 تمارين شد الجسم وإنتي بتتفرجي علي التلفزيون

سارة جمال
سارة جمال
11978

مين فينا مش بيتفرج علي التلفزيون علي الاقل ساعة أو أكتر في اليوم؟ سواء كان المسلسل التركي ولا برنامج الطبخ عشان نتعلم طبخة جديدة, ولا حتي فيلم رومانسي عشان نهدي بيه اعصابنا من جو التوتر اللي احنا عايشين فيه. بنات حوا النهردة بتقدملكم 6 تمارين لشد الجسم ممكن تعمليهم وإنتي قعدة بتتفرجي علي التلفزيون في البيت, اظن مفيش بعد كده حجة بقى, لأ بنقول نروح جيم ولا نعمل ديت, جربوا التمارين ديه 5 مرات في الإسبوع لمدة شهر وهتشوفوا الفرق بنفسكم اعملي كل تمرين من 10 الي 15 عدة .. يلا نبدأ؟

1-  التمرين الأول: رجلك من تحت لفوق

إزاي؟ نامي علي بطنك علي كرسي, أو كنبة المهم إن رجلك تبكي متعلقة علي الحرف ,مدي ركبك وافرضي صوابع رجلك وحركي رجلك من تحت لفوق ونزليهم تاني بالراحة وإنتي شده رجلك.هتحسي بيه فين؟ في مؤخرتك وركبتك.
رجلك من تحت لفوق
رجلك من تحت لفوق

2 – التمرين التاني: الركلات لعضلة الدراع

إزاي؟ اسندي بأيدك علي طرف كرسي أو كنبة, خلي كتافك تبكي بعيدة عن ودانك عشان أثناء الحركة متخبطيش راسك بكتفك, ثبتي رجلك علي الارض كويس, انزلي بجسمك تحت و ارفعي رجلك بشكل مستقيم للاخر, بعد كده نزليها وبدلي برجلك التانية.هتحسي بيه فين؟ في دراعاتك وكتافك.
الركلات لعضلة الدراع
الركلات لعضلة الدراع

 3- التمرين التالت: العجلة

إزاي؟ اقعدي على حرف الكنبة, ايديكي قدام صدرك, اتني ركبتك اليمين وميلي بجسمك كله شمال لحد لما كوعك الشمال يلمس رجلك اليمين والعكس, كأنك بالظبط ركبة عجلة.
هتحسي بيه فين؟ في بطنك وركبتك.
العجلة
العجلة

4- التمرين الرابع: رفع الرجل

إزاي؟ نامي علي جنبك اليمين، واسندي راسك بأيدك اليمين, شدي رجلكي الاتنين وافردي صوابع رجلك, ارفعي رجلك لفوق ونزليها في حركة متكررة واهم حاجة إنك تفضلي فردة ركبك أثناء التمرين. 10 عدات وبدلي علي جنبك الشمال.هتحسي بيه فين؟ في الفخد والمؤخرة.
رفع الرجل
رفع الرجل

5- التمرين الخامس: تلميس الركبة والكعوب 

إزاي؟ نامي علي جنبك اليمين، واسندي راسك بأيدك اليمين,اتني رجلكي الاتنين قدامك بزاوية 45 درجة ,المسي ركبك ببعض وإنتي رافعة رجلك, وبعدين ارجعي المسي كعوبك ببعض وإنتي مبعده بين ركبك, 10 عدات وبدلي علي جنبك الشمال.هتحسي بيه فين؟ في الفخد.
تلميس الركبة والكعوب
تلميس الركبة والكعوب

6- التمرين السادس: سكواتس أو القرفصاء 

إزاي؟ اقفي قدام الكنبة خطوتين,حطي طرف رجلك الشمال علي الكنبة, ايديكي علي وسطك, انزلي بجسمك تحت في وضع مستقيم مع تني الرجل اليمين, ضهرك مفروض وكتفك لورا. اطلعي بجسمك تاني فوق وكرري لمدة 10 عدات  وبدلي بعد كدة للرجل اليمين .هتحسي بيه فين؟ في الفخد, الركبة, والمؤخرة.
 
سكواتس أو القرفصاء
سكواتس أو القرفصاء

نتمني إن التمارين تكون سهلة عليكم وإن الفيديوهات تكون وضحت كل الخطوات بالتفصيل.. يلا حاولوا تبدأوا وتواظبوا علي التمارين ديه عشان تساعدكم انكم تحصلوا علي جسم رشيق ومشدود وإنك تستغلوا الوقت الضايع أثناء اليوم في حاجة مفيدة.

مقالات متعلقه

عايزة تحافظي على جمالك؟ اعرفي 4 طرق عشان تحافظى على شكل جسمك بعد سن الـ30

عايزة تحافظي على جمالك؟ اعرفي 4 طرق عشان تحافظى على شكل جسمك بعد سن الـ30

ازاي تنحتي المؤخرة والساقين في 10 ايام عن طريق المشي بس

ازاي تنحتي المؤخرة والساقين في 10 ايام عن طريق المشي بس

المفروض تمشي قد ايه كل يوم عشان تخسري وزنك

المفروض تمشي قد ايه كل يوم عشان تخسري وزنك