إزاى تكسبى قلب رجل برج الحوت ؟

يسرا خالد
يسرا خالد
105528

زى ما اتعرفنا قبل كده على كل برج و صفاته و مميزاته و عيوبه فى الانثى و الرجل جايبنلكم كمان انهارده نصائح جميلة ازاى الست تكسب قلب رجل البرج اللى بتحبه انهارده معانا رجل برج الحوت ..تعالوا نقرأ ازاى تكسبى قلب رجل برج الحوت ؟

قلب رجل برج الحوت
قلب رجل برج الحوت

1 – الجانب الرومانسى فى شخصيته :

رجل برج الحوت اكبر شخصية رومانسية فى الابراج كلها و بيحب بسهولة جدا و من السهل انك تجذبى اهتمامه عن طريق الروماسية و حبك ليه و انك تدلعيه و تبينيله انك منجذبة ليه جدا و هو هيفهم منك ده بسهولة و هيرد الحب ده اضعاف و نصيحة خليكى دايما مهتمه بشكلك قدامه و اناقتك .

2 – قربى للطفل اللى جواه :

اجذبى اهتمامه بدعوة عمره ما هيرفضها و اطلبى منه انك عايز تجربى الالعاب اللى بيحبها زى سباق السيارات و العاب الفيديو المختلفة و قربى جدا من شخصيته الطفولية المرحة اخرجى معاه و اركبواعجل سوا او روحواالملاهى و اتكلمى معاه فى السحر و الخيال و علم الفلك و اجذبى اهتمامه و تفكيره دايما لان جواه طفل بيعشق الغموض و المرح .

3 – قربى من  الرقة و الطيبة اللى فى قلبه :

حاولى دايما تأثرى على طيبة قلبه و رقته و حسسيه انك محتجاله يكون جمبك فى كل حاجة و خصوصا لو عندك مشكلة بتواجهك لانه بيحب جدا يقدم المساعدة للغير و بيفرح جدا و يقرب للناس اللى بيعتمدوا عليه و يقدرهم اكثر من اى حد . دايما احكيله كل حاجة و متخفيش انك تبينه دموعك او مشاكلك قدامه لانه هيكون بيسمعك جدا و مهتم انه يواسيكى و يحللك مشاكلك كلها .

4 – زودى ثقته بنفسه :

مشكلة برج الحوت ساعات انه ثقته بنفسه بتكون ضعيفة شوية فبيقرب جدا و يحب الناس اللى بتخليه يحس انه شخص رائع و بتزودله ثقته بنفسه بكلام جميل او معاملة حلوة قوليله انك كهتمة جدا بيه و بشغله و اد ايه هو شخص رائع و عظيم و بيبذل مجهود كبر و بينجح دايما و قليله ان هواياته ممتعة جدا و زوقه الفنى رائع بس اهم حاجة بلاش مبالغة فى المدح عشان الموضوع ميقلبش و يفتكر انك بتخدعيه او بتكذبى .

5 – بلاش تحكمات و قيود :

عشان تضمنى انه يحبك و يقربلك اتاكدى انك سايبله دايمامساحة من الحرية كبيرة لانه بيكره يكون عليه قيود او تحكمات و كل ما تضغطى عليه بالكلام فى مسؤلية او ارتباطات او التزامات هيهرب اكثر و يبعد سيبيه يعمل اللى هو عايزة وقت ما هو عايز من غير اسئله لان رجل البرج ده عمره ما هيخذلك ابدا و شخصية حرة بس يعتمد عليها.

طبعا المشاعر دي حاجة مش بإيدينا يعني مش شرط انك تنفذي الخطوات دي وتكون نتيجتها ايجابية تماما واكيد كمان في فروق فردية بين الناس وبعض يعني الكلام ده مش حينطبق على كل رجال برج الحوت، لكن دي محاولة مننا عشان نفهمك طبيعة رجل الحوت وتخليكي تعاملي معاه بالشكل المناسب. أهم نصيحة من بنات حوا عشان تكسبي قلب أي رجل هي إنك متمثليش وإنك تخليه ينجذب لشخصيتك الفعلية مش شخصية إنتي بس بتعيشها عشان تجذبيه ليكي, لانك غصب عنك وبعض فترة هترجعي لشخصيتك الأصلية ووقتها ممكن تحصل مشكلة كبيرة لما يحس إن مش ديه البنت اللي هو حبها…

اقروا كمان: الحساسة الرقيقة انثى برج الحوت

الرومانسي: رجل برج الحوت

توافق برج الحوت مع الأبراج التانية

أهم 6 أسباب لجاذبية برج الحوت!

أيه هي عيوب برج الحوت?!

مقالات متعلقه

استايل هدوم رجل برج الحوت

استايل هدوم رجل برج الحوت

إزاى تكسب قلب انثى برج الحوت؟

إزاى تكسب قلب انثى برج الحوت؟

أحلى هدايا لرجل برج الحوت

أحلى هدايا لرجل برج الحوت