ازاى تتعاملى مع الرجل الشكاك ؟
زى ما اتعودتوا مع بنات حوا ان احنا بنجبلكم نصايح ازاى تتعاملوا مع الشخصيات المختلفة من الرجالة انهاردة جايبنلكم نصايح لاى بنت من بنات حوا بتواجه مشكلة الشك المستمر مع الرجل اللى فى حياتها وعايزين نقولكم ان اساس المشكلة دى بيعتمد على الخوف ومشاكل فى الثقة بالنفس عشان كده التعامل معاها بيكون بحذر و رقة ..تعالوا نعرف إزاى نتعامل مع الرجل الشكاك…
1 – خليكى كتاب مفتوح:
خليكى دايما صريحة فى كل حاجة بتعمليها خليه يشوفك و انتى بتكلمى صحابك على الفيسبوك او يشوف تليفونك كل فترة لو عايز خليه يعرف انك معندكيش حاجة تخبيها كده الهدوء هيسود ما بينكم و مش هيحتاج بعد فترة انه يسألك كثير او يشك فيكى .
2 – اعرفى قيمة نفسك:
شخصيتك و قيمتك عمرها ما تخليها تتأثر او تتغير مهما كان كلامه او شكوكه مهما كان متعصب عليكى او اتهاماته كثيرة خليك هادية وواثقة فى نفسك و متخليش الافكار السلبية تهز ثقتك بنفسك وسيبيه يتكلم و يقول اللى هو عايزه لان ده مش هيغير منك حاجة فا ليه بقى تتعصبى و تشكى فى نفسك ؟
3 – الهدوء و تماسك الاعصاب:
كل ما تردى عليه و تتعصبى اكثر كل ما هو هيلاقى مجال للشك فيكى اكثر احسن حل انك تفضلى هادية وفكرى انه هو بيعمل كده عشان هو جواه مشكلة نفسية انه خايف لحسن يكون لواحده او تسيبيه او عنده عدم ثقة بالنفس وبيفكر انك ممكن تبعدى عنه بسبب اى حد .
4 – زودى ثقته بنفسه:
لازم تعرفى انك بتتعاملى مع شخص عنده عدم امان شديد من ناحية كل حاجة نتيجة لخبرات قديمة اتعرضلها اوتربية غلط ودورك عشان تقللى عنده الشك ده انك تعرفيه انك بتحبيه جدا و انه كمان لازم يتعلم يحب نفسه عشان انتم اللى الاتنين تعرفوا تكونوا سعداء. العبارات الرقيقة اللى بتقوليها عشان تخليه يعرف اد ايه هو انسان كويس ورائع فى عينيكي هتفرق كثير بالوقت وان ثقته فيكى بتخليكى تحبيه اكثر .
5 – انسوا سوا كل الماضى :
لازم انتم الاتنين تقعدوا تتكلموا و تتعللموا ازاى تنسوا اى تجارب سابقة ليكم او اى مشاكل كانت بينكم وتنسوها . هاتوا ورقتين واكتبوا فيها كل مشاكلكم واتكلموا فى الحجات اللى ممكن تتحل وبعدين قطعى الورق و ارميها و قوليله انكم تبدأوا عهد جديد مع بعض يكون فيه تسامح و تفاهم و اهم حاجة ثقة.